# Melam kabroi 27/7, pak Hà Nội njauk tame harei pahadar 68 thun harei Thương binh liệt sỹ, Văn phòng Ban Tacei pato pakat negar ka bruk pataom mek, roh duah talang liệt sỹ pambuak haong Rayo papar binguk Việt Nam, Pasak papar sap papar binguk Bol lin peih ngak dandak adaoh tamia ngan haong kadha “Hatai caong khin jum pataom”. Pok panuac dalam danak dak adaoh tamia ini, akaok negar Trương Tấn Sang lambaok ka urang pal akaok Đảng, Karja, payua tal dom Amaik Việt Nam anh hùng, dom adei sa-ai thương binh, bệnh binh, dom gauk gar di liệt sĩ, baoh sang hu kong haong negar dom hatung anit ranam saong hatai thau dhal phol biak dalam, panuac sua tangi biak gheih ghang saong panuac tadhau ayuh siam mekre di abih.

 # Bier harei kabroi, Thủ tướng rajaei Nguyễn Tấn Dũng hu var taom gaok akaok mintri Ngoại giao Brazil Mauro Luiz Vieira dok nao rivang VN. Thủ tướng Nguyễn Tấn Dũng ndom lac mbang nao rivang ni lac sa rik dong prong piah patagok talei rohim di 2 gah song VN iek prong song cong khin Brazil kham merat jhul pakhang talei pambuak bruk kein lagaih di 2 negar di tong abih dom bruk, ba mai kein lagaih ka 2 gah.

 # Melam ini 28/7, pak Cung Ilamo hữu nghị Hà Nội meda rah tabiak Danak dak "Vinh quang Việt Nam" mbang ka 12 ngan haong kadha “Prong tagok gam haong taneh aia”. Danak dak kayua Tổng Liên đoàn Lao động Việt Nam, Ban Thi đua Khen thưởng Trung ương pambuak haong Báo Lao động peih ngak. Dalam tukvak nan, Phaok Akaok negar Nguyễn Thị Doan bahrau hu van taom gaok haong kapul nyaom urang lambaok “Vinh quang Việt Nam” mbang ka 12. Phaok Akaok negar Nguyễn Thị Doan lac: Dom urang hu pok meyaom, dom urang hu palih ruah  dalam dom mbang palih ruah di danak dak “Vinh quang Việt Nam njauk patagok dom baoh jeng siam mekre mek hu ngak brei biak ralo jang, vinh quang Việt Nam njauk cakrok patagok jang piah ngak tabiak dom janih pandap chất lượng glaong”.

 # Thủ tướng rajaei bahrau mbaoh tangin tame harak Dự án “patrun khat lahik song khik ramik dom kan kandah tal pren yava di menuac urang tui bruk iek glang athur rong” kayua jabat patagok dunya Hoa Kỳ (USAID) dong brei tapa kapul padai brah song ngak nong di Liên hợp quốc (FAO). Dự án hu patagok talei pambuak bruk di dom jabat VN dalam  peih ngak kadha sa pren yava di LHQ, patrun khat lihik tapa dom bruk  meng trang trại tal labik mbang huak.

 # Phaok Thủ tướng Nguyễn Xuân Phúc bahrau payua harak pok meyaom kapul cap mek, taong tayah bruk pablei salih pajeng ba jru phian tapa negar, mek kareik 6 urang, khik hu 490 har heroin. Piah pachreih ba chip,  Phaok Thủ tướng jao ka Mentri Công an buh tabik meng Kadung jien pacang caga kaol kanjah jhak Trung ương pok meyaom dom jabat hu mbaok tame cap mek bruk pablei salih pajeng ba jru phian ini.

 # Di HN, akaok mintri ngak nong song patagok palei pala Cao Đức Phát bahrau hu mbang ginum biai song amuk Gút-heo (Goodhew) Akaok mintri hacih saat pandap mbang Niu di-lân piah patagaok talei pambuak bruk di 2 gah dalam bruk hacih saat pandap mbang song bruk ngak nong hu ba tabiak dalam tuk vak anak tal. Tapa danak dak pambuak pagam, 2 gah hu klah rabha ilamu dalam bruk pato pakai urang jakar, padang ngak jalan song peih ngak dom asal kadha ka bruk hacih saat pandap mbang dalam bruk ngak nong.

 # Hadei di sa thun peih ngak, tal harei ini, bal Đà Nẵng hu daong pasiam veik saong padang ngak bahrau jaik 1.200 baoh sang ka dom urang hu buh pren yava ka cách mạng, baoh sang sarak karja saong baoh sang urang bangsa takik. Urang dang akaok bal Đà Nẵng patui veik pok sap iew bruk jak ba di dom manuac urang, jabat gam sa tangin haong gauk daong pasiam veik saong padang ngak bahrau 1.000 baoh sang ka dom urang nan dalam thun 2016. 

Khaw tin dunya:

# Harei kabroi 27/7 Thủ tướng Thái Lan Pra-dút (Prayuth Chan-ocha) mbang camereip khan lac jaik salih bahrau Nội các. Nội các Thái Lan urak ni kayua Thủ tướng Thái Lan palih ruah menuac song hu Patao Thái Lan phê chuẩn harei 30/8/2014, kayua yau nan ye tuk vak salih ahrau nội các mbang camereip dalam rajaei di Thủ tướng Pra-dút meda rah tabiak dalam puac bilan 8 atau akaok bilan 9.

 # Thủ tướng Anh Đa-vít Ca-mơ-run (David Cameron) bahrau hu mbang nao rivang 4 harei tal bhum taneh Đông Nam Á. In-đô-nê-xi-a (Indonesia) nan lac negar ong padeih takai akaok meti. Tui kuhria, dalam mbang nao rivang ini, Thủ tướng Anh meda pandar dua negar dalam bhum taneh nan lac In-đô-nê-xi-a saong Ma-lai-xi-a dalam bruk pacang cakak ảnh hưởng dak harei dak patagok di kol IS.

 # Harei  kabroi 27/7 TQ hu tabiak panuac báo động chip ka bruk ia ndik di tỉnh An Huy song Phúc Kiến di gah Đông song Đông Nam negar ni. Karja TQ hu peih bruk pacang cakak pakat 4 anak bruk hijan ribuk saong ia ndik ia sua di 2 tỉnh ni meng harei 20/7 meng bloh. Mintri Dân chính song Ủy ban negar Trung Quốc ka bruk patrun bala hu brei dom kapul nyaom mai dong bhap bini di 2 tỉnh  An Huy song  Phúc Kiến./.