Khaw tin dalam taneh aia:

# Harei kabroi, 28-3, Mentri Tài nguyên - Môi trường haong Kapul dam  dara Cộng sản Hồ Chí Minh pakat negar hu mbaoh tangin tame danak dak “Patagok  bruk khik caga alam môi trường tukvak 2014- 2017”. Tui nan, Kapul dam dara cộng sản Hồ Chí Minh pakat negar meda  padang dom kapul nyaom “Halan hatian hijao”, “dam dara ba akaok nao dahlau” piah peih bruk pathau khan sarak, hukum saong brei thau ka bruk khik caga tài nguyên, môi trường. Abih di nyu nan lac peih tabiak dalam dom tổ chức cơ sở Đoàn pataom mbaok tame danak dak “Dam dara hu mbaok tame khik caga kraong ribaong bhum palei”.

# Peih ngak gilac veik bruk daong 1.000 drei limo menek ka sang bhapbini bangsa takik kan kathaot, di huyen Kon Plông, tỉnh Kon Tum, barau ini, Quỹ Thiện Tâm - Tập đoàn Vingroup pambuak bruk saong Ủy ban bhapbini tinh alin 100 drei limo pajaih ka sang bhapbini bangsa takik kan kathaot daok di 4 xã Măng Cành, Măng Bút, Ngọc Tem saong  Đắk Tăng (huyện Kon Plông).

# Ủy ban bhap bani tỉnh Nghệ An bahrau brei  920 tấn brah daong ka dom anek saih di dom sang bac pak dom huyện hu  biak kan kandah dalam mbang daong iek lipa bilan cang yuak thun 2014. Yaom brah nan hu peih brei ka 11 huyện, thị xã, dalam nan huyện Kỳ Sơn lac huyện bhum ceik glaong abih di tỉnh taduan mek hu labaih 200 tấn. Ủy ban bhap bani tỉnh daong brei jien pajeng ba brah nao tal dom sang bac, dom puk palei piah ka anek  saih taduan mek brah hu mbuan lagaih di abih.

# Harei kabroi 28-3), di Cảng ikan Âu thuyền Thọ Quang, Ủy ban bhapbini ban sit Đà Nẵng peih bruk pahadar 55 thun harei Va Ho mai ravang palei ikan 1/4 /1959 - 1/4/2014. Urak ini, ban sit hu labaih 1.300 sruh kapal saong labaih 10.000 urang hu mbaok taong chap kaya ikan dalam ia. Dom janih kaya ikan dalam ia cap mek yaok thun hu meng 35.000 tal  40.000 tấn. Di tuk pahadar, Gilang pariak ngak nong Việt Nam di Đà Nẵng hu alin 10 paok pandap ka 10 sang urang taong ikan kan kathaot, yaok paok 5 triệu đồng.

# Harei kabroi, (28/3), pak bal Tuy Hòa, Mentri Thông tin saong Truyền thông pambuak haong Ủy ban bhap bani tỉnh Phú Yên peih bruk parang iek bản đồ saong parang iek tư liệu “Hoàng Sa, Trường Sa nan lac di Việt Nam- Dom kadha brei mboh meng dak rai sajarah saong adat hukum”. Parang iek hu ralo harak gar, pandap panda, ấn phẩm saong jaik 150 bản đồ nan lac kadha meng sajarah saong adat hukum brei thau Karja Việt Nam meng jaman patao tal harei ini hu padang quyền ngak pô di Việt Nam ngan haong dua baoh pulao Hoàng Sa haong Trường Sa. Abih di nyu bộ sưu tập 65 bản đồ brei mboh quyền ngak pô di Việt Nam ngan haong dua baoh pulao Hoàng Sa, Trường Sa kayua Việt Nam, dom negar phương Tây brei thau meng abap 17 tal ini; 4 tập bản đồ (atlas) saong 30 bản đồ karei kayua karja Trung Quốc patabiak tapa dom jaman dakrai sajarah, brei mboh Trung Quốc oh pambuak pagam hagait tal dua baoh pulao Hoàng Sa, Trường Sa...

#  Harei 28/3, Sở Lao động- Thương binh saong  Xã hội ban raya Hồ Chí Minh hu peih bruk pakacah tangin ngak rinaih ban raya thun 2014 piah ruah tabiak dom urang hu tangin ngak joi pataom tame mbang pakacah tangin ngak negar saong tangin ngak ASEAN jaik tal. Hu 240 urang mai meng 36 labik, sang bac, daonh nghiep pataom tame pakacah 18 bruk ngak karei di gauk. Mbang pakacah tangin ngak ranaih daok rik daong paglaong ilamu bruk ngak bo dom urang ranaih daok ngak, taphia nan, ba mbuan lagaih ka dom labik pato bruk ngak hu klah rabha alamu saong gauk.

# Nyaom pakacah duah thau hukum ka bhap bani urang bangsa takik Bhum taneran kraong Cửu Long meda hu peih ngak dalam adit kreh bilan 6/2014 tal. Nyaom pakacah hu peih ngak tui jalan sân khấu hóa piah brei mboh hu asal ilamo di dom bangsa tapa dom bruk pakacah yau: salam, lý thuyết saong tiểu phẩm. Asal kadha pambuak pagam tal quyền saong nghĩa vụ di bhap bani daok pak palei pala  haong bhap bani urang bangsa takik yau: duah thau ka dom chế định praong dalam hukum negar; Dom sarak bangsa, padang ngak palei pala bahrau… Dom harak hukum meda brei mboh cambaih laih tapa dom kadha daoh, kadha ariya, ragam tamia... hu peih ngak meng sap phổ thông haong sap bangsa.

Khaw tin dunya:

# Hội đồng Bảo an Liên hợp quốc barau hu panuac lên án bruk  cuh iek tên lửa đạn đạo barau ini di Cộng hòa dân chủ bhapbini Triều Tiên, saong njauk hatai tacei pato drah samar ka sa bhuk ngak lagaih. Mbang nyaom rah tabiak hadei di tuk Cộng hòa dân chủ bhapbini Triều Tiên cuh 2 tên lửa tầm trung, dalam tuk Hàn Quốc saong Mỹ tame bruk pathram praong abih dalam 20 thun tapa.

# Raja-ei Mỹ bahrau brei thau meda patabiak bruk pakauk brei adat pablei thiết bị saong dịch vụ quốc phòng tapa Nga, piah cagar veik bruk ba Crưm tame Liên bang Nga. Urang tabiak panuac di Mentri Ngoại giao Mỹ Ma-ri Hát brei thau, adat pakauk nan meda hu ba tabiak ngak tui meng harei akaok adit anak tal. Amuk Ma-ri Hát jeng tabiak panuac brei thau dahlau ngan haong doanh nghiệp Mỹ halei daok khin ngak mbang haong Nga. Dahlau di nan, tui Mentri pablei salih di Mỹ, Jabat An ninh saong Công nghiệp negar ini tạm padeih brei harak adat pablei tabiak negar Nga meng harei 1/3 meng blaoh, dom janih pandap nan pandar hu ka  bol lin.

# Barau ini,, nyaom biai châu Âu ka pakao hala saong y tế rah tabiak di Ixtănbun (Thổ Nhĩ Kỳ) hu tabiak panuac brei thau dom kanyak jhak di pakao hala ka pren yava anek menuac, taphia nan, brei panuac caong khin dom qui dinh siam lagaih jang piah daong cakak bruk pandar dom pandap ka pakao hala. Dom urang alamu hu panuac kakei lac, meyah urang njuk pakao hala oh trun takik ye urang metai kayua pakao hala di abap 21 meda tagok 1 tỷ urang. Gah Y tế dunya brei thau, yaok thun pakao hala daok mek nao suan thap di 6 triệu urang./.