# Melam kabroi 26/3, Phaok Thủ tướng Hoàng Trung Hải hu nao tal labik rah tabiak tai nạn lao động pak công trường dự án Formosa di Khu kinh tế Vũng Áng piah pasang iek, tacei pato bruk pasiam dom khut khat, khik ramik siam mekre, tangi rivang dom urang njauk bala. Phaok Thủ tướng pandar po đầu tư Formosa tacei pato taong abih dom po thầu angaok công trường pasang iek, mong veik bruk an toàn lao động, oh caik rah tabiak bruk yau nan; pandar po thầu Samsung C&T samar pasiam dom khut khat, tangi rivang, daong dom baoh sang urang njauk bala.

# Di jabat Quốc hội, akaok Quốc hội Nguyễn Sinh Hùng hu taduan raok ong An-đét Giôn-sơn (Andes Johnson), dahlau deih ngak Tổng thư ký IPU. Akaok Quốc hội caong khin ong Andes Johnson daok patui bruk rik daong piah IPU 132 hu jak jeng, rik daong tame bruk hòa bình, pambuak bruk, tani tanat saong tapagok di menuac sia. 

# Peih bruk mek panuac rik daong tame dom dự án Hukum tui kuhria dahlau hu mong iek, brei tapa di mbang nyaom ka 9, Quốc hội mbang 13, biar harei kabroi 26/3, kapul urang Quốc hội bal ine Hà Nội peih nyaom biai mek panuac rik daong tame Dự thảo Hukum An toàn, vệ sinh lao động saong Dự thảo Hukum Thú y. Ngan haong Dự thảo hukum an toàn vệ sinh lao động, ralo panuac njauk hatai haong bruk peih prong urang hu mbang tui sarak an toàn vệ sinh lao động gam ka dom urang oh pambuak haong lao động. 

# Báo Nhân Dân vừa barau peih họp báo brei thau ka bruk pakacah vak ka ngak nong, urang nong, palei pala thun 2014 ngan saong kadha “rami ramik veik gah ngak nong pagam saong padang ngak palei pala barau”. Bruk pakacah kayua Báo Nhân Dân pambuak bruk saong mintri ngak nong saong patagok palei pala, kapul urang ngak nong Việt Nam saong Tổng Công ty khak drak saong hóa chất dầu khí peih tabiak. Hadei di jaik sa thun ba tabiak, mban peih bruk hu pilih ruah saong pandar 103 tác phẩm piah ba tagok ấn phẩm Báo Nhân Dân yaok harei, tapa nan, pilih ruah hu 18 kadha piah alin giải.

# Pak xã Đạo Nghĩa, huyện Đắc R’Lấp, tỉnh Đắc Nông hu sa mbang hajan patau gam tui ribuk khang ngak khat lahik trak. Tui Ban Chỉ huy pacang caga ribuk aia sua saong trun njuan bala meng langik tasik tỉnh Đắc Nông, mbang hajan patau saong ribuk khang ngak ka dua baoh sang jaleih abih, tui kuhria khat lahik jaik meteh tỷ đồng; jaik 400 ha cà phê, pa-aok bleit saong ralo phun prong jaleih abih… 

# Sa mbang khuah praong barau rah tabiak di pasak roh duah saong patagok Dược liệu Đồng Tháp Mười di huyện Mộc Hóa, tỉnh Long An ngak khat lahiuk trak 50 hecta tràm tự nhiên. Huyện Mộc Hóa hu jak ba rilo gah daong padam apui. Mbang khuah ngak khat lahik 50 hec-ta glai tràm dalam abih tih labaih 800 hec-ta glai tràm đặc dụng di pasak ini. Ông Lâm Hòa Xứng, Phó akaok uy mban bhapbini huyện Mộc Hóa, tỉnh Long An ndom: Hu bruk daong di Bộ đội biên phòng tỉnh, Ban chỉ huy quân sự tỉnh, gah pacang khuah padam khuah di  tỉnh saong gah chức năng di huyện, abih di nyu nan lac mikva daok taphia pataom tame jeng ye mbang khuah hu  padam.

# Di pasak padhih dalam aia Thừa Thiên Huế, dalam harei pakacah puac di abih, kapul bal raya Hồ Chí Minh mek hu gilac 2 huy chương ameh saong jeng hu padang 2 kỷ lục pakat negar. Dom kỷ lục hu mek meng Lưu Nguyễn Đức Tâm – 800m vòi hơi takai ada saong đồng đội tiếp sức 4 mbang 200m vòi hơi takai ada likei chân vịt nam. Tamat 3 harei pakacah, kapul bal raya Hồ Chí Minh dang akaok ngan haong 6 huy chương ameh, 3 huy chương pariak, 7 huy chương bal.

Khaw tin dunya

# Tui pathau khan di mintri Năng lượng saong Khoáng sản Lào, urak ini  88,7% menuac sia di taneh ia ini hu pandar menhek. Urak ini, Lào hu 29 sang mac ngak tabiak menhek meng 1 mê-ga-oát (MW) tagok, dalam nan hu 27 sang máy thủy điện saong 2 sang máy ngak tabiak menhek meng bã tabau, hu công suất abih tih labaih 3 rabau mê-ga-oát (MW), ngak tabiak menhek labaih 16 tỷ ki-lô-oát tuk menhek (KWh)/ sa thun. Lào hu 45 danakdak thủy điện daok hu padang ngak.  

# Công tố viên Pháp bahrau brei thau, bruk nhận dạng 150 tuai damuai dalam mbang laik kapal haok di hãng kapal haok Đức Giơ-men-uynh (Germanwings) daok peih tabiakhu peih tabiak. Urak ini jaik 300 urang cứu hộ jeng daok pataom mbaok jaik labik rah tabiak bala dalam tuk labaih 400 cảnh sát, lin padam pui hu ba mai daong piah caong duah mboh abih dom urang metai. Sruh kapal haok Airbus A320 số hiệu 4U 9525 di hãng kapal haok Germanwings pajneg 150 urang dalam nan hu 144 tuak damuai saong 6 phi hành đoàn, laik trun labik ceik An-pơ (Alps), Pháp harei 24/3. 

# Sa sruh phà pajeng 227 tuai saong 55 thủy thủ đoàn barau gar jaik pulao Ka-sốt (Kassos) di bhum tasik A-ê-gê-an (Aegean), gah Đông Nam Hy Lạp. Kapul khik caga tasik Hy Lạp harei kabroi brei thau, sruh phà ini nyu gar di tuk lingik jhak, min oh ka brei thau bruk metai lihik. Tui kuhria, sa kapal lai dắt chuyên dụng meng sa pulao taphia meda mai daong sruh phà njauk bala./.