#  Pahadar 70 thun Cách mạng bilan 8 saong harei negar 2/9, biar harei (27/8) akaok negar Trương Tấn Sang hu van taom gaok 100 urang lin cách mạng njauk guk, lambaok ka labaih yaok ribhau urang lin cách mạng njauk guk di bal ine Hà Nội dalam 2 mbang mesruh metak daong taneh aia. Akaok negar caong khin, dom urang lambaok tui pren yava, rai diuk di drei bo pato pakai ilamu meng kan ka rairah dam dara ngak tui.

          # Patui mbang nao rivang song ngak bruk di Japon, harei kabroi (27/8) Phó akaok  Quốc hội Nguyễn Thị Kim Ngân hu taduan raok akaok mintri Y tế, Lao động song Phúc lợi Japon, Ya-su-hi-sa Si-ô-za-ki (Yasuhisa Shiozaki) Phó akaok Quốc hội Nguyễn Thị Kim Ngân cong khin Japon peih prong bruk taduan mek thực tập sinh, điều dưỡng viên Việt Nam nao ngak bruk di Japon kayua kein laba di bhap bini 2 negar song bruk patagok di yaok taneh ia.

# Harei (27/8), Đại sứ Lào pak Thái Lan Ly Bun-khăm (Ly Bounkham) haong Kapul urang jakar Đại sứ quán Lào hu nao tal Đại sứ quán Việt Nam pak Thái Lan tadhau ayuh pahadar 70 thun Quốc khánh negar drei. Đại sứ Ly Bun-khăm brei mboh hatai jia taneh aia Việt Nam daok patagok khang kajap saong ndom lac talei rohim meng kan Việt - Lào dak harei dak  kajap. 

# Harei kabroi 27/8, mban tacei jalan pakat negar ka bruk ba drei tame dunya hu peih Nyaom biai tapak pakat negar brei thau cambaih ka Chỉ thị 15/CT-TTg ngày 7/7/2015 ka bruk peih ngak sarak 22 di mintri Chính Trị ka bruk ba drei tame duny, Nyom biai hu ginum biai dom bruk ba drei tame dunya dalam nan hu chính trị, quốc phòng, an ninh; mbei tame gah kinh tế ilamu , xã hội, pato pakai. Abih di nyu nan lac sangka iek prong ilamu, kapul urang jakar ngak bruk gah mbeik drei tame dunya.

# Harei ini 28-8, pak Hà Nội rah tabiak nyaom biai ngan haong kadha: "Đô thị thông minh – Anak meta saong ilamu dunya, triển vọng pak Việt Nam". Ini lac mbang akaok meti Ủy ban Trung ương Mặt trận negar Việt Nam dang tabiak peih nyaom biai ka dom kadha đô thị thông minh, pachreih bruk hu mbaok di ralo urang lambaok dalam negar saong dunya. Nyaom biai piah ba tabiak diễn đàn meyaih khan, brei thau ka hatai saneng padang ngak đô thị thông minh tal taong abih dom urang patabiak sarak saong bhap bani; brei mboh dom ilamu padang ngak đô thị thông minh pak dom negar patagok yau Mỹ, Nhật Bản, Hàn Quốc, Singapore; taphia di nan rik daong brei panuac ka Đề án khung “Patagok đô thị thông minh pak Việt Nam 2016 - 2030”.

# Harei kabroi 27/8 di pambah lamnge Sa Kỳ, tỉnh Quảng Ngãi, Cục Hàng hải Việt Nam pambuak bruk song dom jabat peih bruk pathau khan hukum tasik ka 100 po kapan ikan, thuyền viên. Dom urang pathau khan hu pathau khan ka bruk dong duah urang gaok bala, bruk liên lạc tuk kapan njauk bala, tacei pato bruk sơ cấp cứu urang njauk bala di angaok kapan

#  Bruk peih ngak talei pambuak bruk 4 gah  “Karja – Urang ilamu – Urang buh jien tame ngak – Urang nong” ba mai ralo kein laba hu mboh di meta ka urang nong, abih di nyu nan lac ngan haong bhap bani urang bangsa takik tỉnh  Kon Tum. 10 thun tapa, hu labaih 342 ribau tấn pandap panda kaya nong, ralo meng lac saradang, cà phê, cao su, bei plom… di urang nong Kon Tum  hu pablei mbuan kayua hu talei pambuak bruk haong doanh nghiệp./.