Khaw tin dalam taneh aia:

# Biar harei kabroi (27/3), pak Phủ Chủ tịch, Akaok negar Trương Tấn Sang hu taduan raok Akaok Mentri ngoại giao saong pambuak bruk Tây Ban Nha  Hô-xê Ma-nu-en Ga-xi-a Ma-ga-rô daok rivang saong ngak bruk pak Việt Nam. Akaok negar brei thau, bruk Tây Ban Nha mboh tangin chip tame Hiệp định thương mại tự do di Việt Nam saong Liên minh Châu Âu nan meda lac cơ sở pháp lý piah jhul pakhang talei pambuak bruk ngak mbang kinh tế pablei salih di 2 negar jang yau haong Liên minh Châu Âu.

# Tui danakdak ravang Cuba, melam kabroi tui tukvak Biet Nam, Thu tuong Nguyen Tan Dung saong kapul urang Biet Nam hu nao pasang iek tapak  bruk peih ngak danakdak pambuak bruk cakrok ngak padai brah di Biet Nam haong CuBa di nông trường Cubancan dalam tỉnh Pinar del Rio. Thủ tướng Nguyễn Tấn Dũng hu klah rabha tapak haong dom ayut Cuba rilo alamu dalam bruk cakrok phun padai di Biet Nam. Hadei di tuk pasang iek nông trường Cubancan, Thủ tướng Nguyễn Tấn Dũng hu mbaok di  Cung cách mạng di ban ine La Habana piah gah Cuba peih bruk raok kapul urang jakar Biet Nam tapa ravang Cuba ala bruk dang akaok di Đại tướng Raul Castro Ruz, akaok Hội đồng karja saong Hội đồng akaok mintri Cộng hòa Cuba. Thủ tướng Nguyễn Tấn Dũng saong ong Raul Castro jeng hu ginum biai, pataom tame ginum biai dom jalan ngak praong saong dom jalan ngak cambaih laih piah jhul pakhang talei pambuak bruk di dom gah bo dua taneh ia meda daong ka gauk cakrok.

# Taduan panuac daa di Kapul nyaom bhap bani Singapore, Kapul urang lambaok pakat glaong di Mặt trận Negar Việt Nam kayua ong Nguyễn Thiện Nhân, Ủy viên Bộ chính trị, Akaok Ủy ban Trung ương Mặt trận Negar Việt Nam, hu nao tal Singapore harei kabroi 27/3, peih bruk nao rivang saong ngak bruk pak Singapore. Dalam mbang rivang ini, Akaok Mặt trận Negar Việt Nam Nguyễn Thiện Nhân saong kapul nyaom meda duah thau ka sarak pachreih urang naih jioi dalam lĩnh vực công di Singapore, ka bruk khik iek nguồn nhân lực saong sarak urang meng negar langiu tame di Singapore, ka bruk khik iek bruk ngak di klup kapul bhap bini jang yau dom danak dak hu peih ngak pak puk palei piah patagok bruk hu mbaok di bhap bini.

# Harei kabroi 27/3, Kapul ngak bruk di Ủy ban Tư pháp di Quốc hội kayua phaok Chủ nhiệm Nguyễn Công Hồng ba akaok hu nao pasang iek bruk ngak njauk tui hukum dalam bruk duah thau, taong yaom chứng cứ pacang caga bức cung, nhục hình di gah điều tra dalam dom vụ án hình sự   3 thun 2011-2013 di ban sit Đà Nẵng. Dalam 3 thun tapa, oh hu bruk halei, urang halei njauk Viện kiểm sát brei klaak bruk padeih điều tra. Min, jeng hu dom vụ án, gah điều tra saong gah pasang iek pambuak bruk oh ka khang  dalam bruk duah thau, taong yaom chứng cứ ba tal bayar harak hồ sơ piah pabak veik, tukvak phê chuẩn di  Viện Kiểm sát dui atah.

# Harei kabroi (27/3), Ủy ban bhap bani bal raya Hồ Chí Minh peih  Nyaom biai patabiak jalan pambuak bruk patagok du lịch di bal raya Hồ Chí Minh saong dom puk palei, ngan haong bruk hu mbaok di urang pal akaok Mentri Ilamo – Padhih saong Rivang, lambaok urang pal akaok 44 tỉnh, bal gam haong ralo doanh nghiệp du lịch dalam saong langiu negar. Nyaom biai brei thau, piah pambuak bruk buh jien tame ngak patagok bruk rivang ma-in hu siam dalam tukvak anak tal, bal raya gam haong dom tỉnh, bal njauk brei thau ka pren khang di drei meng nan ba tabiak quy hoạch chi tiết, dom jalan ngak cambaih laih dalam bruk pambuak gauk rivang ma-in. Abih di nyu, bruk paglaong chất lượng nhân lực hu mong yau kadha prong dalam jalan patagok gah du lịch bal raya.

# Việt Nam saong dom taneh ia dalam Ủy hội kraong Mekong nan lac  Lào, Campuchia, Thái Lan saong dua taneh ia pambuak bruk ginum biai nan lac  Trung Quốc saong Myanmar, Dom kapul nyaom dunya, dom kapul nyaom labik taphia kraong dunya hu mbaok tame nyaom biai pakat glaong mbang yaka dua Ủy hội kraong Mekong peih tabiak di harei 5/4 tal di ban raya Hồ Chí Minh, ngan saong kadha “An ninh halau ia, năng lượng saong kaya mbang menyum dalam tuk biến đoi khi hậu di bhum kraong Mekong”. Panuac khan nan hu ba tabiak dalam mbang họp báo pakat dunya rah tabiak harei kabroi, 27/3 di Hà Nội kayua Uỷ ban kraong Mê Công Việt Nam pambuak bruk saong mintri Ngoại giao saong mintri Tài nguyên – Môi trường peih tabiak.

# Harei kabroi 27/3, pak huyện Vĩnh Thạnh, Pasak aia hacih saong vệ sinh môi trường palei pala bal Cần Thơ peih ngak hệ thống ba aia ka 3 xã gah barak  Cái Sắn, nan lac Thạnh An, Thạnh Thắng saong Thạnh Lợi dalam huyện Vĩnh Thạnh, bal Cần Thơ. Dự án hệ thống ba aia hacih dalam nan hu: balai xử lý aia ngan haong tổng công suất jaik 2.600 m3/harei, melam, pabak dom quy chuẩn ilamu pakat negar. Tuk dự án ngak salah blaoh, meda hu jaik 80% bhap bani samu haong 5.530 baoh sang di 3 xã hu aia hacih piah pandar. Taong abih phun jien buh tame ka dự án nan jaik 34,5 tỷ đồng.

Khaw tin dunya:

# Rajaei Philippin harei kabroi hu mbaoh tangin tame harak thỏa thuận hòa bình saong Mặt trận peih paha Islam Môrô, kapul nyaom dang tagok praong abih di taneh ia ini, hadei di 17 thun ginum biai saong yaok pluh thun methuh gauk mek nao suan thap di takik abih 120 rabau urang di Minđanao. Di sa mbang khan brei thau, mat tran peih paha Islam Môrô taong yaom glaong thỏa thuận hòa bình ini,  lac jak jeng dalam rai. Daok gah drei, akaok kapul ginum biai di rajaei Philíppin, ong Miriam Phêrơ  caong khin lac, bruk dak padang hòa bình saong cakrok bhum taneh hu daong ka dom gah yah klak dom bruk karei di gauk saong jum pataom dom bangsa piah ba mai kein laba brei ka gauk.

# Harei kabroi (27-3), Trung Quốc sa mbang tra pok sap iew Malaixia brei thau rilo jang ka bruk sruh kapal haok angan MH370 lahik saong khan lac meda ba 8 sruh gilai tame mbang pasang iek dunya pak meraong Ấn Độ Dương. Urang tabiak panuac Mentri ngoại giao Trung Quốc Hồng Lỗi brei thau, anak tal ini hu 5 sruh gilai di Trung Quốc hu nao tal bhum tasik Ôxtrâylia ndom lac duah mboh dom janih medil lac di sruh kapal haok lahik nan.

# Tập đoàn kapal ahaok praong abih Nhật Bản ANA harei kabroi brei tapa harak blei 70 sruh kapal ahaok barau di Bô-inh saong E-bớt saong yaom abih tih labaih 16,5 tỷ đôla Mỹ. Ini lac harak pambuak bruk pablei salih praong abih dalam sajarah di Tập đoàn kapal ahaok praong abih Nhật Bản. Dalam 70 sruh kapal ahaok ini, Tập đoàn kapal ahaok praong abih Nhật Bản hu abih tih 250 sruh. Akaok tập đoàn ini brei thau, bruk blei kapal ahaok piah caong pabak bruk nao mai rilo dalam tuk  peih Olympic Tokyo 2020./.