# Hadei di 37 harei ngak bruk samar drah saong abih hatai, harei ini (27/11), Quốc hội ngak bruk pak hội trường, biểu quyết brei tapa Hukum tố tụng hình sự (pasiam veik); brei tapa Sarak ka bruk ngak tư pháp; Ginum biai pak hội trường ka dự án Hukum taom gaok thông tin; Hukum jru tavao (pasiam veik). Biar harei Quốc hội njaom tamat.

# Beir harei 26/11 Tổng Bí thư Nguyễn Phú Trọng hu taduan raok Đại sứ Lào Thoong-xạ-vẳn Phôm-vi-hẳn mai salam tuk taduan bruk ngak di VN .Tổng Bí thư Nguyễn Phú Trọng jia lac Đại sứ meda ngak siam bruk ngak bo Đảng song karja song bhap bini Lao jao brei, dong pakhang patagok talei pambuak bruk meng kan, jum pataom song pambuak bruk di 2 đảng, dua karja song bhap bini 2 taneh ia Việt Nam – Lào.

# Tui bruk nao rivang pakat Karja tal Đức, harei 26/11, pak Viện Koerber, akaok negar Trương Tấn Sang hu puac harak ka bruk an ninh châu Á – Thái Bình Dương saong ginum biai ka dom kadha dunya bo dua gah daok sangka. Ndom lac “Sron mbon saong patagok nan lac kein laba di dom negar dalam khu vực; nao cagar veik kein laba ini LAC jhul kadul likuk dakrai sajarah”, Akaok negar brei thau: “Châu Á - Thái Bình Dương njauk hu sa cấu trúc an ninh khu vực di taong abih gah saong hu siam lagaih, hu padang tagok tui hukum dunya; dom bruk meriak gauk ka taneh riya, dalam nan hu kadha pulao tasik njauk hu langyah meng jalan sron mbon njuak haong adat hukum dunya saong Công ước Luật Biển di Liên hợp quốc thun 1982”. Akaok negar hu panuac caong dom Nghị sĩ, dom chuyên gia, urang roh duah pachreih tui saong ngak brei siam jang talei pambuak bruk Việt - Đức, talei rohim ASEAN - EU.   

# Harei 26/11 ong Nguyễn Văn Bình, Thống đốc gilang pariak karja VN hu nao rivang song brei pandap ka 182 boh sang di xã Ia Khươl, huyện Chư Păh, tỉnh Gia Lai. Ni lac xã kan kandah di huyện Chư Păh, song labaih 70% boh sang kan kathaot, rilo meng lac urang bangsa takik. Meng tuk gilang pariak karja XH peih ngak danak dak brei mesraiy ưu đãi  hu 843 boh sang nyim hu phun jien tong abih tih labaih 18 tỷ đồng.

# BRUK pok meyaom anek saih mek hu giải Olympic dunya saong anek saih naih jioy dalam mbang pakacah Trung học phổ thông negar thun 2015 meda rah tabiak di melam 30/11pak saong daoh Âu Cơ, bal ine Hà Nội – nan lac panuac khan di Mentri Pato megru ba tabiak dalam mbang họp báo biar harei kabroi (26/11). Thứ trưởng Mentri Pato megru Nguyễn Thị Nghĩa brei thau: Bruk pok meyaom dom anek saih mek hu giải dalam mbang pakacah Olympic dunya saong dom adei naih jioy abih dalam mbang pakacah Trung học phổ thông negar nan jeng lac pok paglaong ilamu chreih bac hu meng lavik thun ini mai di bangsa drei. Thun ini hu 45 adei hu pok meyaom, dalam nan hu 28 adei pakacah dunya, 2 adei hu mbaok tame mbang pakacah ilamu kỹ thuật Intel ISEF, 15 adei xuất sắc abih dalam mbang pakacah trung học phổ thông pakat negar. Dom bruk di danak dak ini hu peih ngak meng harei 29 tal melam 30.

# Tỉnh Bình Thuận bahrau patom iek veik 3 thun ( 2013-2015) peih ngak danak dak talei rohim di UBMT negar Việt Nam tỉnh, dom jabat, kapul nyaom song dom xã urang bangsa takik. Dalam 3 thun peih ngak danak dak ni, dom jabat đơn vị di tỉnh hu ba dom kapul nao rivang brei pandap ka dom boh sang sarak, taha palei, akaok palei, urang hu angan je, jao pok jien bac ka anek saih bangsa takik tong abih tih labaih 1 tỷ150  triệu đổng. Taphia di nan 15 sở ngành di tỉnh hu brei bruk dong ka 15 xã bhum urang bangsa takik caih hatai pieh ngak rilo bruk tantu. 

# Kapul pachreih bac tỉnh Sóc Trăng bahtau pok brei 280 pok jien bac meng Kadung jien bac “Dương Kỳ Hiệp” ka 280 anek saih, sinh viên kathaot bac megru naih jioy dalam tỉnh. Taong abih yaom jien pok brei mbang ini, lac 315 triệu đồng. Yaom jien ini kayua Kapul Công nghiệp Cao Su Việt Nam saong  sang ong Dương Kỳ Hiệp, urang cách mạng ưu tú di Sóc Trăng daong brei. Adei Trần Thị Bé Ân, anek saih kathaot bac da-a naih jioy di sang bac Trung học cơ sở Tôn Đức Thắng, bal Sóc Trăng lac: Adei biak bui sambai tuk taduan mek hu pok jien bac 1 triệu đồng meng Kadung jien bac Dương Kỳ Hiệp. Adei pandar jien ini tame bruk bac megru saong kham merat jang dalam bruk bac daa piah pabak hatai baoh sang Wa Dương Kỳ Hiệp hu daong brei pok jien ini.

Khaw tin dunya:  

# Harei 26/11  Ngoại trưởng Trung Quốc Vương Nghị (Wang Yi) brei thau negar ni patagok talei pambuak bruk song Châu Phi dalam mbang pacang veik dom chủ nghĩa cực đoan song khủng bố dok peih prong, abih di nyu nan lac bruk 3 urang negar ni metai dalam mbang khủng bố bahrau ni di Mali.Bruk TQ patagok bruk dong ka Châu Phi pacang kol khủng bố lac sa bruk prong, piah khik siam mekre ka menuac urang negar ni ngak bruk di negar langiu

# “Tal tuk, menuac sia dunya njauk padang sa liên minh prong jang pacang cakak kol phiến quân IS, daok khik iek dom bhum taneh prong di Xyri saong I-rắc.” Ini lac panuac di Tổng thống Pháp Phrăng-xoa Ô-lăng-đơ (Francois Hollande) tuk daok rivang Nga dalam mbang họp báo hadei di nyaom biai haong Tổng thống Nga Vla-đi-mia Pu-tin (Vladimir Putin) harei kabroi (26/11). Tổng thống Ô-lăng-đơ brei thau: Pháp saong Nga njauk gauk ka bruk khan brei gauk thau dom kadha ka kol IS saong dom kol phiến quân karei pak Xyri piah paglaong siam lagaih bruk di Xyri.

# UB Châu âu bahrau hu panuac khan Italia, Prang, Bỉ lac Pok jien sre prong song patagok beir meda ngak ka dom negaq ni mbuan si kan kandah ka KT. Jien sre di Italia dalam thun in tui kuhria tagok tal 133% GDP, glong mbang ka 2 dalam Liên Minh Châu Âu hadei di Hy Lạp. Ủy ban châu Âu hu panuac lac pok jien sre di Prang dok tagok, meda tal labaih 97% GDP dalam thun 2017, dok sre di Bỉ meda tagok tal 107% GDP di thun 2016, dahlau di tuk trun. Tui quy tắc jien padai di Liên Minh Châu Âu, dom negar EU brei bayar sre ala 60% GDP./.