# Biar harei kabroi (25/2), pak Phủ Chủ tịch, Akaok negar Trương Tấn Sang hu van raok Kapul urang lambaok thiếu niên dũng sĩ diệt Mỹ gah Meraong hu Wa Ho taom gaok vaktu 1967-1969. Bui sambai hu taom gaok gilac dom urang lambaok naih gheih di sa vaktu dak rai sajarah, dom urang hu Wa Ho taom gaok saong pok meyaom, akaok negar hu panuac lac Đảng, Karja tuk halei jeng kanar hadar tal dom chiến công di dom đồng chí saong dom urang hu kong haong taneh aia.

# Oh thau hu meng samar halei mai, drak pasar Huổi Cuổi  di tỉnh Sơn La tuk halei jeng hu ralo menuac. Họp tui phiên, yaok 5 harei sa mbang, pachreih hu biak ralo bhap bini dom bangsa huyện Quỳnh Nhai saong dom xã, huyện jaik taphia. Di labik mboh yau hu ginup dom pandap kaya nông puk palei kayua mikva ngak tabiak, meng njaam patam, drei ikan, tal baoh lasun ngu, baoh toi, meng dom akaok labung barau paik angaok puh tal dom drei menuk, tapon ada… Saai Lò Thị Thiết daok di xã Mường Giôn, huyện Quỳnh Nhai lac: “Yaom lac sang atah drak min phiên drak halei dahlak jeng nao, nao piah pablei hasit njam, baoh menuk ada di baoh sang, nao drak piah taom gaok ayut sahabat kren di dom palei jaik taphia. Biak sambai”.

# Harei kabroi (25/2), angaok kraong Hàn, bal Đà Nẵng rah tabiak Giải pakacah gilai Kayak hu angan iew “Hào khí Kraong Hàn”. Giải pakacah gilai Kayak “Hào khí Kraong Hàn” nan lac sa dalam dom bruk ngak piah patagok bruk pathram saong pakacah môn vah gilai Kayak; paglaong pren yava saong jalan diuk rai khang kajap ka urang ma-in, taphia di nan padang janih du lịch thể thao bahrau ka bhap bani saong tuai damuai mai haong Đà Nẵng. Hadei di 3 tuk pakacah, giải nhất laik tame tangin kapul Clipper, giải nhì kapul Công ty Công Thành saong giải 3 kapul Khu nghỉ dưỡng Hyatt Đà Nẵng.  

# Thun 2016, tỉnh Thừa Thiên-Huế jao 1.400 urang dam ka 9 đơn vị taduan mek dalam taneh ia. Kayua ngak siam bruk pathau khan, pachreih ba nan ye taong abih urang dam jeng chreih chrai tagok jalan nao ngak lin khik caga taneh ia palei negar. Chất lượng urang dam nao ngak lin di ban sit Huế thun ini hu taong yaom glaong jang dom thun dahlau, dom urang dam hu ilamu cao đẳng, đại học, trung cấp. Bruk jao taduan quân di dom đơn vị hu rah tabiak dalam praong prang, pamedeih tagok pren khang di dama dara tagok jalan dak padang saong khik caga taneh ia palei negar.

# Tukvak ini, pak tỉnh Bình Thuận, tua riya pandiak bhang daok rah tabiak khang. Oh padeih ngak khat lahik ka bruk ngak mbang pala drak, bruk bhang pandiak thu lagu daok ngak ka  yaok pluh ribau baoh sang mikva daok pak ini kurang aia pandar biak khang. Ong Nguyễn Minh Hưng, Akaok cụm pabak aia Thắng Mỹ, huyện Hàm Tân brei thau: “Tal tukvak ini, sang mac padeih ngak bruk, makna di nyu mai meng halau aia meng binek Cô Kiều nduac mai kênh chính trun hồ aia njauk thu lagu abih aia”.

# Ruak pandiak tabiak drah daok tamuh khang di Tây Nguyên, eng tỉnh Gia Lai dalam 2 bilan tapa, hu labaih 600 urang njauk ruak pandiak tabiak drah hu mai iek ruak di dom labik y tế dalam tỉnh, ralo jang jaik 8 mbang duk saong thun dahlau. Ndom ka makna patagok khang dalam tukvak tapa, bác sĩ Võ Gia Bắc – phaok giám đốc pasak y tế dự phòng tỉnh Gia Lai brei thau: “Biến đổi khí hậu, pandiak hajan oh lagaih. Taphia di nan lac bruk takik caik hatai sangka di bhap bini,  oh ka sahneng lac ruak ini nyu nguy hiểm. Kayua yau nan ye bo ruak dak patagok”.

# Anak bruk pandiak bhang, ia njom mbak daok rah tabiak khang, Uỷ ban Bhap bani tỉnh Kiên Giang hu nyaom biai saong ba tabiak dom jalan ngak piah pacang njaom mbak, brei ngak dahlau bruk daong ka bhap bani patui veik bruk pala drak. Ong Phạm Vũ Hồng, akaok Uỷ ban bhap bani tỉnh Kiên Giang brei thau: meyah bhap bani njauk khat lahik ye hadom jeng njauk daong  saong tacei pandar huyện halei ngak blaoh ye Sở Tài chính njauk buh brei dahlau chip, oh cang dom huyện karei piah ka bhap bani hu jien lang talaih kan kandah anak meta.

Patui di ini dom khau tin dunya:

# Tổng thống Prang Phrăng-xoa Ô-lăng-đơ hu mbang nao rivang Ác-hen-ti-na tui panuac daa di tổng thống Mo-ri-xi-ô Mác-ri piah patagok talei pambuak bruk dua gah. Mbang nao rivang ini, dua gah hu mbaoh tangin tame 20 thỏa thuận pambuak bruk dalam ralo gah yau pablei salih, kinh tế, đầu tư, môi trường saong ilamu, kỹ thuật.   

# Harei kabroi (25/2), Mentri Y tế Nhật Bản brei thau hu mboh urang njaom mbak vi-rút Zi-ka akaok mereip kuhria meng tuk jit ruak ini tamuh khang pak labik Mỹ Latinh meng thun blaoh. Urang ruak nan lac sa urang likei dam  daok pak Ka-na-ga-oa, gah Tây Nam bal ine Tôkyô. Urang ini hu từng daok pak Bra-xin 12 harei saong hu triệu chứng sốt dalam harei puac abih pak Bra-xin saong njauk tame ban meng dom harei dahlau di tuk gilac veik Nhật Bản. Urak ini urang ruak ini mboh daok dalam tình trạng ổn đinh, oh daok pandiak saong daok nghỉ dưỡng pak sang.

# Yaok pluh ribau bhap bini Phigi lahik sang danaok saong jeng daok diuk rai dalam dom pasak panduan ba hadei di tuk ribuk. Dom urang metai kayua ribuk Uyn-xtơn tagok tal 42 urang. Pasak pasang iek jit negar hu panuac lac menuac metai meda hu rilo jang./.