# Taduan panuac daa di Thủ tướng Nhật Bản Sin-dô A-bê, harei ini  26/5, Thủ tướng Raja-ei Nguyễn Xuân Phúc tapa rivang Nhật Bản saong hu mbaok dalam Nyaom biai pakat glaong kapul 7 negar công nghiệp patagok peih prong (iew katut lac G7 peih prong), pak Mi – ê, Nhật Bản. Nyaom biai mbang ini ginum biai ka ralo asal kadha yau jhul patagok kinh tế dunya; langyah dom cuang kandah angaok dunya…

# Bair harei 25-5, di Hà Nội, Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân ngak bruk saong amuk Pratibha Mehta ( Bra-ti-ha Me-tha), Điều phối viên di Liên hợp quốc daok di Việt Nam ka bruk peih ngak dom kadha sa ribau thun di Việt Nam. Di var ngak bruk,  ông Nguyễn Thiện Nhân ndom lac, piah ngak hu jak jeng dom bruk patagok khang kajap njauk  hu 3 ykadha nan lac: bruk kham merat di rajaei Việt Nam, bruk hu mbaok di bhapbini saong bruk daong brei di menuac sia dunya .

# jala pandiak harei 25/5, pak Bal raya Hồ Chí Minh rah tabiak bruk jao quyết định  padang Sang bac Đại học Fulbright Việt Nam. Hu mbaok Ngoại trưởng Hoa Kỳ John Kerry, Bí thư Thành ủy Bal raya Hồ Chí Minh Đinh La Thăng gam haong lambaok dom ban, ngành. Daok pak quận 9, Bal raya Hồ Chí Minh, Sang bac Đại học Fulbright Việt Nam nan lac sang bac đại học độc lập, phi lợi nhuận akaok meti di negar drei. Ini lac sang bac đại học duy nhất pak Việt Nam hu ngak tui jalan pato “khai phóng” piah pato pakai dom rai sinh viên thau phản biện, rik daong ka bruk patagok di taneh aia dalam ralo gah. Meng akaok bilan 9 thun ini, Sang bac Đại học Fulbright Việt Nam meda palih ruah cao học khóa akaok mereip ka khoa Chính sách công saong Khik iek Fulbirght.

# Pagaiy harei 25/5, di ban sit Hương Trà, tỉnh Thừa Thiên-Huế, Ban tacei pato danakdak pacang caga kanyaik jhak di pakao hala tỉnh Thừa Thiên-Huế peih  mít tinh diễu hành pachreih tui adit negar oh athak pakao hala. Meng thun 2009, ban sit Huế lac sa dalam dom labik akaok mereip di taneh ia peih bruk pacang caga kanyaik jhak di pakao hala saong tal thun 2015 hu ba tabiak ngak dalam tỉnh. Ông Nguyễn Dung, Phó akaok Ủy ban bhapbini tỉnh Thừa Thiên Huế brei thau: Bruk pacang caga kanyaik jhak di pakao hala ngak hu siam jang, ty le nyuk pakao di dôm công sở jeng ye dom mbang nyaom di hội trường lac oh mboh athak pakao hala. Yau nan min, bruk ini jeng njauk hu jhul khang di tukvak jaik tal.

# Bal Đà Nẵng bahrau hu jalan pasang iek, taong phạt hành chính ngan haong dom urang ngak suan adat hukum dalam bruk klaak hareik pak dom bãi tasik, dom khu sang menei aia taba saong bãi menei công cộng dalam bal. Jalan taong phạt hu pandar ngan haong taong abih urang, kapul nyaom peih bruk pablei salih dịch vụ, rivang ma-in, du lịch, giải trí pak dom bãi tasik du lịch. Dom tanut taong phạt hu pandar nan lac meng 50.000 đồng tal 500.000 đồng ngan haong dom bruk ngak suan adat hukum. Ủy ban bhap bani dom quận tapen tasik yau Sơn Trà, Ngũ Hành Sơn, Thanh Khê saong Liên Chiểu dang tabiak pasang iek, taong phat hành chính dom urang ngak suan adat hukum ka bruk parah klaak hareik pak dom bãi tasik.

# Kapul daong urang ruak kathaot Tây Nam bộ barau peih nyaom roya bất thường piah salih angan jeng kapul daong urang kathaot Tây Nam bộ saong jak ba dom doanh nghiệp daong 14 tỉ đồng piah pasang iek ka urang kathaot bhum Tây Nam Bộ. Bruk likau adat Trung ương peih nyaom roya bất thường piah salih angan ieu meng kapul Daong urang ruak kathaot Tây Nam bộ jeng kapul daong urang kathaot Tây Nam bộ lac piah peih praong bruk ngaki, asal kadha ngak bruk saong daong hu rilo urang jang . 

# Bier harei (25/5), Uỷ ban Bầu cử tỉnh Tây Ninh peih bruk brei thau dom urang njauk cử Hội đồng bhap bani tỉnh Tây Ninh khoá X, tukvak 2016-2021. Tui nan, hu 52 urang njauk cử Hội đồng bhap bani tỉnh Tây Ninh khóa 10, vaktu 2016 – 2021. Dom urang hu palih ruah nan lac dom urang pabak hu hatai caong khin di taong abih bhap bani. 

Khaw tin dunya

# Mintri Quốc phòng Hàn Quốc barau brei thau : akaok mintri Quốc phòng Hàn Quốc, Mỹ saong Nhật Bản meda peih dom mbang ginum biai ka danakdak hạt nhân di Cộng hòa dân chủ bhapbini Triều Tiên di bilan tal. Tui nan, mbang nyaom meda rah tabiak lingiu nyaom biai An ninh châu Á 2016 (daok hu ieu lac ginum biai Xang-ri-la (Shangri-La) tui kuhria chu peih tabiak meng harei 3 tal harei 5/6 tal di Xinh-ga-po.

# Ngoại trưởng Nga La-vơ-rốp (Sergei Lavrov) barau ndom lac, sa jalan chính trị nan lac jalan ngak  piah langyah bruk srau dhau pak gah Pai Ucraina. Brei panuac anak urang vak tuk daok rivang Hung-ga-ri, Ngoại trưởng Nga jeng brei thau lac dom mbang ginum biai di Raja-ei Ucraina saong bolin đối lập njauk  peih ngak veik. Yaom lac Ucraina hu peih ngak bruk palih ruah pakat puk palei meng bilan 10 thun dahlau, min bruk palih ruah pak labik gah Pai Đông Ucraina oh ka ngak hu ka yua gah ndok độc lập oh taduan bruk palih ini hu peih ngak njauk tui adat hukum di Ucraina./.

# Akaok mintri Nội vụ Pháp Béc-na Ca-dơ-nơ-vơ (Bernard Cazeneuve) barau brei thau, piah khik caga an ninh ka mbang chung kết EURO 2016, taneh ia ini hu ba tabiak labaih 90 rabau cảnh sát gam bol bala saong nhân viên an ninh pataom tame khik trật tự. Pháp jeng sanya ngak dom bruk piah pacang cakak bruk tấn công khủng bố di tukvak rah tabiak harei roya caoh blong praong abih châu Âu ini. Tui akaok mintri Nội vụ Pháp, khik caga an ninh dalam mblang vận động lac bruk di Liên đoàn caoh blong châu Âu (UEFA), daok bruk khik siam mekre ka cổ động viên lac bruk di dom mật vụ./.