# Nyaom biai Kapul nyaom dom Tổng Thư ký Nghị viện (ASGP) bahrau peih tabiak di Pasak Nyaom biai negar (di Hà Nội). Bruk dang tabiak peih Nyaom biai ini brei mboh takai yam biak prong di Quốc hội Việt Nam dalam tukvak mbeik drei yam tame dunya. Hukum negar thun 2013 hu brei tapa, meda jhul patagok taong abih gah bruk salih bahrau di VN.

# Di Phủ Chủ tịch, akaok taneh ia Trương Tấn Sang hu taduan raok Chủ tịch Hạ viện Cộng hòa Kazackhstan, Zhakupov Kabibolla Kabenovich daok hu mbang ravang Việt Nam saong hu mbaok tame Đại hội đồng Liên minh Nghị viện pakat dunya IPU 132 hu peih ngak di Hà Nội. Akaok Hạ viện Kazackhstan ndom lac bruk peih ngak nyaom roya IPU 132 jak jeng ngan saong bruk hu mbaok di labaih 160 taneh ia hu rik daong paglaong labik dang di Việt Nam angaok dunya.  Ini lac jalan mbuan lagaih piah jhul pakhang talei pambuak bruk kinh te pablei salih saong dau tu di dua taneh ia saong dua khu vực.

# Lambaok ka urang dang akaok Đảng, Karja saong raja-ei Việt Nam, Thủ tướng Nguyễn Tấn Dũng hu nao tal Xinh-ga-po hu mbaok dalam Lễ truy điệu saong ndam metai pakat negar ong Lý Quang Diệu, urang dahlau diah ngak Thủ tướng Xinh-ga-po.  Hadei di Lễ truy điệu saong ndam metai, Thủ tướng Nguyễn Tấn Dũng hu taom gaok katut haong Tổng thống Xinh-ga-po Tô-ni Tan, urang dang akaok ralo taneh aia ASEAN saong dom negar karei hu hu mbaok dalam ndam metai.

# Kayua pandiak bhang tua riya, meng bilan Hè Thu thun 2014 tal ini, bhapbini Raglai di huyện bhum ceik Bác Ái –tỉnh Ninh Thuận oh hu ia piah pala drak. Raidiuk di dom sang kan kathaot saong jaik si kan kathaot gaok rilo kan kandah. Angaok bruk nan, langiu bruk daong tani tanat raidiuk ka mikva, huyện Bác Ái hu samal taduan mek brak daong di rajaei saong brei ka bhapbini, oh caik ka sang halei eik lipa. Saai Pi Năng Thị Tuyết - xã Phước Thành, huyện Bác Ái-Ninh Thuận barau taduan mek hu brah daong ndom lac: Thun ini mikva ngak mbang biak kan kandah, meng hu karja daong brah, mikva drei ndua dhar phuan karja hu daong, thau dhar phuan biak rilo.

# Anak bruk kurang aia biak khang dalam bilan bhang thun 2015, meng blaoh, Kapul ngak bruk di Tổng cục Thủy lợi, Mentri ngak nong saong patagok palei pala hu mai ngak bruk haong tỉnh Bình Thuận ka bruk ba ia danao thủy điện pabak ka bruk ngak nong di tỉnh . Urak ini, ia padang khik brei ka bruk ngak nong di tỉnh Bình Thuận mai meng dua gah nan lac: dom kavei binek padang aia saong dom công trình thủy điện dalam tỉnh. Ong Võ Đức Anh – Akaok Chi cục thủy lợi tỉnh Bình Thuận brei thau: Thủy điện Đại Ninh hu jaik 250 triệu khối saong di Đa Mi – Hàm Thuận hu jaik 600 triệu khối. Yau nan ia bo tỉnh Bình Thuận pandar nyu pagam pambak  tame dua sang mac thủy điện ini.

# Harei pataom Du lịch ban raya Hồ Chí Minh mbang yaka 11 thun 2015 kayua Sở Du lịch pambuak bruk saong Hiệp hội Du lịch ban raya Hồ Chí Minh peih tabiak hu tamat bloh hadei di 4 harei rah tabiak. Harei pataom du lịch thun ini hu brei mboh veik dom inem mek hu UNESCO brei angan lac inem krung di dunya tapa bruk thiết kế gian hàng parang iek, dak padang mô hình, tiểu cảnh. Ini lac sa jalan ngak gheih mekre piah paglaong bruk dui pachreih di dom labik du lịch inem krung.

# Huyện Cẩm Mỹ, tỉnh Đồng Nai daok pambuak haong Công ty Trách nhiệm Hữu hạn Dekalb Việt Nam pala iek dom pajaih tangeiy biến đổi gen, yau: DK 9955R, DK9955S, DK6919R… di xã Sông Ray. Huyện  jeng pambuak haong Công ty Trách nhiệm Hữu hạn asal pajaih C.P Việt Nam pala iek dom pajaih tangiey lai bahrau. Ngan haong dom mô hình pala iek ini, phun pala hu cak rok patagok biak siam. Bruk ngak di danak dak pala pajaih bahrau ini piah patagok năng suất, pasiam pren meriak gauk ka phun tangiey dalam negar.

Khaw tin dunya

# Truyền thông Nhật Bản barau brei thau, taneh ia ini daok kuhria daa dom urang hu mbaok tame ginum biai 6 gah ka bruk hạt nhân di Cộng hòa Dân chủ bhapbini Triều Tiên, pataom mbaok tame sa mbang ginum biai oh chính thức di bilan 6 tal di ban ine Tokyo. Mbang ginum biai ini daok dalam khuôn khổ Đối thoại pambuak bruk Đông Bắc Á, sa diễn đàn oh chính thức kayua Viện roh duah pambuak bruk saong xung đột toàn cầu, Đại học Ca-li-phoóc-ni-a (California), Mỹ dang akaok. Tuai daa di diễn đàn hu dom urang dang akaok rajaei saong học giả meng 6 atneh ia lac Mỹ, Trung Quốc, Nga, Nhật Bản, Hàn Quốc saong Triều Tiên, ginum biai dom kadha pambuak bruk saong an ninh khu vực.

# Báo chí Thái Lan hu ralo kadha vak brei thau hatai sahneng di menuac sia ka bruk raja-ei Thái Lan meda klaak thiết quân luật saong salih tapa pandar paka 44 di Hiến pháp tạm thời thun 2014 piah pal akaok taneh aia saong khik iek an ninh di negar ini. Ralo menuac sia Thái Lan hu panuac lac, raja-ei negar ini njauk mong iek ka nyu cambaih  tuk pandar paka 44 di Hiến pháp tạm thời. Urang ndom lac, urang dang akaok raja-ei Thái Lan njauk hu dom sarak mềm dẻo, laik haong hatai di bhap bani jang meng meda mek hu dom mục tiêu prong di bruk salih bahrau; nan lac, pasiam veik bruk hòa giải, gul pataom bangsa; ba tabiak dom cơ chế, adat hukum bahrau saong khik caga ka Thái Lan biak biai patagok, tani tanat suai lavik gam chính trị- xã hội saong kinh tế.

# Dom tòa sang, công trình biểu tượng di Matxcơva (Nga), dalam nan hu  Điện Kremlin hu padam dom baoh menhek daok gah langiu piah apchreih tui chiến dịch Giờ Trái đất ka patak pataom năng lượng saong caga biến đổi khí hậu. Lac taneh ia pablei năng lượng tabiak negar lingiu biak rilo, Nga daok kham merat trun takik kan kadhah tal alam moi trường meng bruk patak pataom năng lượng, pandar công nghệ piah patagok kein laba jang bruk pandar nang luong. Tui báo chí Nga, chiến dịch Giờ Trái đất di ban ine Matxcơva patak pataom hu 15 mê-ga-oát menhek ka ban saong jaik 20 triệu urang pachreih tui bruk ini./.