# Muyim Phật giáo akok meti di Viet Nam birau hu peih pakak dalam labik chánh điện di paha Quán Thế Âm, quận Ngũ Hành Sơn, ban Đà Nẵng. Muyim Phật giáo praong 7.000 met vuong, daok khik hu labaih 500 pandap, dalam nan hu rilo pandap hu dom urang roh duah taong yaom lac kaya kan báu vật negar. Dalam dom  pandap  parang tabiak, hu 200 pandap hu pasang iek bloh, ndung bak rilo ilamu  sarak kan paoh siam karei.  

# Thun 2015, klup kapul khan bai di urang kamei Xa Phó, ở xã Nậm Sài , huyện Sa Pa, tỉnh Lào Cai pứt meng tangin hu meng 5 tal 6 ribau pandap ngan saong 15 mẫu pablei tabiak negar langiu. Klup kapul hu ba bruk ngak ka 35 urang nan lac urang kamei bangsa Xa Phó  di puk palei, yaok urang dalam dom harei laneng lanoi hu jien mek tame jaik 1 tal 1 triệu meteh yaok bilan.

# Di mblang bein Pasak pablei salih ban Quy Nhơn, tỉnh Bình Định birau rah tabiak Nyaom darak pasar Khuyến mại Bình Định 2015. Nyaom darak pasar hu labaih 400 gian hàng di jaik 250 doanh nghiệp saong jaik 10 siêu thị. Dom pandap hu ba tame parang iek darak pasar mbang ini biak rilo janih yau: Thiết bị điện, kim khí, máy móc, pandap jhik, menyim, kalik-takhaoh, pandap mbang menyum hacih sa-at…Tapa ini ba mbuan lagaih ka urang blei hu pandap siam asar glaong di Việt Nam ngan saong yaom kaom, duh ka bruk blei pandap caga tame thun birau 2016.

# Di mblang bein Nguyễn Tất Thành, ban sit Phan Thiết, tỉnh Bình Thuận, nyaom darak công – nông nghiệp – pablei salih Bình Thuận 2015 hu peih tabiak, pachreih hu labaih 150 doanh nghiệp dalam taneh ia ngan saong labaih 300 gian hàng. Dom pandap hu parang tabiak nan lac kaya nông, kaya glai, kaya ikan, điện – điện tử, jamriah thiết bị, vật tư ngak nông, pajaih phun pala, hóa mỹ phẩm, pandap mbang menyum, pandap jhik… nyaom darak ini daok hu mbaok di dom gian hàng yaih khan đặc sản di ralo bhum palei yau palei ngak pacut, bánh tráng Bình Định, kẹo li-u, alak li-u Bến Tre, ia methir Phan Thiết, har pía Sóc Trăng.  

# Di xã Thuận An, huyện Đak Mil, tỉnh Dak Nong, Báo Dak Nong pambuak saong Jabat pato megru huyen Dak Mil, Cong ty Bảo hiểm nhân thọ Prudential peihn ngak danak dak “Pru pachreih bac”. Tui nan, danak dak peih bruk jao brei 40 paok jien bac, yaok paok  yaom 500 ribau ka anek saih kan kathaot kham bac da-a naih joi di Sang bac Tiểu học Nguyễn Viết Xuân saong Sang bac Tiểu học Nguyễn Văn Trỗi, xã Thuận An; alin brei 30 paoh pandap tết, yaok paok pandap  yaom 500 ribau đồng ka dom baoh sang dalam sarak karja di xã Thuan An.

# Thun 2015, cty điện lực Sóc Trăng daok peih gilac dom dự án pabak điện praong piah duh ka bruk pandar, pala drak di tỉnh yau: Dự án lưới điện parabha duh ka bruk raong hadang ia taba tỉnh Sóc Trăng; công trình blai110kV Cù Lao Dung saong jalan talei 110kV Trần Đề - Cù Lao Dung di Dự án parabha hu kein lagaih (DEP) tui kuhria tukvak ngak salah bloh dalam thun 2016; công trình jalan talei 110kV Trần Đề ka blai 22kV Sóc Trăng piah pambuak 110kV di dom blai Sóc Trăng – Đại Ngãi – Cù Lao Dung – Trần Đề - Sóc Trăng khik kajap bruk ba điện gam gam, an toàn ka khu vực.

# Sở Lao động, Thương binh saong Xã hội birau peih bruk jao brei kadung jien daong suai lavik ka dom uranaih biak kan kathaot thun 2015 di tỉnh Tây Ninh. 10 anek saih sang kan kathaot, bac da-a naih joi hu tadaun jien daong suai lavik, yaok paoak jien bac yaom 5 trieu dong. Danak dak ini kayua Kadung jien Daong uranaih Viet Nam brei, piah pachreih ba jeng yau ba tabiak jalan ka dom adei kham merat dalm bruk bac da-a.

Patui di ini dom khau tin dunya:

# Nhật báo pablei salih Níchcây di Nhật Bản brei thau, adit tal taneh ia ini đề xuất bruk padang sa Kadung jien kayua rajaei pachreih tui piah daong dom urang kamei me-in urang HQ dalam mesruh metak. Bruk ini hu rik daong langyah bruk bhian ngak brei catang tagok dalam talei pambuak bruk di dua taneh ia Đôn Á ini.

# Labaih 100 ribau urang di Pa-ra-goay  klak sang kalk palei nao palaik njiak kayua ia sua tagok glaong. Urang ngakpraong di ban A-xun-xi-ôn, ban ine Pa-ra-goay, ong Ma-ri-ô Phê-rê-rô brei thau, ini lac mbang ria sua praong abih ngak khut trak, metai lahik rilo abih dalam 20 thun tapa. Tui ong Phê-rê-rô, urak ni  ia sua biak trak , hu tal 20 ribau baoh sang daok dalam labik tạm trú.

# Sa mbang megei baoh taneh khang 5,9 độ rích-te ngak tatuan megei gah ti-mur Inđônêsia. Pasak di mbang megei baoh taneh atah bhum Ma-lu-ku Teng-ga-ra Ba-rát 242 kilômét mai gah Tây Bắc. Pasak mbang megei baoh taneh di độ dalam 117 km ala mbat tasik./.