# Harei 27/1, Đại học Quốc gia bal raya Hồ Chí Minh hu peih ngak dalam prong prang bruk pahadar 20 thun dak padang, patagok saong ba drei tame. Pok panuac pak van ngak lễ, Akaok negar Trương Tấn Sang pandar Đại học Quốc gia bal raya Hồ Chí Minh njauk patui veik bruk salih bahrau khang ka danak dak, asal kadha, jalan pato saong bac; caik hatai tal bruk dak padang kapul nyaom dom anai gru, cei gru, urang jakar khik iek hu ilamo glaong, hu phẩm chất đạo đức hadah hadai, abih hatung hatai haong bruk “pala manuac”.

# Bair harei 27/1, di jabat rajaei, Thủ tướng Nguyễn Tấn Dũng hu taduan raok Đại sứ Vương quốc Oman Sultan Saif Hilal Al Mahruqi (Xun-tan Xây-íp Hi-lan an Ma-rút-ki) di harei Đại sứ mai ngak bruk nhiệm kỳ di Việt Nam. Thủ tướng Nguyễn Tấn Dũng caong khin Đại sứ dalam nhiệm kỳ di drei pambuak bruk khang kajap saong dom mintri, nganh, dom gah chuc nang di VN piah jhul pakhang jang talei pambuak bruk dua gah dalam dom bruk ngak.                  

# Kapul urang ngak bruk di Raja-ei kayua Phaok Thủ tướng Vũ Đức Đam dang akaok hu van ngak bruk haong Ủy ban Bhap bani bal raya Hồ Chí Minh ka bruk khik caga grap tanat an toàn vệ sinh pandap mbang menyum thun 2014 saong bruk ngak prong dalam thun 2015. Phaok Thủ tướng Vũ Đức Đam pandar bal raya Hồ Chí Minh njauk peih ngak jalan xét nghiệm đa vi lượng, pasiam veik dom bruk thik raih, ngak tabiak tui tanut VietGAP. Khaol drei oh njauk hatai haong bruk urang njauk jru mek biar kayua lac meda hu bruk oh njauk jru mek min dom chất độc nyu meda njom tame dalam rup…. Meyah khaol drei oh ngak siam bruk ini ye jien padai buh tabiak brei ka bruk pasang iek ruak hadei ini jengabih biak ralo. Ini lac sa binah praong di y tế dự phòng.

# Ngak tui Chỉ thị 23/2013 di Thủ tướng rajaei brei pasang iek bruk peih ngak sarak daong ka urang ba pren yava ngak cách mạng dalam taneh ia, mintri lao dong thuong binh saong xa hoi pambuak bruk saong mban Thường trực Ủy ban Trung ương Mặt trận negar Việt Nam peih bruk pasram, tacei pato piah yaok tinh, ban pilih ruah sa puk palei peih ngak iek. Urak ini, hu 59/63 tỉnh, ban saong mintri Công an khan brei thau bruk peih ngak sarak daong ka urang ba pren yava ngak cach mang

# Mentri Pato megru bahrau peih nyaom biai giao ban tapak peih ngak  Dự án “Patagok bruk caga nao bac ka uranaih mầm non” pak 32 tỉnh, bal.  Dự án hu 2 hợp phần: Patagok bruk caga nao bac ka ranaih; Dak padang pren khang saong peih ngak sarak pato megru mầm non pakat negar. Hadei sa thun peih ngak, tal harei ini dự án peih brei hu labaih 78 triệu đô la Mỹ dalam danak dak 95 triệu đô la Mỹ peih ngak pak hợp phần 1. 

# Bair harei 27-1, Sở ilimo padhih saong Du lịch Hà Nội patabiak dnakdak “Về nguồn- Ba drei tame inem krung ilimo phi vật thể di Hà Nội Xuân Ất Mùi 2015”. Danakdak hu ba dom urang daok ranaih umo  tame 8 bruk ba drei tame inem krung phi vật thể hadah trah di ban ine ye : dom rija roya, dom palei ngak thủ công meng kan  saong dom ragu ragam daoh bhap bini yau ca trù, chèo, xẩm, tamia rối ia…

# Harei 27/1, pak bal raya Hồ Chí Minh, Mentri Quốc phòng peih bruk pok brei Giải thưởng Ilamo, Nghệ thuật saong Báo chí ka đề tài "Bol lin pan phao karaong, mesruh metak cách mạng” vaktu 2009 – 2014. Mbang ini, Tổng cục Chính trị Bol bala Bhap bani Việt Nam pok brei giải thưởng ka 185 tác phẩm văn học, nghệ thuật, báo chí saong pok brei harak meyaom ka 42 jabat, đơn vị hu thành tích xuất sắc dalam bruk meyaih khan dom tác phẩm dalam luac 5 thun tapa.

Khaw tin dunya

# Mbang nyaom urang ngak praong pakat glaong di Mỹ saong Campuchia barau rah tabiak harei 27/1 di ban ine Phnôm-pênh (Phnom Penh) piah jhul pakhang talei pambuak bruk dua gah saong ginum biai dom bruk khu vuc bo dua gah sangka. Brei panuac haong gah báo giới hadei mbang nyaom,  Thứ trưởng Ngoại giao Campuchia Ót Bô-rít brei thau, gah Mỹ caong khin paglaong saong peih praong talei pambuak bruk jang saong gah Campuchia, abih di nyu nan lac dalam dom gah ngak mbang kinh te, pablei salih saong đầu tư.

# Urang vak di Rayo sap ndom Việt Nam daok pak Lào brei thau: 46 dam dara anak saih Lào bahrau tagok jalan nao Nhật Bản hu mbaok dalam "Dự án trao đổi dam dara (“JENESYS 2.0”) rah tabiak meng harei 27/1 tal harei 3/2 ngan haong kadha “Báo chí”. Kadha “Báo chí” piah pachreih bruk tom gaok ndom biai nao mai di dam dara dua negar Lào - Nhật Bản, ngak brei patagok talei rohim pambuak bruk saong thau ka gauk di dam dara Nhật Bản saong ASEAN. 

# Trung Quốc saong Indonesia barau peih bruk ginum biai kinh te pakat glaong akaok meti di Bắc Kinh piah jhul pakhang talei pambuak bruk dua gah. Ủy viên Quốc vụ Trung Quốc Dương Khiết Trì saong akaok mintri Điều phối Kinh tế Indonesia Sofyan Djalil (Xô-phi-an Đa-lin) gam par akaok mbang nyaom. Di mbang nyaom, ông Sofyan Djalil khan lac Indonesia saong  Trung Quốc hu padang talei pambuak bruk praong di taong abih gah saong talei pambuak bruk pablei salih dua gah daok patagok siam mekre./.