# Thủ tướng raja-ei bahrau jao ka Tổng Công ty Cảng hàng không Việt Nam ngak po đầu tư Dự án Cảng hàng không dunya Long Thành. Jalan ngak di dự án piah padang mblang kapal haok Long Thành hu 100 triệu tuai damuai nao mai dalam sa thun saong 5 triệu tấn pandap nda yaok thun, hu parabha jeng 3 vaktu. Dalam nan, vaktu 1 suai abih thun 2025 njauk ngak salah blaoh. Taong abih phun jien tui kuhria dahlau nan lac 336.630 tỷ đồng (16,03 tỷ USD), dalam nan vaktu sa lac 114.450 tỷ đồng (5,45 tỷ USD). Mblang taneh di di dự án nan lac 5.000 ha.

# Thủ tướng rajaei njauk hatai brei patui bruk parabha phun jien patagok meng kadung jien TƯ tuk vak 2016 – 2020 piah peih ngak danak dak pakhang pakajap, khik caga song pasiam ar tasik urak ni di dom tỉnh hu ar meng  Quảng Ninh tal Quảng Nam. Thủ tướng hu panuac ieu UB bhap bini dom tỉnh, ban, parabha phun jien ka danak dak padang ngak bahrau hadei di tuk hu panuac taong yaom di Jabat hu thẩm quyền tui njauk quy định di hukum Đầu tư công.

# Biar harei kabroi (26/8), Mentri Quốc phòng Lào hu peih bruk taduan raok Kapul urang lambaok Quân sự pakat glaong Bol bala bhap bani Việt Nam kayua Thượng tướng Đỗ Bá Tỵ, Uỷ viên Trung ương Đảng, Akaok Tham mưu trưởng Bol bala bhap bani Việt Nam, Thứ trưởng Mentri Quốc phòng ba akaok nao tapa rivang saong ngak bruk pak Lào. Thượng tướng Đỗ Bá Tỵ hu khan brei thau ka bruk patagok kinh tế- xã hội di Việt Nam ngan haong dom ayut Lào, khang panuac lac, Việt Nam tuk halei jeng cakrok patagok tani tanat; chủ quyền negar hu khik kajap. 

# Harei kabroi 26/8 Cục Hậu cần Quân khu 7 hu mbaoh tangin tame harak pambuak bruk y dược song lambaok jabat mintri Y tế tại ban raya Hồ Chí Minh song Sở Y tế ban raya. Tui nan, dom gah njauk hatai pandar bruk  iek ruak meng atah Telemidicine piah hội chẩn, blai draih song klah rabha ilamu dalam bruk khik ramik sang iek ruak.

# Harei 26/8, Kapul urang kamei bal Cần Thơ peih nyaom biai peih ngak Đề án “Daong urang kamei bac bruk ngak, ba bruk ngak” tukvak 2015-2020. Urak ini, bal Cần Thơ hu labaih 134 ribau urang ngak lac urang kamei oh hu bruk ngak chuyên môn, ngak ralo meng tangin takai. Nyaom biai piah daong duah tabiak dom jalan ngak piah paglaong tangin ngak ka urang kamei, daong patagok jien mek tame ka yaok baoh sang, yam tagok ngak kaya meda.

# UB bhap bini xã Tham Đôn, huyện Mỹ Xuyên, tỉnh Sóc Trăng hu peih rilo jalan ngak pacang cakak sruh jit ruak menuk da (AH5N1) rah tabiak di tapon menuk 114 drei di boh sang ong Trương Minh Chánh dok di palei  Vũng Đùng, xã Tham Đôn. Tapa dut iek mboh lac, tapon menuk di ong Chánh dương tính song virut cúm AH5N1.

# Dom urang khoa học Mỹ bahrau ini hu ndom lac, sa chế độ mbang huak cân bằng di urang kamei dalam tukvak metian meda ngak patrun bruk mbuan njauk ruak tim bẩm sinh di uranaih. Peih bruk tangi sua saong tui iek 19 ribau urang kamei Mỹ, dom urang ilamu khoa Nhi Sang bac đại học U-ta (Utaah) mboh lac sa chế độ mbang huak cân bằng dalam nan hu ikan, baoh kayau, njaum patam ngak patrun tal 37% bruk mbuan si menek tabiak anek kamal njauk ruak Pha-lô ( Fallot) (sa janih ruak tim bẩm sinh) saong 23% dom dom kurang labaih ka vách ngăn tim./.