# Biar harei 26/1, Nyaom roya pakat negar mban ka XII di Đảng  ba tabiak angan 180 Ủy viên chính thức saong 20 ủy viên dự khuyết Ban Chấp hành Trung ương khóa XII. Tui nan, 4 urang hu đề cử tame dom chức danh pal akaok glaong abih jeng hu pilih ruah tame Ban Chấp hành Trung ương khóa XII. Nan lac: ong Nguyễn Phú Trọng (Tổng Bí thư khóa XI) hu giới thiệu ngak Tổng Bí thư khóa XII; ong Trần Đại Quang (Ủy viên Bộ Chính trị khóa XI, Akaok Mentri Bộ Công an) hu giới thiệu ngak Akaok negar; ong Nguyễn Xuân Phúc (Ủy viên Bộ Chính trị khóa XI, Phaok Thủ tướng Raja-ei) hu giới thiệu ngak Thủ tướng raja-ei; amuk Nguyễn Thị Kim Ngân (Ủy viên Bộ Chính trị khóa XI, Phaok akaok Quốc hội) hu giới thiệu  ngak Akaok Quốc hội.

# Tui jabat pacang cakak bala langik tasik saong ruah duah urang njauk bala tỉnh Lào Cai, băng tuyết hu mboh di 58 xã, ban sit di 7/9 huyện, ban di tỉnh Lào Cai, ngak khat lihik biak trak. Kuhria tal biar harei kabroi, 26/1, khat lahik kayua băng tuyết di Lào Cai labaih 32 tỉ đồng. Dalam tuk langik li-ar, dom athur raong metai dak harei dak ralo. Tal urak ini hu labaih 350 drei kabau, limo saong 40 drei pabe di urang nông dom puk palei metai kayua li-ar. Băng tuyết jeng lum jaik 900 ha njam patam, phun jru; 3.600 ha thảo quả saong 2.700 ha glai barau.

 # Tết thun ini, tỉnh Quảng Bình hu jaik 28 ribau urang hu kong haong cách mạng taduan mek hu pandap di akaok negar. Langiu di nan, tỉnh jeng hu buh tabiak labaih 500 triệu đồng blei pandap Tết alin brei dom baoh sang sarak karjar biak kan kandah. Tukvak ini, Ủy ban Mặt trận Negar Việt Nam Nam tỉnh Quảng Bình hu jak ba dom doanh nghiệp, urang ngak pahla pok brei 11 ribau pok pandap Tết, yaok pok hu yaom meng 300.000 đồng tal 1 triệu đồng daong ka urang kathaot mbang tết. Ong Phạm Đức Thương, Phaok Akaok Ủy  ban Mặt trận Negar Việt Nam tỉnh Quảng Bình brei thau: Danak dak Tết brei ka urang kathaot kayua Mặt trận peih ngak gam haong dom nguồn daong brei di Karja hu mai tal dom baoh sang bhap bani. Langiu di nan, Mặt trận daok pambuak haong dom kapul nyaom doanh nghiệp dom urang ngak pahla daong brei dom janih pandap karei yau brah, khan ao ka urang kathaot daok di bhum atah bayah, bhum kan kandah.

# Tuk Tết nguyên đán thun ini, Thành Đoàn Đà Nẵng hu lain hadiah 550 harak radaih ka sinh viên kan kathaot mai palei mbang tết. Langiu di nan, Thành đoàn Đà Nẵng daok alin hadiah 1.500 har bei nung saong 600 paoak pandap tết, yaok paok yaom 300.000 đồng ka urang kan kathaot saong urang ngak gaok kan kandah. Phaok Bí Thư Thành đoàn Đà Nẵng – Đoàn Xuân Hiếu brei thau: “Kol dahlak caong khin ba mai ka urang kan kathaot, taong abih dom urang di ban ĐN hu tết bui sambai saong hanem phon. Gam saong dom sinh viên kan kathaot nao palei mbang tết, thành đoàn hu brei 12 sruh radaih ka sinh viên ba dom adei nao palei mbang tết an toàn”.

# Ralo bruk ngak bui sambai, hu makna dalam danak dak “Harei Tết jum pataom” daok hu dom Đoàn khối doanh nghiệp tỉnh Bình Dương peih ngak ka dam dara atah palei pak dom khu sang daok di urang ngak dalam tỉnh. Danak dak rah tabiak ngan haong ralo bruk ngak yau: rivang alin brei pandap ka dom urang ngak daok veik pak Bình Dương mbang Tết; tadhau ayuh tết ka urang ngak hu rai diuk kan kandah; peih ngak kadha ma-in pagam haong bruk khan brei thau ka hukum nao mai angaok jalan mbak; pablei tabiak dom janih pandap grap tanat chất lượng saong hu daong yaom. Tapa nan, daong ka dom urang ngak hu pambuak pagam haong bhum taneh Bình Dương.

# Kapul pasang iek liên ngành TƯ ka an toàn pandap mbang menyum hu mbang ngak bruk saong kapul pasang iek liên ngành ban raya HCM ka bruk pasang iek an toàn pandap mbang menyum dalam tuk tết anek sak kara 2016. Meng harei 30/12/2015, ban raya HCM hu nao pasang iek dom labik ngak tabiak, pablei salih pandap tết. Hadei jaik sa bilan pasang iek, dom kapul hu pasang iek 1.975 labik saong duah mboh 602 labik ngak sung hukum ka an toàn pandap mbang menyum. Min, kuhria tal harei 26/1, tok hu 179 labik ngak sung hukum hu xử lý ngan saong yaom jien taong phạt sa tỷ đồng.

# Melam 25 saong page harei 26/1, kayua pambak di angin mùa Đông Bắc khang pakat 6 – 7; ndoh pakat 8 -9, tasik động khang; riyak tasik glaong 3 – 3,5 mét, pambuak haong aia tasik ndik glaong ngak glut jaleih ar tasik di khu phố 14, bal sit Liên Hương, huyện Tuy Phong, tỉnh Bình Thuận. Hu blaoh 300 mét ar tasik njauk glut jaleih, mbang dalam tame taneh haluk 5 mét. Aia tasik ndik glaong ngak jaleih saong khut khat abih 25 baoh sang tapen tasik. 150 baoh sang njauk panduan nao daok di labik karei.

Patui di ini dom khau tin dunya:

# Báo Bưu điện Băng Cốc (Thái Lan) barau brei thau, li-ar saong bruk trun nhiệt độ di TL ngak dua urang metai. Jabat khí tượng TL tabiak panuac lac, nhiệt độ meda trun meng 1 tal 3 độ dalam harei 26 saong harei 26/1. Nhiệt độ di labik gah brak saong ia-san taneh ia ini tui kuhria trun tagok meng 6 tal 15 độ C, dalam tuk dom labik bhum taneran pasak saong gah timur taneh ia ini meng 13 độ tal 18 độ C. Mintri y tế công cộng TL hu panuac kakei tal urang taha, uranaih saong dom urang njauk ruak mãn tính brei khik ấm rup pabhap, khik hacih saat, nyaik dom labik li-ar, biak ô nhiễm atau dom labik oh laneng lanoi.

#  Dalam mbang taduan raok Ngoại trưởng Mỹ Giôn Ke-ri (John Kerry) daok rivang saong ngak bruk pak Campuchia, Thủ tướng Campuchia Hun Sen hu pandar Mỹ brei ka Campuchia pablei tame Mỹ oh hu hạn ngạch saong oh mek jien je dom janih pandap. Thủ tướng Hun Sen brei thau, bruk pambuak gauk pacang cakak khủng bố tukvak tapa di 2 negar pambuak gauk ngak biak siam. Thủ tướng Hun Sen jeng ndua dhal phol Mỹ hu pok jao gilac ralo kaya yao klak bo Campuchia njauk lahik nao dalam dom thun mesruh metak, taphia di nan caong khin Mỹ patui veik peih ngak bruk ini dalam tukvak anak tal.

# Harei 26/1, taduan panuac daa di Tổng thống Philippines Bê-ni-nô A-ki-nô, Nhật Hoàng A-ki-hi-tô saong Hoàng hậu Mi-chi-cô hu nao tal Philippines,  rivang pakat karja dalam 5 harei. Tổng thống Aquino hu tabiak raok Nhật Hoàng saong Hoàng Hậu di mblang kapal haok dunya Ninoy Aquino. Tui kuhria, ong Aquino hu taduan Nhật Hoàng saong Hoàng Hậu di Phủ Tổng thống Malacanang di harei harei ini 27/1. Ini lac mbang nao rivang akaok meti tal Philippines di Nhật Hoàng saong Hoàng hậu meng thun 1962. Dalam thun ini Philippines saong Nhật Bản pahadar 60 thun padang talei pambuak bruk ngoại giao./.