# Melam kabroi 26/ 4, pak bal sit Hưng Yên, Tỉnh Yên Hưng Yên hu peih bruk taduan mek bằng xếp hạng inam mek pakat negar biak karei khu di tích Phố Hiến saong peih pakak dom lễ hội ilamo bhap bani Phố Hiến thun 2015. Akaok negar Trương Tấn Sang saong lambaok dom urang dang akaok dom bộ, ngành Trung ương, puk palei gam haong ralo bhap bani dalam tỉnh Hưng Yên hu mbaok. Phố Hiến hu công nhận lac inem krung pakat negar biak karei nan meda ngak ka Hưng Yên hu labik dang ka gah ilamo rivang ma-in, peih tabiak jalan patagok kinh tế - xã hội di sa daok dalam bhum kinh tế praong labik taneran gah Barak.

# Bair harei kabroi 26/4, Thủ tướng Nguyễn Tấn Dũng ba akaok kapul urang jakar VN hu nao tal ban ine Cua-la Lăm-pơ, Malaysia tame dom bruk di nyaom biai pakat glaong ASEAN mbang yaka 26 tui panuac da a di Thủ tướng Malaysia Na-díp Tun Áp-đun Ra-dắc. Melam harei nan, Thủ tướng Nguyễn Tấn Dũng saong dom urang pan kaok dom taneh ia ASEAN pataom mbaok tame bruk payak salam uan nyaom biai pakat glaong ASEAN 26 kayua Thủ tướng Malaysia saong diuk di ong peih ngak. Thủ tướng Nguyễn Tấn Dũng ba akaok kapul VN pataom tame nyaom biai pakat glaong ASEAN 26 mbang ini piah patui jalan brei thau saong patagok labik dang, chủ động saong hu trách nhiệm haong baoh sang chung  ASEAN,  abih di nyu nan lac pakhang saong laglaong bruk jum pataom, njauk hatai gauk di dom thành viên ASEAN anak dom tavak tavaiy saong nguy cơ, rik daong khik caga hòa bình, an ninh, pambuak bruk saong patagok di khu vực.

# Tukvak pahadar 40 thun harei peih paha gah Meraong, yasa taneh aia  (30/4/1975 - 30 /4/2015), meam 26/4, tỉnh Kiên Giang hu peih ngak danak dak giao lưu - nghệ thuật “Ký ức bilan 4” pak bal sit Rạch Giá saong huyện U Minh Thượng tapa cầu truyền hình tapak. Dalam danak, khán giả hu giao lưu haong nhân chứng dakrai sajarah tỉnh Kiên Giang dalam vaktu bui sambai di taneh aia. Dalam tukvak nan, tỉnh Kiên Giang hu brei thau saong pok jao giải thưởng mbang pakacah kadha daoh saong ca cổ salam uan 40 thun peih paha palei negar.

# Di danakdak “ tukvak bilan 4 sajarah” hu  Liên đoàn Lao động ban raya HCM peih ngak di bair harei 26/4, dom urang jakar công đoàn daok ngak bruk saong urang ngak hadah trah di ban raya jeng hu tuk taom gaok ndom biai nao mai haong dom urang jakar công vận kháng chiến, dom urang rik daong oh sit ka jayah di bol bala saong bhapbini drei dalam chiến dịch Hồ Chí Minh.  Ông Võ Thành Đô, dahlau thiah ngak akaok mban Công vận huyện Thủ Đức khan lac:“Hu khan veik dom hagait di harei 30/4, dahlak biak chreih hatai, hadah mbaok kayua drei jeng rik daong tame bruk mesruh meblah veik hòa bình, yasa taneh ia. Njauk lac tukvak nan, dahlak oh sahaneng kol drei jayah drah samal yau nan. Saong dahlak jeng oh sahaneng lac adei saai công nhân drei di dom sang mac, hãng xưởng urang jeng ngak biak siam bruk hu jao brei”.

 # Harei kabroi, 26/4 (nan lac 8 bingun bilan 3 saka aia bulan), pak inem mek dak rai sajarah Lê Hoàn di palei Trung Lập, xã Xuân Lập, huyện Thọ Xuân, Ủy ban bhap bani tỉnh Thanh Hóa peih bruk pahadar 1010 thun harei lahik anh hùng bangsa Lê Đại Hành Hoàng đế saong peih Lễ hội Lê Hoàn thun 2015. Ini lac bruk ngak prong daok dalam dom bruk ngak di thun Rivang ma-in pakat negar 2015 – Thanh Hoá. Patagok ilamu meng kan di bhum palei, Đảng bộ, raja-ei saong bhap bani tỉnh Thanh Hóa kham merat padang Thanh Hóa jeng sa tỉnh tiên tiến, ngak brei jhul pakhang bruk công nghiệp hóa, hiện đại hóa taneh aia.

# Tal urak ini, ban sit Đà Nẵng  hu rami ramik veik he thong talei cáp thong tin di labaih 440 canah jalan, atah abih tih labaih 240 km; taphia nan  xử lý yaok ratuh bruk talei cáp oh khik hu mỹ quan, lahik an toàn. Ông Nguyễn Hoàng Cẩm, Phó akaok Sở Thông tin saong Truyền thông ban sit Đà Nẵng brei thau:  Nao gam saong bruk njauk ngầm hoá lac ngak habal piah dom tuyến cáp urak ini trun takik tavak tavaiy. Kol dahlak pandar doanh nghiep meng di dom tuyen cáp oh ka ngầm hu, ngak habal ngak gọn veik, plaih dom cáp tuan ngak kan kandah tak bruk nao mai saong mỹ quan đô thị. Dom đoạn tuyến, pambuak pagam saong dak padang barau, kol dahlak pandar doanh nghiep njauk ngầm hoá.

# Harei 26/4, pak bal sit Kon Tum, Ủy ban An toàn giao thông pakat negar, Trung ương đoàn Dam dara cộng sản Hồ Chí Minh pambuak haong Ủy ban bhap bani tỉnh Kon Tum peih ngak Harei nyaom “Dam dara haong ilamo nao mai angaok jalan thun 2015”. Mai haong harei nyaom, labaih 2.000 đoàn viên, dam dara, anek saih, sinh viên tỉnh Kon Tum hu mbaok dalam dom bruk ngak yau: jalan palih ruah, pandar mũ bảo hiểm njauk chất lượng, njauk adat; kỹ năng peih radaih khoa học, an toàn; jalan langayh tuk hu nguy cơ rah tabiak tai nạn angaok jalan...      

Khaw tin dunya

# Harei kabroi 26/4, dom gah daong di dunya saong rajaei rilo taneh ia daok tabiak samal bruk kham merat ba urang daong saong pandap thiet yeu tal dom bhum daok gaok mbang megaiy taneh khang di Nê-pan ngak ka labaih 2 rabau 200 urang metai. Urak ini, kapul daong di Mỹ gam saong dom taneh ia châu Âu saong châu Á daok hu mbaok di ban ine Cát-man-đu saong dom bhum palei pala di Nê-pan, bhum daok njauk neh rabha saong gah langiu kayua mang luoi truyen thong padheih ngak bruk, piah duah dom urang daok diuk. Jabat patagok dunya di Mỹ brei thau, urang hu daong tuk camereip 1 trieu do la ka rajaei Nê-pan.

          # Harei 25/4, bruk srau dhau nyu rah tabiak di cảnh sát saong urang trun jalan pak bal Ban-ti-mo (Baltimore) dalam tiểu bang Ma-ri-len (Maryland) - Mỹ. Mbang trun jalan peih akaok biak sron mbon ngan haong takik abih 2 ribau urang tuần hành pamaong tal pasak bal. Ini lac mbang trun jalan prong abih dalam dom mbang trun jalan rah tabiak luac adit tapa piah yêu cầu cảnh sát brei thau cambaih laih bruk metai lahik di Grây (Gray), sa urang Mỹ asal Phi. Grây metai nao di harei Dit adit dahlau (19/4) kayua sa chấn thương pak talang ka-ing dalam tukvak njauk cảnh sát mek khik. Tui dom nguồn tin meng dom urang hoạt động, Grây oh hu iek glang y tế tuk daok angaok radaih di cảnh sát.  

# Dom urang jakar ngak praong di I-ran brei thau, khí đốt pablei tabiak taneh ia langiu di I-ran dalam thun tài khóa barau tamat hu tagok labaih 1 triệu mét khối duk saong dom bilan ini thun dahlau. Tui mintri Dầu khí I-ran, khí đốt tự nhiên pablei tabiak taneh ia langiu thun bloh di I-ran hu tagok 25,8 triệu mét khối saong kuhria tagok rilo jang di thun ini ( akoak mereip meng 21/3). Di dua thun gilac mai ini, yaom lac trữ lượng khí đốt praong abih di dunya, min Tê-hê-ran jeng oh ka jeng sa taneh ia pablei tabiak taneh ia langiu khí đốt praong kayua công nghiệp mũi nhọn ini kurang dom paok jien dau tu. Piah paglaong sản lượng khí đốt ka bruk pablei tabiak taneh ia langiu, tukvak tapa, jaraei I-ran kham merat patabik dom sarak dui pachreih taneh ia lingiu tame ngak mbang, dau tu ./.