# Meng harei 16/11/2014 tal 15/5/2015, gah cảnh sát tui iek tội phạm  ma túy hu pambuak bruk song dom gah chức năng chap hu 7 ribau 764 vụ ngan song 12 ribau urang hu pagam tal tội phạm ma túy. Dalam nan hu rilo urang biak nguy hiểm, dang tabiak pang akaok njauk chap kreik rik dong ka bruk khik ramik an ninh taneh ia trật tự an toàn xã hội di negar.

# Dalam 2 harei 24 song 25/6 Phó Thủ tướng, Akaok mintri Ngoại giao Phạm Bình Minh hu nao rivang In-đô-nê-xi-a, gam song Akaok mintri ngoại giao In-đô-nê-xi-a Rét-nô Ma-su- dang akaok nyaom biai mbang ka 2 Ủy ban pambuak bruk Nam – In-đô-nê-xi-a.  Dua gah njauk hatai ndom lac talei rohim meng kan di 2 negar dok patagok siam mekre song kein laba di taong abih gah.

# Di Hòn Nội vịnh Nha Trang, Công ty Yến sào Khánh Hòa hu peih harei pataom yến sào Khánh Hòa thun 2015 piah pahadar dom urang nao dahlau hu buh pren yava khik caga patagok yến sào di bhum tasik  Nam Trung bộ. Jiak 700 thun dahlau, dalam mbang nao ngak bruk di gah merong,  Đề đốc nhà Trần nan lac Lê Văn Đạt song kapul lin gaok ribuk khang yau nan ye kapan pataok tame vịnh Nha Trang, duah mboh di palao kaoh yến ni song ong padang kapul khik caga, duah mek, patagok kaya mbang ini. Bruk ngak yến sào negar drei hu tabiak rai meng nan. Ong Lê Văn Đạt hu rai rah harei hadei pok brei angan lac Thủy tổ nghề yến sào Việt Nam.

# Tuk vak 2015-2020 bruk jak ba “Tong abih bhap bini jum pataom dak padang rai duik ilamu di labik dok” hu pataom tame padang ngak palei pala bahrau, đô thị bahrau song patrun kan kathaot khang kajap. Ni lac asar kadha hu dom urang lambaok ba tabiak di nyaom biai salih bahrau, paglong chất lượng song siam mekre bruk jak ba. ‘Tong abih bini jum pataom dak padang rai duik ilamu bahrau di labik dok “ hu rah tabiak beir harei kabroi 25/6 di HN. Tapa 20 thun peih bruk jak ba “Tong abih bini jum pataom dak padang rai duik ilamu bahrau di labik dok” hu rik dong biak prong ka Đảng song karja peih bruk pasalih bahrau.

#  Di mbang pasram pacang MERS – CoV harei 25/6, piah samar khan bruk khẩn cấp tong abih sang iek ruak, tuk mboh uranaih medhi njom MERS – CoV, sang iek ruak Nhi đồng 1 ban raya HCM hu pandar chuông báo động. Tuk pang sap chuông pok tagok meng gah langiu, BS trực di Phòng lọc bệnh cấp cứu brei tuah khẩu trang, lac janih khẩu trang meda pacang njom MERS – CoV- piah tabiak taduan song tangi sua chip yếu tố dịch tễ.Meyah yếu tố dịch tễ lac dương tính ye BS ni brei cuk chip khan ao phòng hộ cá nhân.

# Bier harei kabroi 25/6 di Hà Nội mintri y tế peih bruk tacei jalan pacang caga jit ruak Mers- CoV. Tapa nan, mintri y tế brei tha, oh ka pandar bruk khai báo y tế ka urang tuai meng mai Thái Lan tal VN. Di mbang nyaom mintri y tế ndom lac urak ni VN oh ka hu urang halei njom ruak Mers- CoV. Min bruk njom mbak jit ruak tame VN nan lac meda hu, kayua negar drei hu pablei salih, du lịch biak prong song HQ, Thái Lan song dom negar Trung Đông.         

 Khaw tin dunya:

# Tui khau tin bahrau di abih bo mintri y tế Thái Lan, negar ni pacang hu jit ruak Mớt (MERS) akaok meti hadei di tuk hu sa urang umo 75 thun urang Ôman njom Mớt harei 18/6. Dom jalan ngak ni hu Thái Lan samar peih ngak hadei di tuk duah mboh mbang njom MERS camereip yau tui iek thân nhiệt di tong abih dom tuai damuai nhập ca3nhmeng jalan kapan haoh song jalan mbak, peih jalan talei pandiak song pasak dut iek luac harei melam, tui iek dalam 14 harei dom urang nhập cảnh meng bhum jit ruak hu pandiak glong song rdut iek yaok harei.

# Harei kabroi 25/6 Ủy ban soạn thảo Hukum negar Thái Lan hu peih bruk pasiam veik dom paka di dự thảo hukum, tui panuac caong di dom kapul nyom, tầng lớp XH Thái Lan dalam tuk vak tapa. Bruk ni meda ngak ka hukum bahrau oh hu Hội đồng salih bahrau taneh ia brei tapa, atau oh hu rilo urang Thái Lan njauk hatai dalam mbang trưng cầu ý dân. Min meyah lac urang tagok sức ép phản biện, ye dự thảo hukum bahrau hu pasiam tui jalan dân chủ jang dut song dự định di UB soạn thảo hukum. 

# Nyaom biai pakat glong Liên minh châu Âu harei 25/6 hu peih tabiak di Bỉ dalam tuk vak nyaom biai akaok mintri jien padai dom taneh ia pandar jien ơro bahrau tamat bloh song oh hu jalan ngak halei hu ba tabiak pagam tal bruk langyah pok jien dong ka Hy Lạp piah dong ka negar ni tabiak truh bruk menyim sraiy. Tuk vak 30/6 bo HY Lạp brei hu jien piah bayar 1,6 tỷ ơ-rô ka kadung jien dunya jiak di ni. Meyah lac oh hu jien, Hy Lạp meda phá sản, ngan song bruk negar ni brei tabiak truh dom negar pandar jien ơ-rô ,sa bruk bo Liên Minh Châu Âu song Hy Lạp oh cong khin kayua nyu ba mai kan kandah praong.

# Bruk biến đổi khí hậu dak harei dak khang di baoh taneh nyu ngak brei trak jang bruk y tế duny. Tui kuhria, biến đổi khí hậu ngak ka yaok pluh triệu urang metai yaok thun kayua dom makna yau ô nhiễm không khí, ruak njom mbak, kurang padai brah song labaih 60 ribau mbang bala rah tabiak grauk labik di dunya. Gah y tế dunya hu panuac khan meyah lac dunya oh samar patrun lượng khí phát thải nhà kính tagok bruk taneh ye meng thun 2030 meda hu labaih 250 ribau urang metai yaok thun kayua dom janih ruak njom mbak kayua biến đổi khí hậu./.