# Page harei 28-4 (njauk tame harei 10 bingun bilan 3 thun Ất Mùi), pak điện Kính Thiên angaok tabung ceik Nghĩa Lĩnh dalam labik inem mek dakrai sajarah pakat negar Đền Hùng, lambaok bhap bani dalam taneh aia saong mikva drei daok pak negar langiu, tỉnh Phú Thọ gam haong 5 tỉnh lambaok ka 3 gah barak, gah kreh, gah Meraong hu peih ngak dalam prong prang bruk cuh gilau pahadar dom pô Hùng. Hu mbaok dalam mbang cuh gilau daok hu Akaok negar Trương Tấn Sang haong lambaok dom mentri, ngành, cơ quan trung ương saong dom rai rah bhap bani.

# Dalam chreih chai bui sambai, hadah mbaok gam haong bhap bani dalam taneh aia dalam dom harei bilan 4 dakrai sajarah ini, melam 28/4, pak bal Cần Thơ hu rah tabiak bruk pahadar 40 thun Harei peih paha gah meraong yasa taneh aia. Pataom mbaok tame, hu Thủ tướng Nguyễn Tấn Dũng, Urang dahlau diah ngak Tổng Bí thư Lê Khả Phiêu, lambaok dom mentri, ban, ngành, kapul nyaom trung ương, Ban tacei pato Tây Nam bộ, dom urang lão thành cách mạng, dom Amaik Mẹ Việt Nam anh hùng, dom Anh hùng tapon nyom bol pan phao kraong bhap bani, Anh hùng lao động saong bol bhap rahrah bal Cần Thơ. Thủ tướng Nguyễn Tấn Dũng taong yaom glaong saong pok meyaom dom kham merat, dom bruk jak jeng saong bruk rik daong biak prong di Đảng bộ, raja-ei, bol lin saong bhap bani Cần Thơ dalam bruk mesruh taong Mỹ daong taneh aia dahlau diah jang yau dalam bruk salih bahrau, dak padang saong khik caga taneh aia palei negar harei ini.

# Pak labik Inem mek dak rai sajarah pakat negar biak karei Dua gah tapen kraong Hiền Lương - Bến Hải, Mentri Ilamo Padhih song Rivang ma-in pambuak haong Ủy ban bhap bani tỉnh Quảng Trị bahrau peih ngak “Harei yasa taneh aia”. Jeng dalam tukvak nan, tỉnh Quảng Trị taduan mek Bằng Inem mek dak rai sajarah biak karei ngan haong địa đạo Vịnh Mốc saong hệ thống palei hầm Vĩnh Linh, huyện Vĩnh Linh. Ini lac hệ thống palei hầm prong abih ngan haong 114 địa đạo, atah labaih 40km gam haong hệ thống giao thông hào labaih 2.000km, pambuak pagam dom palei hầm haong gauk.

# Pak bal Đà Nẵng bahrau rah tabiak mbang pakacah parang me-in pháo bingu Dunya - Đà Nẵng 2015 ngan haong kadha “Bản giao hưởng sambo màu” ngan haong bruk parang me-in di 3 kapul mai meng Nam Phi, Hoa Kỳ saong kapul po sang Đà Nẵng - Việt Nam. Dalam melam peih pakak, mbang parang me-in di kapul Hoa Kỳ hu angan "Bak hatai ranam" brei mboh cambaih bruk sáng tạo dalam pambuak pagam ánh sáng saong âm nhạc. Kapul Nam Phi ba mai ka urang mong iek kadha "Baoh langik hijao châu Phi”, ba urang mong iek mai haong dakrai sajarah taneh aia Nam Phi. Sa-ai Đặng Văn Quang, urang tuai mai meng bal Vinh, tỉnh Nghệ An ndom lac: Harei ini 2 kapul parang me-in cuh pháo bingu biak mekre. Ta-eng kapul Hoa Kỳ dahlak mong mboh mekre jang. Bruk parang me-in di kapul nan pambuak pagam không gian màu sắc saong lagam lagu biak njauk saong logic.)

# Pak bal Huế, tỉnh Thừa Thiên Huế bahrau peih pakak Festival Bruk ngak  meng kan Huế thun 2015. Danak dak peih pakak hu mboh ralo tiết mục nghệ thuật biak mekre ngan haong bruk hu mbaok di ralo nghệ sĩ daneiy angan, hoa hậu Việt Nam, người mẫu dalam khal ao hu jik pet di dom taneh aia yau Việt Nam, Thái Lan, Myanmar, Malaysia, Philippines... Festival Bruk ngak meng kan Huế rah tabiak meng harei 28/4 tal harei 3/5, ngan haong bruk hu mbaok di labaih 240 nghệ nhân mai meng labaih 40 cơ sở, palei ngak meng kan tiêu biểu dalam negar. 

# Nyaom darak pandap Việt Nam chất lượng glaong kayua Kapul nyaom Doanh nghiệp Pandap Việt Nam chất lượng glaong hu peih tabiak pak Sang pakacah Phú Thọ, quận 11, bal raya Hồ Chí Minh. Jeng dalam tukvak ini, Kapul nyaom Doanh nghiệp Pandap Việt Nam chất lượng glaong hu pok brei Kỷ niệm chương pok angan 10 doanh nghiệp hu ralo janih pandap pablei tame darak pasar dom taneh aia Đông Nam Á. Ong Nguyễn Cao Thượng, sa dalam 10 urang nong hu pok angan meng bruk ngak tabiak máy đa năng angaok laok hamu ndom lac: “Dalam tuk pasiam máy ka mikva urang nong ye mboh mikva khan lac bruk ngak hamu apuh yau pruh, xịt, drak…manuac urang ngak pah tuk hu, tuk oh nan ye oh samur haong tukvak, bo daok abih rilo jien padai. Meng nan, dahlak duah jalan ngak tabiak sa mac bo ngak hu ralo bruk brei ka mikva, oh pambak tal pren yava bo daok samu mùa vụ saong ba mai kein laba glaong, brei ka mikva urang nong mek tame ralo jien padai”).

# Pahadar 40  thun Harei peih paha gah meraong yasa taneh aia (30/4/1975 - 30/4/2015), Ủy ban bhap bani tỉnh Cà Mau bahrau peih Nyaom darak – Parang iek dom jak jeng  dalam bruk ngak mbang kinh tế,  xã hội tỉnh Cà Mau. Nyaom darak oh lac pabak ka bruk blei pandar di bhap bani puk palei saong tuai damuai dalam tukvak lễ thun ini bo daok lac baoh tatua pambuak bruk di urang ngak tabiak saong doanh nghiệp hu tuk taom gaok, pambuak bruk peih prong darak pasar pablei pandap panda, jlul pakhang bruk  jak ba "Urang Việt Nam brei padnar pandap Việt Nam".

 Khaw tin dunya:

# Urang vak di rayo sap ndom VN daok di Nhật Bản brei thau: Di Nhà Trắng, Thủ tướng Nhật Bản Xin-dô A-bê (Shinzo Abe) saong Tổng thống Mỹ Ô-ba-ma (Obama) bahrau ginum biai haong gauk dalam labaih 2 tuk. Tapa nan, 2 gah njauk gauk  brei patagk talei rohim praong di dunya tapa bruk brei ramik veik talei pambuak bruk quốc phòng di dua taneh ia. Dua urang dang akaok 2 taneh ia jeng sanya pambuak bruk khang kajap saong samar peih dom mbang ginum biai piah mbaoh tangin tame harak pambuak bruk xuyên Thái Bình Dương.

# 4 harei hadei di mbang megei baoh taneh di Nê-pan ngak ka yaok ribau urang metai, Liên hợp quốc bahrau brei thau, rajaei Nê-pan saong bhap bini dunya daok kham merat daong ka dom urang daok gar dalam sang jaleih saong daong ka dom urang gaok bala meng mbang megei baoh taneh nan. Urak ini, dom kapul cứu hộ daok gaok kan kandah gah hậu cần, gar jalan di mblang kapal haok saong dom jalan takai, kayua glut jaleih daok mbuan si rah tabiak. Urak ini sa sruh kapal haoh di danak dak lương thực dunya, ba tui rilo tấn pandap panda jeng oh ka par trun hu..

# Sa mbang jaleih taneh khang di tỉnh Bađăcsan (Badakhshan) gah Đông Bắc Apganixtan ngak ka 52 urang metai. Rajaei tỉnh Bađăcsan brei thau, bruk cứu hộ gaok rilo tavak tavaiy kayua labik gut jaleih di tỉnh ini urak ini daok me-om bak tuyết nan ye labik ini tok nao tal meng kapal haok trực thăng. Bađăcsan lac sa dalam dom tỉnh kathaot abih di Apganixtan. Labik ini bhian rah tabiak jaleih taneh di bilan xuân, tuk tuyết ralai./.