# Taduan panuac daa di Trung ương Đảng drei, Kapul urang lambaok pakat glaong Đảng Cộng sản Pháp (PCF) kayua ong Pierre Laurent - Bí thư Toàn quốc, ba akaok nao rivang Việt Nam meng harei 26-28/10. Biar harei kabroi, 27/10, dom ong yau Tổng Bí thư Nguyễn Phú Trọng, Thủ tướng Nguyễn Tấn Dũng saong Ủy viên Bộ Chính trị - Bí thư Thành ủy Hà Nội Phạm Quang Nghị hu taduan raok Kapul. Ong Pierre Laurent brei mboh hatai bui sambai tuk hu mai veik Việt Nam dalam tukvak talei rohim pambuak dua Đảng hu ralo cak rok siam mekre dalam tukvak tapa saong talei rohim dia dua negar Việt Nam – Pháp hu paglaong jeng đối tác chiến lược meng bilan 9/2013, peih tabiak jalan khang kajap ka bruk cakrok patagok talei pambuak bruk dua gah prong dalam saong ralo gah ralo  lĩnh vực.

# Bair harei 27/10, di Hà Nội, Thủ tướng Nguyễn Tấn Dũng hu mai pataom mbaok saong brei panuac di harei pahadar 70 thun harei padang Liên Hợp quốc (24/10/1945-24/10-2015) kayua mintri Ngoại giao pambuak bruk saong danakdak patagok Liên Hợp quốc peih ngak. Brei thau lac VN halan hatian hu mbaok tame ngak siam saong rik daong lagaih jang tame dom bruk dunya di Liên Hợp quốc, Thủ tướng Nguyễn Tấn Dũng ndom lac : Gam saong jhul pakhang patagok kinh te, Việt Nam tuk halei jeng sangka patagok ilimo, khik caga tiến bộ, công bằng xã hội, khik caga quyền dân chủ, tự do di yaok rah ra, patagok anek menuac, maong anek menuac lac pasak, lac chủ thể, lac nguồn lực praong saong lac mục tiêu di bruk patagok .

# Jeng dalam biar harei 27/10, pak Sang Quốc hội, Phaok akaok Quốc hội Uông Chu Lưu taduan raok Kapul Ủy ban Hòa bình saong gul pataom Cộng hòa Dân chủ Bhap bani Lào kayua ong Khamphan Simmalavong (Khăm-phăn Xi-ma-la-vông), Akaok Ủy ban Hòa Bình saong Gul pataom ba akaok daok rivang saong ngak bruk pak negar drei meng harei 26-30/10/2015. Pak van taduan raok, Akaok Ủy ban Hòa bình saong Gul pataom Lào caong khin Ủy ban Hòa bình Việt Nam saong Gul pataom Lào patui veik bruk pambuak gauk nao mai mek hu ralo baoh jeng siam mekre, daong ngak brei pakajap talei rohim pambuak bruk meng kan mai di Lào - Việt Nam. 

# Meng harei 1/1/2016, anek saih, sinh vien bangsa takik di sang kathaot tuk pataom tame danakdak pato pakai trinh độ cao đẳng, trung cấp di dom cơ sở pato bruk ngak hu taduan mek sarak gam daok gam bac ye : jien bac, dom paok jen daong blei pandap cá nhân, daong dalam harei tết Nguyên đán saong daong nao mai. Sarak gam daok gam bac di anek saih, sinh vien bac cao đẳng, trung cấp barau hu rajaei patabiak .

# Liên đoàn Lao động tỉnh Sóc Trăng gam haong lambaok Kadung jien Hatai ameh Urang ngak bahrau peih bruk pok brei pok jien bac “Hatai ameh–Đại Nam” ka 14 anek saih kathaot nan lac anek kamuan urang jakar, urang ngak kathaot bac megru naih jioy dalam tỉnh, yaok pok hu yaom 5 triệu đồng. Dom adei ini thei jeng hu rai diuk kan kandah, baoh sang kathaot, urang bangsa takik, urang metui medhar… min jeng kham merat yam tapa dom kan kandah piah bac megru naih jioy.

# Piah paglaong bruk pato pakai, pakhang pasiam domg sang bac dalam  tỉnh, abih di nyu nan lac dom huyen atah bayah, bhum kan kandah, uy mban bhapbini tỉnh Kon Tum hu parabha paok jien 258 tỷ đồng (dalam nan kadung jien karja tỉnh 141 tỷ đồng, phun jien đầu tư meng Xổ số Kiến thiết labaih 117 tỷ đồng) buh brei ka gah pato megru tukvak 2016 - 2020. Kuhria tal bilan 6/2015, dalam tỉnh hu 136 sang bac hu chuẩn negar, tagok 32 sang bac duk saong thun 2014.

# Bình Thuận mek hu dom tiêu chuẩn tah klaak ruak phong pakat tỉnh tui adat di Mentri Y tế. Nan lac bruk taong yaom pak nyaom biai pataom iek veik bruk pasang iek brei angan lac tah klaak ruak phong kayua Sở Y tế Bình Thuận saong Sang iek ruak Da liễu Trung ương peih ngak biar harei kabroi (27/10) pak bal Phan Thiết. Dalam thun 1998, tỉnh Bình Thuận hu tal 308 urang bahrau njauk ruak phong ye tal puac thun dahlau, tỉnh ini tok daok 7 urang njauk ruak bahrau. Urang ruak phong hu duah mboh avar, điều trị chip saong patrun tối đa di chứng jaoh jo. Bác sĩ Lê Huỳnh Phúc, Akaok Sang iek ruak Da liễu tỉnh Bình Thuận lac: Vaktu 2016 tal 2020, Bình Thuận patui veik peih ngak 4 tiêu chí di Mentri Y tế. Dalam 3 thun gam, tỷ lệ urang njauk ruak phong njauk ala 0,2/10.000 bhap bani. 100% urang ruak phong jaoh jo hu iek glang, pasiam veik chức năng. 100% urang njauk ruak phong hu ba drei tame dalam rai diuk saong oh hu phân biệt đối xử, kỳ thị. 100% urang njauk ruak phong kathaot trak njauk hu sang danaok piah daok.

Khaw tin dunya

# Kapul daong urang njauk bala daok samar nao takl dom bhum gaok kan kandah kayua mbang megaiy taneh khang 7,5 độ rích-te di Pakistan saong Áp-ga-ni-xtan, tuk urang metai tagok 339 urang. Tui kuhria, hu  258 urang metai di Pakistan saong 78 urang di Áp-ga-ni-xtan. 3 urang metai di bhum bhum Cát-sơ-mia (Kashmir) gah Ấn Độ. Rajaei Áp-ga-ni-xtan daok kham merat taom gaok dom bhum gaok kan kandah trak abih jaik tâm chấn di tỉnh Ba-đa-khan (Badakhshan). Dom urang jakar Áp-ga-ni-xtan brei thau, urang metai meda daok glaong jang kayua rilo urang njauk bala jeng daok hu ba nao tal sang iek ruak, abih di nyu nan lac dom bhum oh ka taom gaok hu piah duah thau bruk.

# Ngoại trưởng Trung Quốc Vương Nghị ndom lac Nhật Bản saong Hàn Quốc njauk jhul samar bruk ginum biai haong Trung Quốc ka sa Hiệp định tự do pablei salih 3 gah. Pok panuac ndom dalam sa nyaom biai pak Bắc Kinh meng blaoh, Ngoại trưởng Vương Nghị brei thau, Trung Quốc, Nhật Bản, Hàn Quốc nan lac 3 nền kinh tế prong di châu Á, njauk naong bruk ngak brei grap tanat, patagok di khu vực. Bruk dak padang sa khu vực tự do mậu dịch Hàn -Trung - Nhật meda ba mai kein laba ka 3 negar, kayua nan ye njauk samar ngak salah blaoh bruk ginum biai. Yau nan min ong jeng ndom lac, dom kadha dakrai sajarah caik veik meda lac paga pacang prong ka bruk pambuak 3 negar min meyah hu langyah ye bruk pambuak gauk mek hu ralo siam mekre. 

# Mbang rilo chế biến saong rilo bhong meda ba tal ruak ung thư hatuang pruac di menuac. Ini lac dom pathau khan di dom chuyên gia y tế gah Y tế dunya. Di mbang nyaom peih tabiak di Luân đôn, ông Cớt Xtrên (Kurt Straif) – chuyên gia jabat roh duah dunya ka Ung thư (IARC) di Tổ chức y tế dunya brei thau, hu bằng chứng giup ka bruk pambuak gauk di rilo bhong saong ung thư. Dom chuyên gia y tế kakei, piah siam ka pren yava, tok mbang rilo bhong sa mbang dalam adit atau 3 mbang dalam sa bilan./.