# Hadei di labaih 1 adit ngak bruk, page ini, Nyaom roya pkat negar mbang ka XII di Đảng nyaom mbang tamat, salah blaoh dom asal kadha prong puac abih. Tui danak dak, bruk pilih ruah urang ka Bộ Chính trị, Tổng bí thư, Ban Bí thư pak Nyaom biai mbang ka sa Ban Chấp hành Trung ương khóa XII hu brei thau piah nyaom roya biểu quyết brei tapa. Bộ Chính trị nhiệm kỳ ini hu 19 urang, tagok jang 3 urang dut haong nhiệm kỳ dahlau. Dom lama hu 200 ủy viên khóa XII bầu tabiak Nyaom roya mbang ka harei 27/1. Nyaom roya meda brei tapa Sarak Nyaom roya XII Đảng cộng sản Việt Nam dahlau di tuk Tổng bí thư Ban Chấp hành Trung ương khóa XII puac diễn văn tamat  Nyaom roya.

# Tui mintri ngak nông saong patagok palei pala, bilan sa thun ini, kaya nong pablei tabiak negar langiu hu jaik 2 tỉ 330 triệu đô la, trun jang duk saong thun dahlau, dalam nan, dom  kaya nông praong hu jaik 1 tỉ 160 triệu đô la. Dom janih kaya nong pablei tabiak negar langiu rilo jang nan lac: brah, cà phê, cao su, bei plom saong dom pandap ngak meng bei plom. Dalam nan, cà phê pablei tabiak negar langiu hu 149 ribau tấn  yaom jaik 264 triệu đô la;  cao su hu 106 ribau tấn yaom 120 triệu đô la.

# Urak ini, langik tasik angaok tỉnh Lai Châu hu ấm tagok, rai diuk mbang angui di bhap bani hu mbuan laghaih jang. Yau nan min, piah grap tanat an toàn ka anek saih, Sở Pato megru tỉnh Lai Châu tacei pato dom duk pato megru saong dom sang bac chủ động lịch bac ka anek saih tame bac hadei di la-ar.  Nhiệt độ biar harei 27-1 đo hu pak dom puk palei labik biar di tỉnh Lai Châu giao động meng 7 – 8 độ C. Yau nan min, tuk nhiệt độ ấm tagok ye ralo labik gilac hu mboh aia kakuan sara, ngak la-ar saong dom sang bac angaok địa bàn jeng daok bố trí ka jaik 107.000 anek saih padeih bac.

# UB bhap bini tỉnh Lâm Đồng brei buh tabiak labaih 21 tỷ đồng meng kadung jien karja tinh piah daong, alin hadiah pandap ka dom baoh sang sarak karja, urang hu buh pren yava ka cách mạng, baoh sang kan kathaot, baoh sang jaik si kan kathaot….daok dalam tỉnh bui sambai uan rok tết nguyên đán anek sak kara 2016. Langiu di nan, tỉnh jeng hu daong ka 3 labik langiu tỉnh taduan pato megru, iek ruak ka bhap bini di tỉnh Lâm Đồng nan lac: sang giáo dưỡng 4, sang mầm non 6 saong sang iek ruak gila TƯ II yaom jien 10 triệu đồng yaok labik.

# Harei 27/1, Thứ trưởng Bộ Lao động - Thương binh saong Xã hội Doãn Mậu Diệp hu mai rivang saong brei pandap ka dom urang hu kong saong đối tượng hu mbang tui bảo trợ xã hội di tỉnh Bắc Kạn. Tui nan, Thứ trưởng Bộ Lao động - Thương binh saong Xã hội Doãn Mậu Diệp hu alin brei 5 pok pandap ka 5 urang nan lac urang hu kong pak xã Cao Kỳ, huyện Chợ Mới, tỉnh Bắc Kạn. Ini lac dom thương binh, amaik Việt Nam Anh hùng hu kong haong cách mạng urak ini jeng daok diuk pak xã Cao Kỳ. 

# Meng harei 19 tal harei 27/1, sở y tế, Hội chữ thập đỏ, jabat UB bhap bini tỉnh hậu Giang hu pambuak gauk peih bruk iek ruak, tư vấn pren yava saong brei jru ka urang kan kathaot, baoh sang sarak karja tuk tết nguên đán anek sak kara 2016. Hu mbaok dalam kapul hu lambaok sở y tế Hậu Giang saong labaih 30 gru jru di klup kapul gru ju ranaih umo halan hatian gah y tế. Labaih 5000 urang hu iek glang pren yava di 27 xã di 5 huyện, ban sit saong ban Vị Thanh.

# Tui Pasak Dự báo hatai caong khin ka nhân lực saong thông tin darak pasar urang ngak bal raya Hồ Chí Minh, hadei di Tết Nguyên đán Bính Thân, dom doanh nghiệp angaok bal raya njauk palih ruah 19.000 urang ngak, dalam nan 30% ngak bruk metuh tukvak, ngak bruk thời vụ. Dom nyaom bruk ngak khin hu ralo urang ngak nan lac: Marketing, pablei pandap, tiếp thị pandap panda, dịch vụ du lịch, nhà hàng - khách sạn..v..v..   

Patui di ini dom khau tin dunya:

# Dalam mbang ginum meyai di Bắc Kinh mesup kabroi 27/1, ngoại trưởng Mỹ John Kerry brei thau hatai suh sah ka dom bruk rah tabiak di Biển Đông jaik di ini, ndom veik bruk praong dalam khik caga tự do jalan lingik saong jalan tasik di Biển Đông, pandar TQ brei padeih chip dom bruk padang ngak di dom labik daok merak gauk.

# Singapo meda brei thau ka dom jalan ngak piah pacang cakak virút Zika- loại virus njaom mbak meng jamaok saong ngak jeng dị tật pak anek kaman dalam haitan. Ini lac virút hu ngak tổn thương não bộ ka yaok ribau uranaih pak Braxin. Panuac khan di Raja-ei Singapo harei 27-1 brei thau, virút Zika jaik dreh haong ruak pandiak tabiak darah saong njaom mbak tapa gam sa janih jamaok. Raja-ei Singapo meda pandar urang bahrau gilac veik meng dom bhum taneh njauk pambak jit Zika nao pasang iek pren yava tuk hu dom triệu chứng paniak saong tamuh ban angaok kalik.

# Dalam sa bruk pambuak tal, sa tuai du lịch urang Đan Mạch njom virut Zika hadei di tuk nao rivang gah Nam saong Trung Phi. Urang ngak praong gah y tế Đan Mạch harei kabroi jeng brei thau, ini oh lac urang njom virut Zika akaok meti di châu Âu. Sang iek ruak đại học A-hút (Aarhus) di Đan Mạch, labik daok iek ruak ka urang ruak ini, brei thau virut Zika takik hu jalan njom mbak di Đan Mạch kayua janih jamuok ba ruak oh hu di taneh ia ini. Dahlau nan, di Đức, Anh saong Thụy Điển jeng khan lac hu urang njom virut Zika./.