# Biar harei kabroi (26/5), pak Phủ Chủ tịch, Akaok negar Trần Đại Quang hu taduan raok đại sứ Australia Hugh Borrowman mai likau la tamat vaktu ngak bruk pak Việt Nam. Dalam van taduan raok, Akaok negar ndua dhal phol Karja saong Raja-ei Australia tuk halei jeng sangka daong ba saong palaghaih ka bhap bani Việt Nam pak Australia duik rai, ngak mbang saong rik daong ka bruk cakrok patagok di Australia jang yau talei rohimpambuak bruk di Việt Nam Australia. 

# Jeng dalam mbang nao rivang song hu mbaok di Nyaom biai pakat glong G7 hu peih tabiak di Mie, Nhật Bản, Thủ tướng rajaei Nguyễn Xuân Phúc bahrau hu dom mbang taom gaok  Tổng thống Sri Lanka, Tổng Thư ký Liên Hợp quốc, Tổng Giám đốc kadung jien dunya (IMF), Tổng Thư ký kapul OECD, dom urang dang akaok tỉnh Aichi song dom urang dang aokaok doanh nghiệp Nhật Bản.

# Ủy ban Bầu cử bal Hà Nội bahrau taong yaom bruk palih ruah urang ka Quốc hội mbang 14 saong urang ka Hội đồng bhap bani dom pakat vaktu 2016 - 2021. Ủy ban Bầu cử bal Hà Nội brei thau, bal Hà Nội hu bầu ginup 30 urang ka Quốc hội, 105 urang ka Hội đồng bhap bani bal, 1.183 urang ka hội đồng bhap bani pakat huyện saong 15.759 urang ka Hội đồng bhap bani xã (kurang 272 urang). Oh hu labik buh phiếu halei njauk bầu veik; hu 81 labik bầu cử urang ka Hội đồng bhap bani pakat xã njauk bầu cử pabak đại biểu kurang.

# Di HN, mintri Y tế, Kadung jien pacang caga pakao hu peih mít tinh pachreih tui harei dunya oh njuk pakao (31/5) song adit pakat negar oh njuk pakao meng harei 25/5  tal 31/5. Brei panuac di tuk mít tinh, Gíao sư Tiến sĩ Nguyễn Viết Tiến, Thứ trưởng mintri Y tế pandar dom jabat ba akaok nao dahlau song pathau khan cambaih tal dom urang jakar công chức viên chức, urang ngak dalam đơn vị ngak siam bruk oh hu suak pakao bo đơn vị hu mbaoh tangin sinya song urang pan akaok mintri Y tế di puac thun 2015, padang ngak balik njuk pakao karei ka urang oh ka klah pakao hu,  patagok pathau khan ka bruk njuk pakao song njuk pakao thụ động

# Pak tỉnh Tuyên Quang, hajan prong ngak ka 32 baoh sang, labaih 100 héc ta padai, tangeiy, tabau… njauk duak dalam aia, ralo canah jalan palei, jalan huyện  dauk dalam aia saong glut jaleih, pataom ralo pak dom huyện Sơn Dương, Yên Sơn. Ban Chỉ huy Pacang caga bala meng langik tasik saong roh duah urang njauk bala tỉnh Tuyên Quang hu brei urang jakar mai pambuak haong dom puk palei jak ba manuac urang daong ka mikva pasiam veik dom khut khat, grap tanat bruk ngak mbang pala drak saong rai diuk. 

# Mintri ngak nong song patagok palei pala bahrau pok tagok thủ tướng rajaei likau pasang irek, brei padeih bruk salih jalan pandar 63 ha glai di bein pakat negar Yok Đôn piah padang ngak thủy điện Đrăng Phốk di tỉnh Đắk Lắk.Kayua tui mintri ngak nong song patagok palei pala lac glai bhum Tây Nguyên urak ni trun daok takik bruk pacang halui song chất lượng. Meyah padang ngak binek, pacang ia meda ngak salih jalan ia nduac, oh siam ka hệ sinh thái song palagaih jang ka dom bruk pajeng ba kayau suan hukum meng jalan krong tuk ia ndik

# Kayua riyak prong angin khang, sa sruh gilai taong ikan di Bình Định njauk taong karam angaok tasik Bình Thuận. Bruk daong duah daok peih ngak. Hadei di tuk gilai karam, Đồn biên phòng Phước Lộc, Dinh vạn Tân Long, phường Bình Tân gam haong dom gilai taong ikan di puk palei peih bruk daong duah, katung gilai tame ar min jeng oh ka hu kayua riyak prong, angin khang. Urak ini gup gilai njauk haluh, cuah tame khoang nan ye doang duah katung biak kan kandah.

Patui di ni dom khau tin dunya:

# Gah y tế tỉnh Quảng Đông, Trung Quốc bahrau hu panuac brei thau lac hu sa urang njom cúm menuk ada  H7N9 dok di tỉnh ni. Urang ruak lac sa urang kamei umo 69 thun, dok di ban Mai Châu. Ni lac urang ruak H7N9 ka 12 di tỉnh Quảng đông dalam thun ni, dalam nan hu 4 urang metai. Thun bloh, hadei di tuk duah mboh urang njom ku1m menuk ada di angaok menuac, karja Quảng Đông  song Hồng Kông (Trung Quốc) patrun bruk pablei salih menuk ad, am cuh klak dom menuk ada njom ruak

# Tổng thống Nga Vla-đi-mia Putin ndom lac Nga saong Liên minh châu Âu (EU) meda langyah hu taong abih dom bruk daok tavak tave, tui nan, Nga halar hatian ginum biai piah langyah yok kadha yaok bruk haong EU. Talei pambuak bruk Nga - phương Tây laik tame căng thẳng oh ka hu mboh meng hadei di mbang chiến tranh lạnh pambuak pagam tal mbang khủng hoảng Ucraina tamuh meng thun 2014. Dom bruk taong phạt nao mai di Nga saong phương Tây ngak ka dua gah having akaok. Urak ini EU daok kuhi kuhria iek njauk dui atah bruk taong phạt mong tame Nga meda abih hạn di puac bilan 7 anak tal halei oh.

# Ceik apui Ét-na (Etna) di Italia daok pruh nham thạch đỏ song thur mur tagok langik. Ni lac ceik apui glnog di abih song dok rah tabiak di Châu Âu. Ceik apui Ét Na rah tabiak harei kabroi, hadei di sap patuh khang song nham thạch sre tabiak meng cambuai cei. Dom hướng bda64n viên du lịch ceik apui Ét-na hu ba dom kapul tuai damuia mai maong iek ceik pui ni medeih tagok song pruh nham thạch đỏ./.