# Patui veik danak dak mbang nyaom ka 10 Quốc hội mbang 13, harei ini  (27/10), Quốc hội ginum biai pak hội trường ka dom asal kadha daok hu panuac karei di gauk di Dự thảo Hukum tố tụng hành chính (pasiam veik); ginum biai pak tổ ka Dự thảo Nghị quyết di Quốc hội ba tabiak Nội quy mbang nyaom Quốc hội (pasiam veik); Dự án Hukum quân nhân chuyên nghiệp saong urang jakar, urang ngak gah quốc phòng. 

# Harei kabroi (26/10), nyaom roya Đảng bộ tỉnh Bình Dương mbang 10, tukvak 2015-2020 hu peih tabiak ngan saong 350 urang jakar hu mbaok. Brei panuac di nyaom roya, akoak taneh ia Trương Tấn Sang pandar Bình Dương njauk patagok siam lagaih di puk palei piah patagok kinh te – xa hoi hu kein laba glaong jang: Pasiam bruk đầu tư, jhul pakhang pachreih ba đầu tư hu pilih ruah, caik dahlau patagok công nghiệp pandar công nghệ glaong, công nghiệp hỗ trợ, siam ka alam môi trường, patagok tỷ lệ nội địa hóa,trun takik tỷ lệ gia công. Patagok samal dom gah dịch vụ,paglaong  tỷ trọng dịch vụ dalam GDP, abih di nyu nan lac dom dịch vụ chất lượng glaong, hu siam lagaih saong yaom gia tăng glaong. Pasiam dom đô thị pambuak pagam saong bruk khik rtamik dom đô thị văn minh, barau tui tanut dunya.

# Pak Jabat raja-ei, Thủ tướng Nguyễn Tấn Dũng bahrau taduan raok tỉnh trưởng tỉnh Saitama (Nhật Bản) Ueda  Kiyoshi daok rivang saong ngak bruk pak Việt Nam. Thủ tướng Nguyễn Tấn Dũng ndom lac talei rohim pambuak bruk di dua negar ba mai kein laba biak siam, oh lac kein laba anak meta ba daok ba mai kein laba suai lavik, hu makna praong ka dua gah, Việt Nam saong Nhật Bản.

# Bair harei kabroi (26/10), kapul ngak bruk di mintri Thông tin saong  Truyền thông ngak bruk saong uy mban bhapbini ban sit Đà Nẵng ka bruk peih nyaom biai akaok mintri Viễn thông saong Công nghệ thông tin ASEAN mbang yaka 15 rah tabiak meng harei 23 tal harei 27/11 di ban sit ini. Nyaom biai akaok mintri Viễn thông  saong Công nghệ thông tin ASEAN hu peih ngak định kỳ tui jalan luân phiên. Nyaom biai thun 2015 kayua Việt Nam dang tabiak ngak, tui kuhria hu 10 taneh ia ASEAN gam saong dom gah pambuak bruk nan lac Nhật Bản, Hàn Quốc, Trung Quốc, Ấn Độ, Liên minh Viễn thông dunya saong Liên minh châu Âu.

# Anak bruk mehit lac jabat chức năng dalam Mentri Ngak nong saong patagok palei pala duah mboh 16% mẫu rilo athur hu asal ngak jeng nạc Salbutamol saong Clenbutarol, nan lac dua janih kháng sinh njauk pakuak dalam raong glang, biar harei 26/10, pak van pabak thông tin ka báo chí, Cục An toàn pandap panda, Mentri Y tế khang panuac lac, oh ka hu bằng chứng tiền chất kháng sinh njauk ba tabiak gah langiu pandar ka anek athur. Amuk Trần Việt Nga, Phaok Cục trưởng Cục An toàn pandap panda brei thau: Ngan haong dom asal kháng sinh pandar ka manuac urang ye Mentri Y tế hu dom adat brei ka bruk khik iek saong adat ka ilamu biak catang; daok ngan haong dom kháng sinh brei ka anek athur ye Mentri Ngak nong saong patagok palei pala jeng hu dom thông tư brei thau ka bruk khik iek vật tư ngak nong.

# Barau ini, dua mintri Y tế- jien padai patabiak thông tư quy định yaom dịch vụ iek ruak bảo hiểm y tế.  Langiu 1.200 dịch vụ y tế hu quy định tanut yaom tối đa, Thông tư mbang ini meda quy định bổ sung tanut yaom di jaik 600 dịch vụ hu blac raih , thủ thuật. Tui Bảo hiểm xã hội Việt Nam, yaom dịch vụ iek ruak hu pasiam veik mbang ini hu pandar meng 15/11 ka urang hu thẻ bảo hiểm y tế. Dalam thun 2016, dua mintri meda pasang iek, tacei pato bruk peih ngak ka urang oh hu thẻ bảo hiểm y tế.

# Tỉnh Phú Yên bahrau brei thau ka jit laka cambuai tapok kakau angaok tapol anek athur pak xã Xuân Quang 1, huyện Đồng Xuân. Dalam nan, labik hu jit daok tamuh khang nan lac dom xã Xuân Quang 2, Xuân Phước, Phú Mỡ. Ruak laka cambuai tapok kakau angaok tapol limo hu mboh atah di ini labaih sa adit pak dalam palei Suối Cối 1, xã Xuân Quang saong samar pambak prong tapa limo di dom baoh sang karei. Tal tukvak ini, hu mboh 17 drei limo njauk ruak, 1 drei metai kayua ruak.

Khaw tin dunya

# Tui kuhria mboh barau di abih, jaik 280 urang metai dalam mbang megaiy taneh khang 7,5 độ Richter di bhum Nam Á. Bruk metai lahik nan mboh rilo di Pakistan, labik  214 urang metai saong labaih 1.800 urang bị thương. Dalam nan, pandik harao di abih lac di ban Taloqan, pasak Takhar, 12 anek saih di sang bac anek saih kumei Bibi Hajira di ban ini metai kayua jhuak gauk tuk kham merat nduac tabiak truh sang bac tuk megaiy taneh.

# Nyaom biai thượng đỉnh Ấn - Phi mbang ka 3 harei kabroi (26/10) bahrau peih tabiak pak bal ine Niu Đê-li (New Delhi) di Ấn Độ. Hu mbaok dalam mbang nyaom hu dom urang ngak prong dom negar mai meng Ấn Độ saong 54 taneh aia châu Phi. Ini lac mbang akaok meti taong abih 54 taneh aia châu Phi, ngan haong urang dang akaok Karja saong raja-ei jeng hu mbaok dalam mbang nyaom ini. Nyaom biai piah patagok talei pambuak bruk di Ấn Độ ngan haong dom negar châu Phi, dalam nan pataom tame dom gah patagok nguồn lực anek manuac, dak padang thể chế, cơ sở hạ tầng, năng lượng hacih, ngak nong, y tế, pato pakai.

# Yaok rabau urang mai meng dom tỉnh dalam taneh ia Campuchia barau pataom gauk anak bahmbang jabat Quốc hội di ban Phnom Penh biểu tình ndok brei padeih bruk ông Kim Sô-kha (Kem Sokha), Phó akaok Đảng Cứu quốc đối lập (CNRP), Phó akaok ka sa Quốc hội Campuchia. Dom urang biểu tình ba tui biểu ngữ saong preu khang dom panuac lac “ ông Kim Sô-kha padeih bruk, brei padeih bruk ông Kim Sô-kha”….Dom urang nan ndom lac, ông Kim Sô-kha lac urang oh hu nang luc, oh hu đạo đức, oh njauk ngak urang dang akaok, tok thau pacuh pajarak ngak neh rabha bangsa …/.