# Tui pasak Dự báo Khí tượng Thủy văn Trung ương, dalam dom harei 30 saong 31/12 hu sa mbang ribuk tuh tame labik gah meraong Philippin saong hu angan iew dunya lac Jangmi, hu angin biak khang, yaok tuk ribuk nao hu jaik 10 tal 15 km. Piah pacang caga, Văn phòng thường trực Ban Tacei pato pacang caga ribuk aia sua Trung ương - Ủy ban pakat negar dong duah urang njauk bala pandar Ban tacei pato pacang caga ribuk aia sua saong daong duah urang njauk bala dom tỉnh, bal; dom Mentri, ngành khan brei ka dom po gilai daok taong mek ikan angaok tasik thau ka labik ribuk, jalan nao di ribuk piah pacang, plaih saong ramik veik jalan nao taong mek ikan di drei piah khik hu siam mekre. 

# Di Hà Nội, Tổng Bí thư Nguyễn Phú Trọng, akaok mban tacei pato Trung ương ka pacang caga tham nhũng hu pan akaok mbang nyaom yaka 6 di mban tacei pato ka bruk ngak hu dalam pacang caga tham nhung thun 2014; bruk ngak di thun 2015. Tong bi thu caong lac, thun 2015 njauk padang hu jalan nao barau dalam bruk pacang caga tham nhung. Tong bi thu caong lac, meng trach nhiem trak, yaok urang dalam mban tacei pato njauk kham merat ngak khang jang piah thun 2015 bruk pacang caga tham nhung hu siam mekre jang.

# Harei kabroi (29/12), raja-ei peih nyaom biai tapak haong urang dang akaok 63 tỉnh, bal di trung ương dalam negar piah peih ngak bruk patagok kinh tế xã hội saong kuhria caga kadung jien karja thun 2015. Tui jalan taduan mek panuac di dom tỉnh, bal, Raja-ei brei ramik ngak pasiam saong samar patabiak sarak ka dom jalan ngak praong piah tacei pato peih ngak danak dak patagok kinh tế -  xã hội saong kuhria caga kadung jien karja thun  2015. 

# Hadei di 3 harei kham merat ngak bruk, pagaiy harei kabroi 29/12, di HN, nyaom roya Hội Liên hiệp dam dara Việt Nam mbang ka 7 rah tabiak var nyom praong prang saong salah bloh. Nyaom roya tabiak mbaok Ủy mban Trung ương Hội Liên hiệp dam dara Việt Nam mbang VII, tukvak 2014-2019 ngan saong 157 urang. Ủy ban Trung ương Hội Liên hiệp dam dara Việt Nam hu hiệp thương, pilih ruah Đoàn Chủ tịch Ủy ban Trung ương Hội Liên hiệp dam dara Việt Nam mbang VII hu 22 urang.

# Biar harei kabroi (29/12), Bí thư Thành ủy bal raya Hồ Chí Minh Lê Thanh Hải hu taom gaok haong urang bahrau mai ngak Đại sứ Hoa Kỳ Theodore G. Osius mai salam tuk taduan mek nhiệm kỳ bahrau pak Việt Nam. Đại sứ bahrau di Hoa Kỳ Theodore G. Osius hu panuac ndua dhal phol bruk taduan raok biak abih hatai di urang dang akaok bal raya. Ong Theodore G. Osius brei thau taphia di gah y tế, pato megru, ilamu saong công nghệ, Hoa Kỳ caong khin pambuak bruk haong Việt Nam dalam gah hàng hải saong hạ tầng giao thông.

# Urak ini, dalam tỉnh Bình Định quy hoạch blaoh jaik 270 mblang hamu praong pala padai, ritak lo, bei plom..di angaok mblang taneh praong abih tih labaih 8.600 hecta ngan saong bruk hu mbaok di yaok pluh rabau urang nong. Ông Ngô Đình Ba, akaok jabat ngak nong saong patagok palei pala huyện Phù Mỹ, tỉnh Bình Định brei thau: piah paglaong kein laba bruk peih ngak mblang hamu mau praong di thun 2014 ye thun 2015, huyen daok tacei pato mikva urang nong peih ngak rilo jang dom mblang hamu mau saong mblang hamu mau praong. Tui bruk ba tabiak, meda peih ngak 13 mblang hamu mau praongkai phun padei, ngan saong taneh pala abih tih 900 ha saong ka phun ritak lo meda ngak 2 mbalng hamu praong, phun bei plom kham merat peih ngak 3 mblang hamu plraong, saong atneh pala 110 ha.

# Thun ini, tỉnh Thái Bình peih tabiak 8 labik điều trị Methadone,  jeng tỉnh ba akaok dalam negar ka tỷ lệ dom huyện, bal peih ngak danak dak ini. Dom labik điều trị ka jaik 1.100 urang njuk jru phien ma túy, ba mai siam mekre ka rahra. Urak ini, dalam tỉnh Thái Bình hu jaik 3.600 urang njaom HIV/AIDS saong daok mboh yau dang veik. Manuac urang njauk ruak hu điều trị meng jru ARV mboh hu rilo jang dut haong tukvak ini thun dahlau.

    Khaw tin dunya

# Mbang nyaom Quốc hội Lào thường kỳ mbang yaka 8, khóa 7, hu  jak jeng siam mekre hadei di 14 harei rah tabiak. Dom bruk praong ba tabiak QH mbang ini jeng hu dom urang jakar roh duah tani tanat, ginum biai rilo jang saong dom Sarak di QH jeng hu dom urang jakar njauk hatai gauk brei tabiak. Hu rilo panuac brei kaharak pathau khan di rajaei ka bruk peih ngak sarak pachreih ngak tabiak pandap panda; taphia nan hu panuac caong rajaei tacei pato veik saong pachreih dom mintri, nganh pambuak tal njauk peih ngak sarak hu ba tabiak dalam mbang nyaom QH ini.

# Jhul pakhang bruk padang sang bac ka anek kamuan urang Việt nan lac sa dalam dom bruk ngak prong hu ba tabiak pak Nyaom biai pataom iek veik bruk ngak thun 2014 di Tổng hội Urang Campuchia asal Việt Nam bahrau rah tabiak harei kabroi (29/12) pak bal ine Phnôm Pênh – negar Campuchia. Meng hatai anit ranam gauk, daong ba gauk, dalam thun 2014, dom tỉnh Long An, Đồng Tháp, Đồng Nai, Tây Ninh, bal raya Hồ Chí Minh, Đại sứ quán negar drei saong dom urang ngak pahla hu rik daong jien padai jaik 10 tỷ đồng padang ngak hu 4 sang bac ka anek saih Việt kiều pak bal ine Phnôm Pênh saong dom tỉnh jaik taphia.

# Tổng thống In-đô-nê-xi-a Giô-cô Uy-đô-đô (Joko Widodo) harei kabroi 29/12) caong bruk kiên nhẫn meng dom sang hu gauk gar nao sruh kapal ahaok lahik hu angan QZ-8501 di hãng kapal ahaok E-ây-di-ờ (Air Asia), saong hu panuac sanya peih ngak abih jalan piah duah sruh kapal ahaok ini. Pambuak tal bruk duah, Tổng thống Uy-đô-đô brei thau, dom taneh ia Hàn Quốc, Malaixia, Xinhgapo, Ôx-trây-li-a meda daong In-đô-nê-xi-a peih bruk nao dauh./.