# Melam 28/9, pak Hà Nội, Trung ương kapul pachreih bac  Việt Nam, Kapul nyaom Truyền thông Negar Việt Nam, rayo papar binguk Việt Nam peih ngak danak dak “Pambuak seok caong khin, tapa kraong ribaong duah akhar” mbang ka 4 - thun 2014. Pak danak dak, Phaok Akaok negar Nguyễn Thị Doan hu pok brei ka 40 sinh viên bahrau sang kan kandah dom pok jien bac yaom 11 triệu đồng sa thun ka sa adei. Dom anek saih kathaot hu rai diuk kan kandah, anek saih jaoh jo pak dom tỉnh hu alin brei sổ tiết kiệm yaom 3 triệu đồng sa adei. 

# Harei 28/9, di tỉnh Quảng Nam, Thủ tướng Nguyễn Tấn Dũng hu mbaok di tuk peih bruk hợp long tatua Cửa Đại. Tatua Cửa Đại hu yaom jien buh tame ngak abih tih 3.450 tỷ đồng.. Tatua saong jalan tagok tatua atah labaih  18 km, dalam nan, tatua atah jaik 1 km meteh, nao tapa kraong Thu Bồn, pagam ban klak Hoi An saong dom huyen Duy Xuyên, Thăng Bình, lac sa jalan pambuak pagam dom canah jalan tapen tasik negar. Tui kuhria tatua Cửa Đại brei radaih peih tapa iek di bilan 3/2015 . Thủ tướng Nguyễn Tấn Dũng caong khin  tỉnh Quảng Nam saong dom labik pambuak tal peih ngak danakdak njauk tukvak, khik caga chat luong, samal ngak blaoh blai saong ba cong trinh tame pandar.

# Piah pacang caga bruk kathaot veik dalam bhum urang bangsa takik, urak ini tỉnh Gia Lai daok pataom tame rami ramik veik bruk ngak nong di yaok labik dalam bhum, piah peih ngak siam bruk "patruh eik patrun kathaot" khang kajap. Hu thau, kuhria rah tapa yaok thun tỉnh ini trun baoh sang kathaot meng 3-4% (jaik 8.000 - 9.000 hộ), yau nan min, baoh sang kathaot veik dalam tỉnh yaok thun tagok labaih 7% dalam taong abih baoh sang tabiak truh kathaot.

# Di Quảng Trị urak ini hu 4 chủng ký sinh trùng ruak liar daom. Urak ini, jien daong meng mintri y te tok ginup hu 50% bruk pacang cagh ruak li an daom. Nan ye biak mbuan si patuh ruak li an daom di tinh Quang Tri.. Gah y te tinh Quang Tri daok patagok bruk  pasang iek dich te saong peih bruk pruh hoa chat, brei paning ka bhapbini.

# Pak bal Kon Tum, Ban liên lạc Hội truyền thống Trường Sơn jalan Hồ Chí Minh tỉnh Kon Tumvừa bahrau peih bruk jao brei 8 baoh sang ranam ka dom hội viên hu rai diuk kan kandah ka sang daok. 8 baoh sang anit ranam yaok baoh prong meng 60 mét vuông tagok yaom yaok baoh labaih 70 triệu đồng, dalam nan 50 triệu đồng meng kadung jien Thiện Tâm kayua Kapul nyaom VINGROUP daong brei, 20 triệu đồng kayua dom baoh sang dom hội viên rik daong.  

# Urak ini, dalam taneh ia drei hu jaik 33.600 ha phun thanh long, pala rilo di tinh Bình Thuận,  Long An  saong Tiền Giang, dalam nan  18.000 ha phun thanh long gaok ruak đốm nâu, janih ruak ini oh hu jru pasiam, ngak trun takik nang suat, chat luong baok thanh long. Yau nan ye, piah khik caga bein phun thanh long, urang ngak beir njauk salih quy trinh pala. Tien sy Hồ Văn Chiến, akaok pasak khik caga phun pala gah Meraong (Cục khi caga phun pala hu panuac lac:  Phun thanh long mikva ngak nogn njauk pagam  pambak tame bruk pala.. Kol drei njauk tagok  ro glaong piah pala, buh khak anek athur, khak NPK saong khak vi luong piah phun thanh long tamuh gha siam, phun hu pren pacang ruak; dua tra lac dom phun thanh longram rap, mikva njauk cakak klak dom talei ala, kayua talei ala oh brei baok bo ngak tabiak do am glaong. Mikva pala barau di puac bilan hajan lac nyu tabiak tuot di akaok bilan pandiak takik gaok njaom ruak jang.

# Tukvak pahadar 23 thun Harei urang taha umo (1/10/1991 – 1/10/2014),  tỉnh Bến Tre hu buh tabiak labaih 2 tỷ đồng meng kadung jien piah alin brei pandap tadhau yuh ka dom urang taha. Tui umo meng 70 tal labaih 100 thun bo dom urang taha hu alin brei sa pok pandap yaom meng 100 tibau đồng tal 500 ribau đồng. Dalam tỉnh urak ini hu labaih 148.500 urang taha umo, meblah labaih 10% taong abih bhap bani. 

Khaw tin dunya

# Harei 28-9, hu veik jaik 550 cảnh sát, lính cứu hỏa saong dom  binh sĩ di kapul phòng vệ Nhật Bản pataom tame bruk daong di gah kreh negar hadei tuk ceik apui Ôn-ta-kê (Ontake) nyu pruh di jala harei 27-9. Đài NHK Nhật Bàn brei thau, 7 urang jeng daok bat tinh saong labaih 40 urang bi thuong hadei tuk ceik apui Ôn-ta-kê pruh.

# Urang dang akaok bộ binh I-ran, tướng Rê-da Bo-stan (Ahmad Reza Bordstan) bahrau brei panuac lac, negar ini meda peih dom mbang  taong tame kapul nyaom Karja Hồi giáo tự xưng (IS), meyah kapul ini yam tal jaik tapen negar I-ran. Karja Hồi giáo tự xưng (IS) urak ini daok peih prong  pren khang di drei pak 5 tỉnh di I-rắc, dalam nan hu tỉnh Di-a-la (Diala) jaik taphia haong I-ran.

# Tui kuhria mboh bharau di abih di gah Y tế dunya (WHO) , dom urang metai kayua vi-rút Ê-bô-la hu tapa 3 rabau urang, meblah jaik sa meteh dalam abih tih labaih 6 rabau 500 urang njaom ruak di 5 taneh ia Tay Phi. Li-bê-ri-a jeng lac taneh ia gaok trak abih, hu 1 rabau 830 urang metai. Urak ini, tỷ lệ menuac metai kayua vi-rút Ê-bô-la lac 70%./.