Khaw tin 10h30 saong 14h30  harei 28/4/2016

# Bair harei 27/4,  Tổng Bí thư Nguyễn Phú Trọng hu taduan raok ông  Bành Thanh Hoa, Ủy viên Trung ương Đảng, Bí thư Đảng ủy Khu tự trị bangsa  Choang Quảng Tây, Trung Quốc daok ravang saong ngak bruk di Việt Nam. Tổng Bí thư Nguyễn Phú Trọng taong yaom glaong bruk patagok khang, siam mekre dalam talei pambuak bruk di Quảng Tây saong dom puk palei Việt Nam dalam tukvak tapa ...

/ Harei 27/4, phaok thủ tướng rajaei Trịnh Đình Dũng saong dom mintri, ngành TƯ hu nao pasang iek bruk khat lahik kayua bala langik tasik rah tabiak ka bruk ngak nông di tỉnh Bạc Liêu. Kuhria tal tukvak ini, tỉnh Bạc Liêu hu labaih 14.500 ha taneh padai saong labaih 7.800 ha hadang raong công nghiệp njauk khat lahik kayua  pandiak bhang saong njom mbak. Phaok thủ tướng pandar Bạc Liêu pasang iek, duah pataom dom baoh sang kan kandah, baoh sang sarak karja gaok kan kandah kayua pandiak bhang piah samar daong, oh lui rah tabiak bruk eik lipa saong khik kajap ia hacih duh ka rai diuk bhap bini.

#  Melam kabroi 27/4), di tỉnh Lai Châu hu rah tabiak bruk “peih mbaok adit Du lịch – ilimo Lai Châu mbang yaka sa”. Adit Du lịch – ilimo Lai Châu mbang yaka sa rah tabiak tal puac harei 30/4 ngan saong rilo bruk ngak gheih mekre ye : harei pataom mbang menyum, melam lửa trại ..v…v..Hu mbaok tuk ngak Lễ, saai Đào Thanh Huyền, urang daok di ban sit Lai Châu khan lac : Lac urang menek tabiak saong praong tagok di ini, dahlak biak hadah mbaok ka ilimo mengkan di bhum taneh ini. Adit ini jeng rik daong brei thau lac kol dahlak jeng hu tiềm năng du lịch saong njauk patagok nyu. Lac sa urang di Lai Châu, dahlak caong khin Lai Châu dak harei dak patagok jang, daa dom urang yut dalam taneh ia saong dunya mai Lai Châu, mai tal bhum taneh gheih mekre ini.  

 / Biar harei 27/4, bruk pok meyaom jao thưởng dom doanh nghiệp hadah krah ASEAN hu rah tabiak di ban Đà Nẵng hu mbaok di yaok rituh tuai dunya saong lambaok dom doanh nghiệp mek hu giải dalam khối ASEAN. Dua doanh nghiệp hadah krah di VN hu pok meyaom nan lac tập đoàn Ba Son saong công ty cổ phần Xi măng Hà Tiên 1.  

# Di tỉnh Quảng Trị, barau blaoh hu labaih 30 tấn ikan metai theik tame ar hu  pataom mek ba nao cuh klak. Urak ini, ikan metai theik tame ar tasik oh daok, alam moi truong jeng tani tanat veik. Min, urang blei mbang jeng daok huac ikan tasik ngak ka bruk taong cap, raong kaya ikan dalam ia gaok kan kandah. Dom nhà hàng pablei kaya ikan di tapen tasik Cửa Tùng, Cửa Việt takik tuai kayua urang huac mbang ikan .

/ Mblang me-in ka uranaih di tỉnh Quảng Ngãi lac bruk kan kandah. Dom mblang me-in praong daok khut, oh hu pandap me-in. Di dom huyện bhum taneran, meda lac labik  halei jeng hu pasak ilamu thể thao, palei halei jeng hu sinh hoạt ilamu, min dalam nan oh hu hagait lingiu mblang saoh. Bilan pandiak, dom adei sit bhian ba gauk nao menei ia kraong, menei tasik nan ye mbuan metau blung ia.

# Harei kabroi 27-4, dalam ban sit Mỹ Tho, dom huyện Chợ Gạo, Châu Thành di tỉnh Tiền Giang hu hajan dui atah jaik 20 minit. Ini lac mbang hajan akaok bilan,  daong ngak trun pandiak hadei dom harei pandiak bhang; taphia nan, ba lượng ia taba ka yaok rabau hecta njam patam, beir phun mbang baok plaih hu bruk thu lagu hadei sa adit kayua kurang ia taba.

Patui di ini dom khau tin dunya:

/ Malaisia daok ba tabiak panuac caongt pasiam veik hukum piah brei adt ka karja mek veik taneh glai di dom labik rah tabiak khuah praong. Ini lac bruk kham merat piah pacang cakak bruk khuah glai ngak jeng sauk sup palup kayua am cuh glai mek taneh ngak mbang, ngak dom trang trại pal phun cọ menyek.

# Tập đoàn radaih pui Ki-u-su (Kyushu) di Nhật Bản harei ini barau dui pagam dom canah jalan radaih pui siêu tốc di tỉnh Kumamôtô (Kumamoto), ramik pasiam canah jalan praong jaik dua adit tapa njauk pacang cakak hadei tuk rah tabiak dom mbang megaiy taneh trak di labik ini. Bruk dui pagam dom sruh kapal siêu tốc meda daong ka dom bruk padang ngak veik di dom labik gaok kan kandah kayua megaiy taneh jeng ye jhul khang gah du lịch dahlau thiah daok gaok kan kandah trak kayua bala meng lingik tasik.

/ Jabat khik caga môi trường Mỹ barau hu panuac ieu patagok sa jalan ngak pakat negar piah khik caga ia hacih di taneh ia ini, hadei di tuk rah tabiak bruk ia njom chì di ban Phlin (Flint), bang Mi-chi-gân. Tui jabat khik caga môi trường, caong hu takik abih 384 tỉ đô la Mỹ piah salih barau dom jalan nding ba ia saong ngak pasiam dom sang mac xử lý ia hacih tal thun 2030./.