# Patui mbang nyaom ka 10, Quốc hội mbang 13, page ini  Quốc hội pang Akaok Mentri nội vụ Nguyễn Thái Bình, tui ủy quyền di Thủ tướng Raja-ei pathau khan ka dự án Hukum tín ngưỡng, agama; pang Phaok Thủ tướng Raja-ei, Akaok Mentri Bộ ngoại giao Phạm Bình Minh, tui ủy quyền di Thủ tướng Raja-ei pathau khan ka dự án Hukum mboh tangin, tame saong peih ngak adat hukum dunya (pasiam veik) saong pang dom harak pathau khan pasang iek gilac ka dua dự án hukum ini. Biar harei Quốc hội ginum biai pak tổ ka Dự án Hukum thuế pablei tabiak negar langiu, thuế blei tame meng negar langiu (pasiam veik); Dự án Hukum pasiam veik, pabak dom paka di Hukum thuế giá trị gia tăng, Luật thuế tiêu thụ đặc biệt saong Hukum khik iek thuế.

# Harei 28/10, javap calei panuac tangi sua di urang vak caong brei thau phản ứng di Việt Nam anak bruk Trung Quốc lac ngak blaoh dua ngọn hải đăng di pulao Duy Mộng saong patau Hải Sâm di cụm Lưỡi Liềm, pulao Hoàng Sa di Việt Nam, urang brei panuac di mintri Ngoại giao Việt Nam Lê Hải Bình ndom lac: Kol dahlak hu rilo mbang tah klak bruk ieu lac “ban Tam Sa’. Bruk ieu lac “karja ban Tam Sa’ tabiak panuac lac ngak bloh dua ngọn hải đăng di dom pulao, patau daok di pulao Hoàng Sa di Việt Nam daok lac bruk ngak meblah trak chủ quyền di Việt Nam di pulao kaoh Hoàng Sa; ngak suan trak adat hukum dunya. Sa mbang tra kol dahlak pandar Trung Quốc tôn trọng chủ quyền di Việt Nam, tôn trọng hukum dunya, ngak tui DOC saong padheih samal dom bruk ngak suan anagok. 

# Harei 28/10, pak tỉnh Đắc Lắc Kapul nyaom Cà phê Ca cao Việt Nam pambuak haong Viện Khoa học Kỹ thuật Nông Lâm nghiệp Tây Nguyên peih ngak nyaom biai pataom iek veik baoh jeng siam mekre bruk daong pajaih  cà phê vối lai TRS1 brei pasiam veik cà phê tại Tây Nguyên, vaktu 2011-2015. Dalam 5 thun tapa, Kapul nyaom Cà Phê Ca cao Việt Nam hu daong brei 21 tấn asal pajaih cà phê (TRS1) saong labaih 510 ribau phun pajaih ka urang pala cà phê pak Tây Nguyên, piah pasiam veik jaik 22 ribau ha. Pajaih phun daong brei ka mikva mek hu tỷ lệ diuk jaik taong abih, phun cakrok siam, năng suất glaong jaik 4-6 tấn asal 1 ha. Tiến sỹ Lê Ngọc Báu Akaok Viện Khoa học Kỹ thuật Nông Lâm nghiệp Tây brei thau: “Dalam bruk pala cà phê, ilamu ngak tabiak phun anek dalam bein pabam nan lac sa dalam dom ilamu tương đối phức tạp. Urang nong pabam dua klau rituh phun nan ye mikva oh sangka tal, oh buh ralo pren yava piah iek glang nan ye bruk phân công xã hội hu dom urang chuyên pabam iek glang phun anek dalam bein pabam piah pablei tabiak phun pajaih siam, daok urang nong ye mong iek bein cà phê di drei ye siam jang”.

# Ủy ban bhapbini tỉnh Ninh Thuận barau peih nyaom biai pataom iek veik 10 thun ngak tui Chỉ thị ka 06/2004/CT-TTg di Thủ tướng sajaei ka bruk daok jhul pakhang patagok kinh tế-xã hội, khik caga an ninh-trật tự di bhum bhapbini Chăm tukvak 2004-2015. Tapa 10 thun ngak tui Chỉ thị ka 06,  raidiuk saong haati di bhapbini Cam dak harei dak paglaong. Di tukvak tal, dom pakat, dom nganh patagok jhul danakdak padang ngak palei pala barau dom xa bhum bhapbini Cam. Dak padang urang jakar lac urang Cam hu phẩm chất đạo đức  saong năng lực khik ramik….

# Hadei di tuk nao pasang iek tapak saong duah thau bruk an ninh trật tự angaok pulao Phú Quốc,  Trung tướng Bùi Văn Thành, Thứ trưởng Bộ Công an bahrau tacei pato lực lượng công an angaok huyện pulao patagok bruk khik iek hành chính, peih dom mbang nao pagui cap mek, mesruh metak pacang caga dom kaol kanjah jhak, tệ nạn xã hội, ngak brei grap tanat an ninh  trật tự.

# Harei kabroi 28-10), di huyện Thới Lai,  Ủy ban Mặt trận negar ban sit Cần Thơ  peih bruk padang ngak 50 baok sang jum pataom, dom baok sang ini kayua gilang pariak Agribank dhar Cần Thơ daong ka sang kathaot di dom  quận huyện ban sit Cần Thơ dalam abih tih 180 baok sang hu dak padang mbang ini. Tui nan, huyện Thới Lai tadun mek hu 50 baok, dom baok sang daok veik hu parabha nao ka dom quận, huyện daok veik ye : Quận Cái Răng, huyện Cờ Đỏ, Vĩnh Thạnh, Phong Điền. 

# Bhap bani Khmer pak dom phum sóc dalam tỉnh Sóc Trăng bahrau peih ngak lễ hội Lôi Protip – palao gom aia (atau palao hoa đăng).  Ini lac lễ hội meng kan mai hu peih ngak yaok thun di bhap bani. Tui bhap bani Khmer lễ hội nan lac bruk bayar dhal phol di anek manuac brei ka Yang taneh riya (Preah Thorani) saong Yang aia (Preah Kong Kea). Hadei di dom mbang nao vil taom dhal phum, sóc, baoh Protip hu palao trun angaok kraong, ribaong dalam bhum. Langiu di yếu tố tâm linh, lễ hội Lôi Protip di bhap bani Khmer daok caik pato pakai anek manuac diuk rai daok dang ka nyu siam gheih haong langik tasik, ndua dhal phol bruk pok brei di langik tasik, saong thau khik caga langik tasik dalam rai diuk bhian harei.

Khaw tin dunya

# Cảnh sát In-đô-nê-xi-a harei kabroi brei thau, hu rah tabiak mbang glut mỏ ameh suan hukum di tỉnh Tây Gia-va, daok di In-đô-nê-xi-a harei 27/ 10, ngak ka 12 thợ mỏ metai. Javap calei urang vak báo Tân hoa xã, (Trung Quốc), ông Pra-na Xi-git (Udjwala Prana Sigit), urang dang akaok kapul cảnh sát tỉnh Tây Gia-va brei thau, bruk roh duah ameh kurang an toàn lac makna praong ba tal mbang glut mỏ ameh di bhum ceik Pôn-gô (Pongor) di palei Ban-ta Ka-rét (Bantar Karet), di huyện Bô-gô (Bogor).

# Thủ tướng Italia Mát-tê-ô Ren-zi (Matteo Renzi) harei kabroi (28/10) hu mbaok tame sa diễn đàn doanh nghiệp Italia saong Cuba pak bal ine La Habana, Cuba, labik padeih takai puac abih di ong dalam mbang nao rivang dom negar Mỹ La-tinh saong Ca-ri-bê. Gam nao haong ong Ren-zi daok hu 60 doanh nghiệp saong doanh nhân Italia piah duah cơ hội pambuak bruk haong Cuba. Dalam mbang nao rivang sa harei tal Cuba ini, ong Ren-zi  jeng hu mbang taom gaok haong dom urang pal akaok pakat glaong di Cuba, dalam nan hu Akaok negar Cuba Ra-un Ca-xtơ-rô (Raul Castro) piah jhul patagok talei pambuak bruk di Cuba saong Italia.

# Bruk di Áp-ga-ni-xtan saong rilo bhum di Trung Đông daok ba tabiak dak harei dak rilo kan kandah ka dom taneh ia Trung Á. Ini lac nhận định di Tổng thống Nga Pu-tin (Vladimir Putin) di mbang taom gaok saong urang dang akaok gah An ninh saong Tình báo dom taneh ia thành viên Cộng đồng dom taneh ia  Độc lập (SNG) rah tabiak harei kabroi (28/10). Tui quan điểm di Nga, dom taneh ia di bhum Trung Á ye Cư-rư-gư-xtan, U-dơ-bê-ki-xtan, Ca-da-khơ-xtan, Ta-di-kít-xtan saong Tuốc-mê-ni-xtan hu maong lac bruk khik caga tamat caga oh brei ka dom phiến quân Hồi giáo taong tame Nga./.