# Biar harei 27-12, Sở Ilamo – Padhih Hà Nội peih bruk jao giải saong parang iek dom tác phẩm xuất sắc di mbang pakacah thaot binguk, video “Dahlak saong taneh aia dahlak”. Mbang pakcah hu peih tabiak meng bilan 9 meng blaoh, nan lac sa bruk ngak hu makna di dự án “Hà Nội siam  saong oh ka siam”. Hadei di 3 bilan peih tabiak, mbang pakacah taduan mek hu 200 tác phẩm di 126 tác giả hu mbaok tame pakacah. Ban Tổ chức hu palih ruah 45 tác phẩm xuất sắc piah pok brei giải saong ba tabiak parang iek.

# Harei kabroi 27/12, mbang akaok meti, Liên đoàn Lao động ban Đà Nẵng peih bruk ngak likhah ka dom diuk pasang công nhân gaok kan kandah. Hu 8 gu công nhân daok ngak bruk di dom công ty, xí nghiệp, dalam dom khu công nghiệp, khu chế xuất Đà Nẵng hu ngak likhah haong gauk di sang ilamu Lao động ban Đà Nẵng dalam bui sambai saong patak pataom. 

# Dalam dua harei 2, 27 saong 28/12, Kapul Chữ thập đỏ Việt Nam pambuak bruk haong Tổng Công ty Cổ phần Khoan saong Dịch vụ Khoan Menyek peih bruk “ jao 100 drei limo ka dom baoh sang kathaot” pak huyện Trà Bồng, tỉnh Quảng Ngãi. Ini lac bruk ngak daok dalam danak dak “Gilang limo – ba gauk tame daong ka bhap bani dom huyện kathaot, xã tapen negar padang ngak palei pala bahrau” kayua urang jakar dalam Tổng Công ty Cổ phần khoan saong Dịch vụ khoan menyek daong brei.

# Dalam 2 harei, 26 saong 27/12, di tỉnh Bình Phước, kapul urang njauk jru mek klik kruoc VN brei kapul y bác sĩ nao iek ruak, brei jru ka 1.000 mbang urang daok dalam sarak karja, urang bangsa takik kan kathaot di dom xã Phú Nghĩa, Đức Hạnh saong Đắk Ơ. Dalam dua harei, kapul hu iek ruak, brei jru ka 1000 mbang urang, tui yaom jien abih tih labaih 400 triệu đồng.

# Melam kabroi 27/12, Thành đoàn bal raya Hồ Chí Minh pambuak haong  Đại học Negar Bal raya Hồ Chí Minh peih bruk pataom iek veik saong pok brei giải thưởng ”Sinh viên roh duah ilamu Euréka mbang ka 16”. Kapul urang peih bruk hu pok brei 7 giải nhất, 13 giải nhì, 14 giải klau saong 32 giải Khuyến khích ka dom đề tài xuất sắc di 11 ghah hu mbaok tame pakacah. Ini lac dom đề tài xuất sắc abih, hu palih ruah meng 645 đề tài di 46 sang bac đại học, cao đẳng, học viện angaok bal raya Hồ Chí Minh saong dom tỉnh jaik taphia payua mai pakacah.

# Dalam thun 2015, dhar gilang pariak sarak karja tỉnh Hậu Giang hu brei ka labaih 36.000 baoh sang urang nông mesraiy phun jien patagok bruk ngak mbang, patruh eik patrun kathaot saong paglaong rai diuk, abih tih yaom jien jaik 700 tỷ đồng; rik daong patrun kathaot khang kajap ka labaih 2.000 baoh sang kan kathaot di puk palei. Bruk brei mesraiy pataom tame ralo dom danak dak yau: brei baoh sang jaik si kan kathaot mesraiy, brei mesraiy ka bruk pandar ia hacih saong vệ sinh môi trường palei pala; brei anek saih sinh viên gaok kan kandah mesraiy.

# Ủy ban Mặt trận Negra Việt Nam tỉnh Tiền Giang bahrau pambuak bruk haong dom ban, ngành peih bruk jak ba pandap Tết Nguyên đán Bính Thân thun 2016 ka dom urang kan kandah. Piah hu sa nguồn quỹ ini, tỉnh Tiền Giang meda jak ba bruk rik daong, ủng hộ vật chất di taong abih bhap bani, dom doanh nghiệp, dom agama, dom kapul nyaom xã hội, ngak pahla dalam saong langiu tỉnh, kham merat yaok urang rai diuk kan kandah hu alin brei takik abih sa pok pandap Tết. Urak ini, dalam tỉnh Tiền Giang daok hu jaik 17.300 baoh sang kathaot, labaih 20.000 baoh sang kathaot saong yaok pluh ribau urang njauk ruak hakik, taha, metui medar oh hu sang danaok… oh hu điều kiện uan raok thun bahrau.

  Patui di ini dom khau tin dunya:

 # Harei  27/ 12, mbang nyaom ka 38 Ủy ban 2 Rajaei ka talei pambuak bruk dua gah Việt Nam-Lào, Lào-Việt Nam hu peih tabiak di ban ine Viêng-chăn- Lào. Bruk pambuak gauk gah pato megru, dua gah daok brei ka gauk dom pok jien bac ka dom urang jakar, anek saih saong sinh viên 2 taneh ia tapa bac megru, roh duah di yaok taneh ia. Ta-eng thun 2016, Việt Nam brei ka Lào 1.000 pok jien bac saong Lào brei ka Việt Nam 60 pok jien bac ka urang jakar saong anek saih Việt Nam tapa bac megru di Lào.

# Harei kabroi, Trung Quốc hu brei tapa Hukum pacang cakak bạo lực dalam sang. Hukum bahrau pakuac taong abih bruk  bạo lực dalam sang, dalam nan hu gam bạo lực gah tâm lý. Hukum bahrau ini ba mai caong khin ka ralo urang kamei Trung Quốc tuk bo jaik 40% urang kamei negar ini njauk bạo lực tình dục saong bạo lực rup pabhap. 24,7% baoh sang Trung Quốc rah tabiak bruk bạo lực dalam sang, min tok hu 7% urang nao khan brei ka công an thau.

# Harei 27/12, HQ saong NB hu peih mbang taom gaok pakat chuyên viên ka bruk urang kamei HQ njauk kateik gleik ngak nô lệ tình dục ka lin NB dalam samar mesruh metak (daok ieu lac bruk urang kamei mua vui”. Di mbang taom gaok, dua gah  kham merat langyah dom srau kadau saong ba tabiak dom jalan ngak bharau piah nao tal sa thỏa thuận ka bruk urang kamei mua vui. Dom urang sử học kuhria mboh lac hu tal 200.000 urang kamei, ralo meng lac ngaok bán đảo Triều tiên, njauk kateik gleik duh bruk tình dục ka dom urang lin NB dalam samar mesruh metak dunya mbang ka dua. Tui kuhria mboh, urak ini HQ daok 46 urang dalam kapul ini daok diuk./.