Khaw TIN 10h30 saong 14h30  harei  29 – 4

# Bair harei 28/4,  akaok taneh ia Trần Đại Quang hu var taom gaok Ban liên lạc urang dahlau deih ngak lin tình nguyện saong chuyên gia quân sự Việt Nam di Lào. Urang lin  tình nguyện Việt Nam hu mbaok di Lào meng thun 1949 tal tuk ngak blaoh bruk di thun 1987 hu labaih meteh triệu mbang bộ đội tapa daong bol bala saong bhapbini Lào dalam bruk mesruh metak, meblah mek độc lập. Hu jaik 40 ribau liệt sĩ ndih trun anh dũng, rilo urang hu pok meyaom anh hùng saong taduan mek dom pandap thưởng praong glaong di Đảng, karja Lào alin. Akaok taneh ia caong lac dom urang dahlau deih ngak lin tình nguyện meng hatung hatian saong trach nhiem di drei parabha dom bruk duah thau liệt sĩ, rik daong panuac , alamu piah pasiam talei pambuak bruk Việt –Lào.

/ Pahadar 130 thun harei dunya urang ngak 1/5, melam kabroi 28/4, di pasak papar sap negar 58 Quán Sứ, Hà Nội, Kênh papar binguk VOV peih danak dak “kadha daoh urang ngak” ngan saong kadha “menuac ngak haong bruk mbeik drei tame TPP”. Dalam danak dak, urang hu pang dom ragu daoh ka puk paga, palei negar, dom urang ngak VN. Tapa nan, mban peih ngak danak dak hu alin hadiah pandap saong jien, yaom yaok paok 5 triệu đồng ka 15 urang ngak gaok kan kandah, urang joh jo, urang ngak njauk bala tuk ngak bruk. Saai  Phạm Thị Bé, daok di Thanh Trì, Hà Nội njauk joh jo dua gah takai drut drui khan lac: “Dahlak mai ini taduan hu pandap, ini lac pren pachreih ba ka dahlak patui ngak bruk, diuk rai piah raong anek. Dahalak jeng caong khin dom tổ chức sangka jang gac tal dom urang gaok kan kandah yau dahlak”.

# Harei ini 29 -4, Ủy ban bhapbini tỉnh Đắc Nông pambuak bruk saong Cục khik piah karja bhum gah meraong Tây Nguyên alin 600 tấn brah daong bhapbini mbang eik giáp hạt saong tua riya thun 2016. Thun 2016 lac thun ka dua hamiet Đắc Nông gaok kan kandah kayua tua riya, lahik bilan, ngak ka raidiuk di yaok pluh rabau sang bhapbini gaok kan kandah, abih di nyu nan lac dom sang kathaot, bhapbini bangsa takik. Maong tame di tanut kan kandah kayua tua riya atau giáp hạt, yaok urang hu daong meng 15 tal 45 kg brah.

/ Harei 28/4, di ban Đà Nẵng, mintri công thương pambuak bruk saong gilang pariak patagok Châu á peih nyaom meyai brei thau ka drak saong sarak ba mbaun lagaih pablei salih daong ka doanh nghiệp xuất nhâp khẩu saong pajeng ba. Nyaom meyai piah brei dom doanh nghiệp thau  ka cơ chế, sarak dalam gah xuất nhập khẩu saong pajeng ba; dom salih barau pambuak tal harak gar nao mai di pabah mbang negar.

# Bruk ikan metai di dom tỉnh Bắc Trung bộ oh ka thau cambaih makna ngak ka rilo po raong hadang di tỉnh Quảng Trị jeng glaih glan, oh thei khing mek ia tasik piah ba tame danao raong hadang kayua huac kanda ia njaom jru mek, ngak metai hadang raong. Tỉnh Quảng Trị urak ini hu labaih 500 héc ta danao raong kaya ikan dalam ia, rilo jang lac raong hadang tapeng tasik saong tapeng kraong Bến Hải, sản lượng bình quân yaok thun jaik 11.000 tấn. Maong ye ia duh ka danao raong rilo lac mek di tasik saong dom kraong .

/ Ban sit Hội An, tỉnh Quảng Nam barau peih bruk truy điệu saong ba nao dar 25 hài cốt liệt sĩ barau duah mboh di phường Sơn Phong saong xã Cẩm Thanh. Dahlau nan, dalam tuk  rok móng ngak sang saong padang ngak labik thiết chế ilamu, bhap bini hu mboh ralo talang menuac saong khan ka karja palei. Tui dom urang mboh, ini lac talang di bộ đội drei metai di thun 1968 tuk taong mesruh di Cẩm Thanh. 

#  Piah raong ba bruk ngak, pasang duah dom dam dara naih joi, abih hatung hatai, Tỉnh ủy Bến Tre barau tabiak bruk “ gam saong gauk peih bruk” saong tabiak mbaok Hội đồng Tư vấn khởi nghiệp tỉnh. Danakdak piah medheih tagok hatai peih bruk, padang bruk di bhapbini, abih di nyu nan lac dom urang ranaih umo, ngak ka yaok urang yam tagok kathaot, ngak kaya meda. Bến Tre urak ini hu 2.900 doanh nghiệp daok ngak bruk, dalam nan labaih 95% lac doanh nghiệp gap saong sit; kadung jien karja mek tame labaih 1.800 tỷ đồng, dang mbang ka 10/13 tỉnh, ban bhum taneran kraong Cửu Long. Di tuk peih bruk, hu  17 doanh nghiệp daong 1,65 tỷ đồng ka kadung jien đầu tư khởi nghiệp:

Patui di ini dom khau tin dunya:

/ QH (hạ viện) Prang harei 28/4 brei tapa sarak ieu padeih dom lệnh trừng phạt di liên minh Châu Âu ngan saong Nga pambuak tal bruk khủng hoảng Ucraina.  Dalam 10 1 urang di QH hu mbaok tame buh phiếu, hu 55 urang khin klak lệnh trừng phạt, 44 urang khin trừng phạt saong 2 urang buh phiếu patih, dalam tuk tok hu 50 phiếu lac meda brei tapa sarak ini.

# Harei 28/4, Phó Tổng thống Mỹ Joe Biden (Giâu Bai-đơn) hu mbang ravang oh brei thau dahlau di Iraq. Ini lac mbang akaok mereip Phó Tổng thống Biden, urang dang ngak dom bruk Iraq di Nhà Trắng, hu mbang ravang taneyh ia Trung Đông ini luhria meng tuk Mỹ ba gauk tabiak bruk taneh ini meng thun 2011. Di sa mbang khan brei thau, Văn phòng Phó Tổng thống Biden brei thau,  ông Biden nao tal Iraq piah gaok dom urang taneh ia ini ginum biai dom bruk di bhapbini dunya meda peih ngak piah jhul pakhang bruk tani tanat kinh tế di Iraq saong talei pambuak bruk di khu vực.

 / Mintri QH Hàn Quốc barau brei thau, mesup harei 28/4 jaik 6 tuk 40minit, tui mong di HQ, công hòa dân chủ bhap bini TT peih bruk cuh iek tên lửa đạn đạo tầm trung. Min, bruk cuh iek tên lửa ini oh jeng tuk baoh tên lửa nyu laik dom giây hadei di tuk tabiak truh nệ phóng. Hãng tin Roi-tơ ba panuac sa urang ngak praong QP HQ brei thau, janih tên lửa hu cuh meda lac tên lửa Mu-xu-đan ngan saong tầm cuh tagok tal 3 ribau 500 km. Ini jeng lac janih tên lửa hu cuh iek di akaok bilan ini saong oh jeng./.