Khaw tin dalam negar:

# Biar harei 26/3, pak jabat Trung ương Đảng, ong Tô Huy Rứa, Ủy viên Bộ Chính trị, Bí thư Trung ương Đảng, Akaok Ban Tổ chức Trung ương, Akaok Kapul Nyaom Nghị sĩ hữu nghị Việt Nam – Nhật Bản, hu taduan raok kapul Urang lambaok Đảng Cộng sản Nhật Bản kayua ong Ô-ga-ta I-a-sư-ô, Phó akaok kapul urang pan akaok mBan Chấp hành Trung ương, Akaok Ban Quốc tế Đảng Cộng sản Nhật Bản daok rivang saong ngak bruk pak Việt Nam. Dua gah njauk gauk ka dom jalan ngak piah jhul pakhang talei pambuak bruk dalam tukvak anak tal, dalam nan hu bruk brei dom kapul di dua gah nao mai rivang gauk, klah rabha lý luận, khan brei ka gauk thau dom thông tin saong patagok talei pambuak bruk di dom diễn đàn đa phương chính đảng; patui veik jhul pakhang patagok talei pambuak bruk prong dalam brei ka bruk sron mbon saong salamat pak châu Á di Việt Nam haong Nhật Bản.

# Melam kabroi 26-3 (tui tukvak Biet Nam) Thủ tướng Nguyễn Tấn Dũng ba akaok kapul urang jakar Việt Nam nao tal ban ine La Habana, ravang Cộng hòa Cuba meng harei 26 tal harei 28/3 tui panuac daa di akaok Hội đồng karja saong Hội đồng akaok mintri taneh ia Cộng hòa Cuba Raul Castro Ruz. Mbang ravang Cuba ini di Thủ tướng Nguyễn Tấn Dũng piah jhul khang talei pambuak bruk kinh te, pablei salih saong dau tu di dua taneh ia, njauk saong talei pambuak bruk praong meng livik mai di Việt Nam saong Cuba.

# Harei kabroi, 26/3, mai pataom mbaok saong tacei pato Nyaom biai tapak pakat negar pataom iek veik 5 thun peih ngak Nghị định ka 152 di raja-ei ka labik pacang caga kayua Mentri Quốc phòng peih ngak, Ủy viên Bộ Chính trị, Phaok Thủ tướng Nguyễn Xuân Phúc ndom lac: Dak padang labik pacang caga nan lac sa dalam dom bruk ngak prong, suai lavik di pakat ủy, đảng, karja dom pakat saong taong abih hệ thống chính trị. Phaok Thủ tướng pandar Mentri Quốc phòng, dom bộ, ngành, puk palei, quân khu, quân chủng peih ngak 5 asal kadha prong. Dalam nan, njauk peih ngak khang bruk pathau khan, peih ngak Nghị định 152 di Raja-ei ka labik pacang caga.

# Biar harei kabroi 26/3), Tổng lãnh sự quán Indonesia di ban raya Ho Chi Minh hu taom gaok bao chi  dalam tuk pamaong tal bruk pahadar 60 thun  padang talei pambuak bruk Việt Nam – Indonesia (1955 – 2015). Ông Mayerfas, Đại sứ đặc mệnh toàn quyền Cộng hòa Indonesia di Việt Nam hu khan brei thau dom kadha ka talei pambuak bruk dua gah di dua taneh ia. Dalam nan, njauk ndom tal thun 2013 lac thun praong abih dalam talei pambuak bruk di Indonesia saong Việt Nam tapa bruk dua taneh ia njauk gauk brei patagok talei pambuak bruk jeng “Đối tác chiến lược”. Thun 2015, pahadar 60 thun padang talei pambuak bruk ngoại giao Việt Nam - Indonesia, di ban raya Hồ Chí Minh hu rilo bruk praong ye peih míttinh pahadar 60 thun pambuak bruk ngoại giao, 69 thun harei độc lập di Indonesia, harei ilimo Indonesia, khan brei thau bruk ngui cuk barau, bruk mbang menyum Indonesia; pakacah duah thau ka taneh ia, anek menuac, ilimo Indonesia…

# Harei kabroi, pak Hà Nội, Phó thủ tướng, akaok Mentri ngoại giao Việt Nam Phạm Bình Minh hu mbang taduan raok saong ginum biai haong Tổng giám đốc Jabat Đối ngoại châu Âu Đa-vít Âu Su-li-van daok rivang Việt Nam. Pak van taduan raok, ong Đa-vít Âu Su-li-van brei thau, Liên minh châu Âu taong yaom glaong dom jak jeng dalam bruk cakrok patagok di Việt Nam dalam dom thun tapa, patui jalan daong ka Việt Nam dalam bruk cakrok patagok kinh tế, patruh iek patrun kathaot, patui bruk pachreih tui Việt Nam angaok dom diễn đàn khu vực saong dunya. Daok gah drei, Phaok Thủ tướng, Akaok Mentri ngoại giao Việt Nam Phạm Bình Minh khan lac, Việt Nam tuk halei jeng iek prong talei pambuak bruk nao mai hoang Liên minh châu Âu saong daok kham merat piah dua gah meda ngak hu salah  Hiệp định pablei salih tự do dalam thun ini.

# Tui mintri ngak nong saong cakrok palei pala, kim ngạch kaya nong, kaya ikan dalam ia pablei tabiak taneh ia langiu bilan 3 kuhria hu 2 tỷ 640 triệu đô la Mỹ, ba yaom pablei tabiak taneh ia langiu di nganh 3 bilan akaok thun tagok 6 tỷ 900 triệu đô la Mỹ, glaong 9,4% duk saong dom bilan ini thun bloh. Kaya ikan dalam ia pablei tabiak taneh ia langiu, jeng daok lac bruk hadah saong yaom kuhria 1 tỷ 610 triệu đô la Mỹ. Min, rilo nganh pandap daok trun takik kayua cung cầu di darak pasal hu rilo trun tagok ye : padai, brah, cao su, tae…

# Gah ngak nong tỉnh Sóc Trăng brei thau, yaom lac langik tasik vụ Đông Xuân 2013-2014 daok rah tabiak oh siam, darak pasar yaom padai daok trun tagok, min urang ngak padai Sóc Trăng jeng daok hu laba labaih 14 triệu đồng yaok hecta, kayua mek hu ralo padai, asal siam saong yaom jien buh tame takik. Bilan Đông Xuân ini, dalam tỉnh Sóc Trăng trun pajaih hu labaih 141.000 ha, năng suất kuhria rah tapa yaok ha hu  6 tấn meteh.

Khaw tin dunya:

# Đảng Dân chủ, đảng đối lập praong di Hàn Quốc saong nghị sỹ độc lập An Chêôn Su (Ahn Cheol-soo) harei kabroi pok panuac brei padang sa đảng barau hu angan “Liên minh chính trị barau di Dân chủ”. Akaok đảng Dân chủ Kim Han Ghin (Kim Han-gil) saong nghị sỹ An Chêôn Su hu pilih ruah pok ngak lac sa dalam dua urang pan akaok Dang barau ini. Brei panuac di harei padang Dang Liên minh chính trị barau kayua Dân chủ, ông Kim Han Ghin khan lac, bruk padang Dang ini lac panuac piah peih bruk yam tal salih quyền lực di mbang pilih ruah Tổng thống Hàn Quốc thun 2017. Min, Dang ini oh brei urang tabiak ứng cử dalam mbang pilih ruah di puk palei harei 4 bilan 6 tal. 

# Dalam kadha ndom puac anak Quốc hội harei kabroi 26/3, Tổng thống Mi-an-ma Thên Xên sanya lac, Raja-ei di ong daok patui  yam angaok jalan chuyển tiếp dân chủ pak negar ini. Panuac sanya ini hu ba tabiak di tuk pahadar 3 thun harei ong tagok pal akaok raja-e. Tổng thống Thên Xên hu panuac ieu raja-ei saong bhap bani pachreih tui jalan dân chủ saong dom kham merat bo Mi-an-ma mek hu tal harei ini piah patui khik ramik sron mbon,  grap tanat saong patagok di negar ini.

# Pagaiy harei ini 27-3), di ban ine Manila (Philíppin) rah tabiak bruk mbaoh tangin tame harak hiệp định hòa bình di rajaei Phi-líp-pin saong kapul nyaom dang tagok hu angan ieu lac Mặt trận peih paha Islam Mô-rô. Thủ tướng Malaixia Ni-gíp Ra-dắc hu da-a mai maong iek bruk mbaoh tangin tame. Malaixia lac gah ka 3 pataom tame dom mbang ginum biai hoa binh di rajaei Phi-líp-pin saong Mặt trận peih paha Islam Mô-rô saong dang akaok kapul nyaom pasang iek pakat dunya ka bruk Phi-líp-pin./.