# Pahadar 70 thun Cách mạng bilan 8 saong harei negar 2-9,  pak Hà Nội rah tabiak danak dak daoh tamia “Pandap alin tukvak ka 2” hu angan “Việt Nam palei negar dahlak”. Danak dak daoh tamia “Việt Nam palei negar dahlak” hu dom kadha daoh biak bingi pang yau: Palei dahlak (Làng tôi), Lên ngàn, Dom urang kamei bhum taneran kraong Cửu Long,  Urang ndik gilai angaok kraong Poko… pok menyaom urang Việt Nam hu rik daong pren yava, rilo darah, van klak rup drei piah padang sa Việt Nam sron mbon, yasa. Dalam dandak dak hu thoại kịch pambuak haong trình diễn đương đại, daong ka urang mong iek mboh hu tính văn học saong nghệ thuật tuk mong iek.

# Di HN,mintri CA song mintri pato megru peih bruk mbaoh tangin tame harak pambuak bruk tacei pato khik caga an ninh negar, khik kajap trật tự an toàn xã hội, mesruh pacang khol ngak suan adat hukum dalam gah pato megru. Tui nan, dom gah chức năng di 2 mintri daok padang ngak dom jalan piah peih ngak hu siam harak pambuak bruk nan, rik dong prong ka bruk pato pakai urang ngak hu chất lượng glong.

# Pak Hà Nội, Bộ Tư lệnh Bộ đội Biên phòng hu peih Nyaom pakacah urang pathau khan naih jioy thun 2015, hu mbaok 66 thí sinh xuất sắc mai meng dom mbang pakacah pak cơ sở dalam gah Bộ đội biên phòng. Dom urang pathau khan hu mbaok tame thuyết trình dom kadha: Kinh tế - xã hội; quốc phòng - an ninh; bruk đối ngoại; bruk bac megru saong ngak tui jalan hadah krah siam mekre di Hồ Chí Minh saong peih bruk dak padang Đảng .

# Meng akaok thun tal ni, dalam negar pachreih hu labaih 13 tỷ 330 triệu đôla Mỹ phun jien negar lingiu buh tame ngak mbang, rilo jang 30%, phun jien peih brei dahlau hu 8 tỷ meteh đo la Mỹ, rilo jang 7,6% dut song tuk vak ni thun dahlau. Meng dom kham merat pasiam veik bruk đầu tư, abih di nyu nan lac bruk tabiak rai di hukum đầu tư (pasiam veik) song hukum DN (pasiam veik), bruk đầu tư di VN dok mbuan lagaih jang, pachreih urang jang. 

# hadei di 5 thun peih ngak danak dak pakat negar padang ngak palei pala bahrau, tal ini taong abih xã dalam tỉnh  Quảng Ngãi hu ngak blaoh quy hoạch tổng thể padang ngak palei pala bahrau. Piah ngak hu bruk padang ngak palei pala bahrau tukvak 2016- 2020, tỉnh Quảng Ngãi daok tacei pato dom puk palei pataom tame peih ngak Đề án rami ramik veik gah ngak nong di tỉnh tui jalan paglaong giá trị gia tăng saong patagok khang kajap.

# Di ban sit Hội AN tỉnh Quảng Nam, 300 chư tăng ni, phật tử di mBan Trị sự Giáo hội Phật giáo ban sit Hội An song yaok rituh bhap bini, tuai damuai hu mbaok dalam ““ Hội hoa đăng- Báo hiếu thun 2015”.  Dom chư tăng ni, phật tử meng dom baha, tịnh xá … hu mbaok tame dom bruk yau “Phóng sanh, phóng đăng”, likau ka taneh ia siam mekre, bhap bini salamat. Melam pataom nan dok hu dom danak dak yau “Bông hồng cài áo”, taom gaok ndom nyai nao mai song dom urang anek slut mbut naih gheih, alin pandap ka dom amaik taha song dom amaik VNAH.

#  Huyện palei pala bahrau Phước Long, tỉnh Bạc Liêu bahrau peih bruk brei ka radaih nao mai angaok 10 baoh tatua bê tông cốt thép kayua Kapul urang quốc hội tỉnh Bạc Liêu jak ba Liên doanh Việt – Nga Vietsovpetro daong ngak. Tatua prong 2,8 mét, naong trak labaih 3 tấn. Taong abih phun jien padang ngak 10 baoh tatua labaih 4 tỷ meteh, dalam nan Liên doanh Việt – Nga Vietsovpetro daong 3 tỷ đồng. Phước Long nan lac sa dalam 5 huyện dalam negar hu mBan tacei pato Trung ương palih ruah ngak iek bruk padang ngak palei pala bahrau vaktu 2010- 2015../.