Khaw tin 10h30 saong 14h30 harei 27/4

# Thủ tướng rajaei barau jaok ka mintri jien padai buh tabiak brei saoh oh mek jien 667,61 tấn brah meng kadung brah caik piah di negar ka dua 2 tỉnh: Phú Yên saong Tuyên Quang  piah daong pacang eik dalam tuk cang yuak thun 2016. Tui nan, tỉnh Phú Yên hu brei 228,255 tấn brah; tỉnh Tuyên Quang  439,355 tấn brah. Thủ tướng rajaei pandar Ủy ban bhapbini dua tỉnh ini taduan mek saong pandar brah ini piah daong samal, njauk urang tui adat.

/ Sở tài nguyên saong môi trường tỉnh Thừa Thiên- Huế hu kết quả dut iek mẫu ia mek di tukvak ikan tasik saong ikan raong dalam lồng metai dalam tỉnh, tapa nan mboh lac ia tasik bhum ikan metai njauk njom kim loại trak. Tapa taong yaom, mboh lac hàm lượng kim loại trak tapa tanut brei adat ka chất lượng ia tasik. Ong Lê Trần Nguyên Hùng, phaok Giám đốc Sở ngak nông saong patagok palei pala tỉnh Thừa Thiên-Huế brei thau: “Tỉnh kham merat abih drei,dut iek mẫu ia, ikan ye iek tung pruac di nyu yau habar, hu ruak kik halei oh. Ikan oh njauk ruak. Urak ini, meng UB bhap bini tỉnh tal sở ngak nông saong patagok palei pala jeng hu panuac kakei mikva oh mbang ikan metai, tuk mboh ikan metai ye ba nao lum piah khik caga môi trường”.

# Lễ 30/4 saong 1/5 ngan saong tukvak padheih 4 harei saong rilo bruk ngak pachreih chrai, Đà Nẵng meda dui pachreih hu rilo tuai damuai. Thau hu caong khin di rilo tuai, rilo công ty du lịch jeng hu ba tabiak dom pok pandap ưu đãi caik ka tuai. Tapa  pasang iek dom khách sạn di ban sit, duk ndih di dom khách sạn hu pabak jaik  60-80%. 

/ Di Nghệ An daok hu ralo phun pala patagok hu kein laba, brei năng suất, jien mek tame glaong. Yau bruk pala ploi di dom xã di huyện Anh Sơn saong Tân Kỳ daok brei năng suất 28 tấn sa ha, jien mek tame labaih 90 triệu đồng sa ha, hadei 6 bilan pala, bruk pala njam ngót di xã Nam Thái, huyện Nam Đàn brei jien mek tame labaih 200 triệu đồng sa ha sa thun.

# Melam 26/4, Ủy viên mintri Chính trị, Bí thư Thành ủy ban raya Hồ Chí Minh Đinh La Thăng barau taom gaok Tổng Bí thư Ban Chấp hành Trung ương Đảng bhapbini Cách mạng Lào, akaok taneh ia Cộng hòa Dân chủ bhapbini Lào Bounnhang Vorachit (Bun- nhăng Vo-la-chít). Ông Bounnhang Vorachit caong khin ban raya Hồ Chí Minh  patui jalan daong ban Viêng-Chăn saong dom tỉnh, ban karei di Lào patagok kinh tế di tukvak tal . 

/ Pamaong tal pahadar 41 thun harei peih paha gah meraong, yasa taneh ia (30/4/1975 – 30/4/2016), harei kabroi 26/4, tỉnh Hậu Giang peih bruk pasiam veik kabo liệt sĩ tỉnh, daok di xã Vị Trung, huyện Vị Thủy. Jien pasiam veik mbang ini tui kuhria labaih 10 tỷ đồng kayua công ty cổ phần ia Aquaone Hậu Giang daong. Ong Nguyễn Trùng Nhị- Phaok Giám đốc Công ty Cổ phần ia Aquaone Hậu Giang brei thau: “Kol dahlak caong khin bruk rik daong sit sot di drei brei mboh hatai thau dhar phon  dom anh hùng liệt sĩ ngan saong Hậu Giang jeng yau taneh ia”.

# Pagaiy harei 26/4, miunyim ban sit Cần Thơ peih parang iek chuyên đề piah salam uan dom harei lễ praong : pahadar 41 thun harei peih paha gah meraong, yasa taneh ia; harei dunya urang ngak, 126 thun harei meknek Chủ tịch Hồ Chí Minh saong pamaong tal harei pilih ruah urang ka QH mbang 14. Hu labaih 120 thoat binguk yaih khan tal bhapbini ka jakjeng di dom mbang pilih ruah QH saong pilih ruah Hội đồng bhapbini dom pakat; dom jak jeng patagok di taneh ia saong ban sit Cần Thơ dalam labaih 40 thun tapa.

Patui di ini dom khau tin dunya:

/ Sa mbang duah thau hatai sahneng bhap bini Anh hu ba tabiak di harei kabroi 26/4 brei mboh, hu 46% cử tri pachreih tui bruk taneh ia Anh tabiak truh liên minh châu Âu dalam tuk urang khin brei daok veik liên minh ini tok hu 44%. Bruk duah thau hatai sahneng di bhap bini hu peih ngak meng harei 22 bilan 4 tal harei 24/4, njauk tukvakTổng thống Mỹ Ba-rắc Ô-ba-ma rivang Anh ngan saong panuac ieu taneh ia ini daok veik  liên minh châu âu. Bruk nan brei mboh panuac ieu di ong Ô-ba-ma oh ba mai tác động yau caong khin di rajaei Anh saong Mỹ.

# Tây Ban Nha maong lac oh plaih hu bruk njauk peih ngak sa mbang tổng tuyển cử sớm di bilan 6 tal kayua ông Ma-ri-a-nô Ra-hoi oh mek hu ginup bruk pachreih tui piah hu pok ngak Thủ tướng veik, dalam tuk nan, patao Phi-líp-pê (Felipe) khan brei thau lac oh meda đề cử ứng viên karei piah Quốc hội buh phiếu tín nhiệm.

/ Thủ tướng Ca-na-đa Giút-xtin Tru-đô harei kabroi 26/4 brei thau, Ca-na-đa saong Anh hu hối thúc dom taneh ia karei oh peih bruk bayar jien loh piah mek tự do ka dom con tin. Panuac hu ba tabiak oh lavik hadei di tuk con tin urang Ca-na-đa njauk dom tay súng phiến quân Phi-líp-pin A-bu Xay-áp hành quyết meng akaok adit kayua oh taduan hu tiền loh njauk tukvak./.