# Biar harei kabroi, 27-11, Quốc hội ginum biai tamat mbang nyaom. Dahau di nan, dalam van page, Quốc hội biểu quyết brei tapa Hukum hình sự (pasiam veik), Hukum tố tụng hình sự (pasiam veik). Hukum hình sự (pasiam veik) brei thau ka umo ciuk trách nhiệm hình sự nan lac meng ginup 14 thun tal 16 thun; klak phạt tử hình ngan haong 7 tội danh yau: meblah drap ar; khik piah suan adat asal jru phien; tội phạm mesruh metak... Hukum jeng brei thau oh phat tử hình saong oh thi hành án tử hình urang meng 75 thun tagok.

# Đại tướng Phùng Quang Thanh, Akaok mintri quốc phòng hu taduan raok Đại tướng Em Sam-an, Quốc Vụ khanh mintri Nội vụ negar Campuchia song kapul ngak bruk dalam mbang nao rivang song ngak bruk di VN. Akaok mintri Phùng Quang Thanh tong yaom glong talei pambuak bruk praong di dua gah dalam tuk vak tapa, abih di nyu nan lac bruk pato pakai song pasram megru urang jakar, chuyên gia song dong ba ilamu.

# Pak Hà Nội, Mentri pato megru peih bruk pok meyaom dom gru pato saong urang jakar khik iek naih gheih gah pato megru anek saih jaoh jo pakat negar mbang ka klau. Tapa nan, 194 gru pato taduan mek hu harak meyaom di Mentri pato megru. Dalam nan hu 57 urang jakar khik iek, 137 gru pato dom pakat bac. Ini lac dom gru pato naih gheih, lambaok ka dom bhum palei dalam negar. 

# Tal urak ni, tỉnh Quảng Bình hu phê duyệt brei 66 po kapan ikan hu mesraiy phun jien ngak bahrau kapan ikan tui nghị định 67 di rajaei song yaom phun jien abih tih 890 tỷ đồng. Dalam nan 32 kapan dok ngak, 7 kapan kanduk hu ngak salah bloh song ba tame pandar. Ong Lê Văn Lợi, akaok Chi cục khik caga kaya ikan Quảng Bình brei thau: Urak ini  Sở ngak Nông saong patagok palei pala daok pok tagok 20 trường hợp tra, yau nan tỉnh hu 86 kapan hu ngak bahrau tui Nghị định 67, ginup tanut Mintri jao ka  tỉnh Quảng Bình. Bruk camreip nan lac pathau khan ngak habar ka urang taong ikan thau ini lac sa sarak praong , siam di Đảng saong karja pachreih kapan tabiak tasik atah livik harei, pambuak bruk ngak mbang haong khik cagatasik, pulao.

# Trung ương Giáo hội Phật giáo Việt Nam bahrau peih bruk caik patau padang ngak thiền viện Trúc Lâm pak Gia Lai. Thiền viện Trúc Lâm Gia Lai nan lac công trình kiến trúc Phật giáo,hu padang ngak angaok mblang taneh praong 2 ha. Tapa nan, Trung ương Giáo hội Phật giáo Việt Nam hu pok brei 1.200 pok pandap yaom 600 triệu đồng ka bhap bani kathaot daok pak huyện Ia Grai, tỉnh Gia Lai.

# Kapul urang dahlau deih ngak bol lin tỉnh Bình Phước bahrau pataom iek veik bruk pakacah “ Urang dahlau deih ngak bol lin dong gauk patruh kan kathaot” tuk vak 2011 -2015. Dalam 5 thun tapa meng dom kadung jien “dong ba gauk patruh kan kathaot” song “dong gauk yam tapa kan kandah” dom pakat Kapul hu dong phun jien ngak mbang, pablei salih ka 972 boh sang kan, jiak kan kathaot. Tỉnh hội jeng pachreih ba hu labaih 10 tỷ 100 triệu đồng piah padang bahrau 222 boh sang anit rana, pasiam song patagok 44 boh sang ka hội viên.

# Pasak Dịch vụ bhum ceik tỉnh Bình Thuận dalam thun ini hu mboh tangin tame harak pambuak bruk saong peih ngak đầu tư ứng dahlau pajaih tangeiy lai ka jaik 1.500 baoh sang urang bangsa. Taphia di nan peih 7 tal pato pathram ilamu pala tangiey ka labaih 700 baoh sang urang bangsa takik pak huyện Hàm Thuận Bắc saong Hàm Thuận Nam... langiu di nan, pasak jeng brei buh dahlau labaih 1.130 tấn khak drak; jru khik caga phun pala; jaik 50 tấn padai pajaih saong tangeiy pajaih ka dom bhum glaong, bhum ceik dalam tỉnh.

Khaw tin dunya:

# Mintri Quốc phòng Nga brei thau, Nga brei padeih tong abih bruk tom gaok quân sự song Thổ Nhĩ Kỳ dalam tuk talei pambuak bruk di 2 negar dok catang tagok hadei di bruk Thổ Nhĩ Kỳ cuh laik kapan haoh quân sự di Nga. Tong abih talei pambuak bruk di mintri Quốc phòng Nga song gah vũ trang Thổ Nhĩ Kỳ, dalam nan hu dom jalan talei pandiak hu 2 negar padang ngak piah pacang  khu3nng bố di Xyri jeng brei padeih.

# Mentri Thống nhất Hàn Quốc brei thau: Hàn Quốc saong Triều Tiên njauk gauk brei peih dom bruk ginum biai pakat glaong di harei 11 bilan 12 tal khu công nghiệp Kê-xâng. Dua gah ba tabiak quyết định manuac urang dalam kapul nyaom hu mbaok tame ginum biai. Asal kadha dalam danak dak ginum biai ini tui bruk pasiam veik talei rohim nao mai di dua gah Triều Tiên.

# Hadei di bruk tấn công tame Prang, Đức daok salih jalan ngak ka bruk urang di cư song daok pasang iek catang ka urang di cư tal negar ni. Urang dang akaok Đức brei ba nao veik bhum Tây Ban-căng (Balkans) labaih 60 urang di cư, tuk  harak likau harak tị nạn di dom urang ni oh hu taduan mek./.