# Harei kabroi (28/1), bruk tamat Nyaom roya pakat negar mbang ka XII Đảng Cộng sản Việt Nam hu peih ngak dalam prong prang pak Pasak Nyaom biai negar (Hà Nội). Nyaom roya peih tabiak meng harei 20 tal harei 28/1/2016 ngan haong bruk hu mbaok di 1.510 urang, lambaok ka labaih 4,5 triệu đảng viên dalam negar. Ong Nguyễn Phú Trọng hu pok ngak Tổng Bí thư Ban Chấp hành Trung ương Đảng Cộng sản Việt Nam khóa XII.

# Melam kabroi 28/1 di HN, mban Tuyên giáo TƯ, jabat ngak bruk TƯ Đảng, mintri ilamu thể thao saong du lịch hu peih danak dak dạ hội salam uan jak jeng nyaom roya pakat negar mbang ka 12 di Đảng. Tổng Bí thư Nguyễn Phú Trọng saong urang dang akaok dom mban, bộ ngành TƯ mai hu mbaok. Jaik 1 ribau 500 diễn viên, nghệ sĩ mai hu mbaok daoh dom kadha daoh pok meyaom Đảng, Wa Hồ, brei mboh hatai jia di bhap bini tame bruk tacei ba di Đảng Cộng sản VN.

#  Gam haong bhap bani dalam negar, bhap bani Kiên Giang tuk halei jeng tui iek diễn biến di nyaom roya dalam luac 9 harei rah tabiak Nyaom roya. Mikva mboh biak jia tame bruk pal akaok di ba jalan di Đảng. Lac sa urang 70 thun tui cách mạng, jaik 60 thun tui Đảng, ong Dương Thế Sung pak khu phố I phường An Hoà bal Rạch Giá lac: Nyaom roya Đảng cộng sản Việt Nam mbang ka 12  pilih ruah hu urang biak njauk, biak siam ka Ban Chấp hành. Dahlak biak njauk hatai saong jia lac Đảng drei hu prong tagok, manuac urang thừa kế urak ini hu ilamo khoa học kỹ thuật, quan hệ dunya siam saong daok ranaih. Dahlak jia lac Đảng peih ngak hu mục tiêu puac abih di bangsa nan lac độc lập, tự do saong hạnh phúc, bhap bani kaya meda, dak padang xã hội chủ nghĩa.

# Tapa tui iek angaok báo, rayo papar sap, papar binguk, ralo bhap bini daok di tỉnh An Giang biak chreih chrai anak bruk jak jeng di nyaom roya Đảng mbang ka XII. Urang dalam nyom roya brei mboh trách nhiệm glaong di drei dalam bruk taong yaom, palih ruah hu dom menuac urang hadah krah ka yaok gah di Đảng, sanya jalan patagok barau di taneh ia dalam dom thun patui. Saai Trần Minh Thanh daok di ban Long Xuyên, tỉnh An Giang brei thau: “Kol dahlak caong khin dom urang dang akaok barau ini hu ba tabiak dom jalan ngak praong, jalan ngak njauk piah daong taneh ia patagok dak harei dak khang kajap saong hu labik dang glaong jang dalam dunya. Bruk kol dahlak caong khin nan lac hu sarak pato megru siam jang gac. Kayua ini lac bruk hu iek praong dang akaok di taneh ia. Pato megru njauk hu daong ka taneh ia dak harei dak patagok. Taphia di nan, daok caong tame dom jalan ngak praong ka an sinh XH.

# Meng thun 2011 tal thun 2015, danak dak patagok kinh tế - xã hội dom xã biak kan kandah bhum urang bangsa takik saong bhum ceik (iew lac danak dak 135) hu peih ngak pak 10 xã saong 21 palei dalam tỉnh Bình Thuận. labaih 9.000 baoh sang dalam nan hu labaih 7.800 baoh sang urang bangsa takik mbng tui sarak ini. Tal ini, bruk ngak mbang ngak huak, kinh tế - xã hội di dom xã bhum ceik, bhum glaong, bhum urang bangsa takik dalam tỉnh hu salih bahrau hu mboh di anak meta.

# 5 thun tapa, tỉnh Quảng Bình pataom  tame ngak “danak dak bruk ngak pakat negar padang ngak palei pala barau” saong yaom jien abih tih labaih 2.700 tỷ đồng. Tal urak ini, dalam tỉnh hu 28 xã mek hu tanut chuẩn palei pala barau. Tukvak 2016 – 2020, tỉnh kham merat hu takik di abih 40 xã saong 2 huyện ngak salah bloh danak dak ini ngan saong yaom jien abih tih  labaih 6.670 tỷ đồng.

# Piah pacang cakak saong patui veik pacang caga hu siam jit ruak viêm jalan suak yava Trung Đông kayua vi rút Corona (MER – CoV) nyaom mbak tame negar drei, Cục Y tế dự phòng hu pandar dom Viện Vệ sinh dịch tễ, Pasteur patagok bruk pasang iek trường hợp nghi ngờ njauk ruak; mek mẫu xét nghiệm pak dom labik giám sát cúm piah samar duah mboh jit ruak; taphia di nan sẵn sàng daong ka dom puk palei pacang cakak jit MER – CoV meyah rah tabiak jit.

Patui di ini dom khau tin dunya:

# Harei kabroi 28/1, dom hãng truyền thông taneh ia langiu hu brei thau saong taong yaom glaong bruk jak jeng di nyaom roya pakat negar mbang ka 12 di Đảng Cộng sản VN

#  Hãng tin Al Jazeera ba tin, Nyaom roya pakat negar mbang ka 12 di Đảng Cộng sản Việt Nam hu tamat dalam siam mekre ngan haong bruk patui veik hu pok ong Nguyễn Phú Trọng ngak Tổng Bí thư. Kết quả ini hub brei mboh quy tắc nhất trí dalam Đảng.

# Hãng Tân hoa xã di TQ brei thau kết quả  di nyaom roya Đảng mbang ka 12 saong ba panuac Tổng Bí thư Nguyễn Phú Trọng ndom lac, nyaom roya Đảng mbang ini hu brei mboh bruk jum pataom saong bruk kiên định di tổ chức Đảng, karja saong bol bala. Bruk ngak ini jeng jhul pakhang bruk dak padang Đảng hacih saat, khang kajap, jeng yau hệ thống chính trị khang kajap di VN.

 #  Dom hãng tin prong yau AFP di Pháp saong hãng tin Reuter di  Anh jeng hu ba thong tin peih talaih Nyaom roya pakat negar mbang ka 12 di Đảng Cộng sản Việt Nam. Hãng tin Reuter hu ba panuac ndom di Tổng bí thư Nguyễn Phú Trọng tamat Nyaom roya mbang ka 12, dalam nan khang panuac lac: “Mục tiêu di Nyaom roya Đảng nan lac bhap bani kaya meda, taneh aia khang kajap, dân chủ, văn minh, samar ba Việt Nam jeng sa taneh aia công nghiệp tui jalan hiện đại.”.

# Gah y tế dunya brei thau hu peih mbang nyaom chip di harei ½ tal piah ginum meyai ka “bruk njom mbak tamuh tabiak” di virut Zika, janih virut njom mbak tapa jamuok saong meda ngak dị tật di anek kaman. Gam harei, urang ngak praong Prang hu ieu dom urang kamei metian oh nao tal dom taneh ia di khu vực Nam Mỹ saong Caribe hadei di tuk dom taneh ia châu Âu brei thau hu urang ruak njom janih virut nguy hiểm ini. Virut Zika njom mbak tapa trung gian pambak ruak nan lac jamuok Aedes. Urak ini oh ka hu vaccine pacang cakak virus Zika./.