# Biar harei kabroi 29/7, Tổng Bí thư Nguyễn Phú Trọng hu taduan raok Thủ tướng Vương quốc Liên hiệp Anh saong Bắc Ai-len (Anh) Đây-vít Ca-mơ-rôn daok rivang Việt Nam. Pak mbang taduan raok, Tổng Bí thư Nguyễn Phú Trọng brei thau lac mbang rivang Việt Nam mbang akaok meti di Thủ tướng Anh nan lac sa kadha prong dalam talei pambuak nao mai di dua negar. Thủ tướng Đây-vít Ca-mơ-rôn brei mboh hatai jia talei rohim pambuak bruk nao mai di dua negar meda patui veik patagok khang jang dalam tukvak anak tal, brei ka sron mbon, grap tanat saong pambuak bruk dalam khu vực saong angaok dunya.

     Jeng dalam harei nan, dalam mbang nao rivang, Thủ tướng Đa-vít Ca-mê-rôn taom gaok haong Akaok negar Trương Tấn Sang, ginum biai haong Thủ tướng Raja-ei Nguyễn Tấn Dũng.

# Phó Thủ tướng Hoàng Trung Hải jao ka mintri Giao thông vận tải tui iek song hu panuac likau di kadung jien khik caga jalan mbak TƯ ka bruk padeih thu phí jalan mbak ka radeih mô tô meng harei 1/1/2016, panuac khan di Thủ tướng Chính phủ dahlau di harei 15/9/2015.

# Harei kabroi 29/ 7, javap jaleiy panuac sua tangi di urang vak brei thau ka phản ứng di Việt Nam anak harak patahu khan di Mentri Ngoại giao Hoa Kỳ thun 2015 ka bruk pablei salih manuac sia angaok dunya, Phaok urang brei panuac di Mentri Ngoại giao Việt Nam Phạm Thu Hằng brei thau: "Harak khan brei thau di Mentri Ngoại giao Hoa Kỳ thun 2015 ka bruk pablei salih manuac sia angaok dunya oh brei mboh dom kham merat di Việt Nam dalam bruk mesruh metak, pacang cakak kaol kanjah jhak pablei salih manuac urang dalam tukvak tapa. Dom kham merat ini di Việt Nam hu ralo negar saong kapul nyaom, dalam nan hu Hoa Kỳ jeng thừa nhận".

# Anak bruk hijan khang ngak khat lihik trak ka menuac urang song drap ar di tỉnh Quảng Ninh, mesup harei kabroi 29/7, Trung ương kapul Chữ thập đỏ Việt Nam dong ba pandap panda hu yaom 160 triệu đồng. Yau brei 3 triệu đồng ka urang metai song 200 thung pandap ka boh sang di bhum njauk bala. Beir harei kabroi kapul ngak bruk di TƯ Chữ thập đỏ Việt Nam nao  dong ba tapak di tỉnh Quảng Ninh.

# Urak ini, uranaih tame sang iek ruak chuyên khoa Nhi pak Bal raya Hồ Chí Minh hu mboh biak ralo dut haong bilan dahlau. Sang iek ruak Nhi đồng 1 Bal raya Hồ Chí Minh pachreih dom urang ngak amaik ame langiu di bruk grap tanat dinh dưỡng ka uranaih tuk ranaih  labuh ruak ye njauk brei a ranaih menyum ralo aia.  Bruk ba brei aia ginup meda daong ka dom adei giảm patuk, trun pandiak tarakaong saong abih đờm..

# Harei kabroi 29/7 Hiệp hội rong glang tỉnh Đồng Nai hu harak payua ka Mintri ngak nong song patagok palei pala, mintri Công thương hu panuac ieu dom jabat chức năng tui iek pacang bruk pablei kateik yaom menuk nhập khẩu piah dong ka urang rong ba. Tui Hiệp hội rong ba tỉnh Đồng Nai, yaom rilaow menuk Mỹ di angaok darka pasa 20 ribau sa kg dalam tuk nan yaom rong ba menuk di dom tỉnh Đông Nam  bộ dalam 6 bilan tapa tui kuhria labaih 28 ribau đồng sa kg.

# pak tỉnh Kon Tum gilac hu mboh ruak laka cambuai tapok kakau angaok tapul angauk athur, ngan haong 8 drei limo njauk ruak. Sruh jit ruak laka cambuai tapok kakau hu Balai thú y bal Kon Tum duah mboh pak palei Đắc Led, xã Ngọc Bay angaok tapul limo 8 drei di dua baoh sang. Bal sit Kon Tum daok peih ngak ralo jalan piah pacang cakak jit ruak.

# Harei kabroi 29/7 , mbang nyaom pakat glong SOM) ASEAN – Trung Quốc hu panuac khan ka bruk ứng xử di angaok tasik Biển Đông (DOC) mbang ka 9 hu rah tabiak di Thiên Tân (Tianjin), Trung Quốc. Kapul lambaok VN kayua Thứ trưởng mintri Ngoại giao Lê Hoài Trung pang akaok hu mbaok dalam mbang nyaom. Di mbang nyaom, dom urang pakat glong ASEAN song Trung Quốc tui iek bruk peih ngak DOC, ginum biai dom jalan jhul pakhang bruk tham vấn di ASEAN song  Trung Quốc piah samar mek hu bộ quy tắc ứng xử di tasik Biển Đông (COC) .

# Thổ Nhĩ Kỳ bahrau chính thức ký mboh tangin sanya haong Mỹ ka bruk brei adat liên minh pacang cakak IS kayua Mỹ dang akaok pandar căn cứ không quân Incirlik pak gah Pur negar ini. Mentri Ngoại giao Thổ Nhĩ Kỳ brei thau, panuac sanya ini tok pambuak pagam tal mbang mesruh metak pacang cakak IS boh oh hu peih ngak dom mbang palaik mbom trun pacang cakak bol lin urang Cuốc pak gah Barak Xyri. Tui panuac sanya nan, bol lin Mỹ meda patui veik pandar kapal haok oh hu saong hu urang peih xuất phát meng Thổ Nhĩ Kỳ piah taong tame dom mục tiêu IS pak Xyri.

# Sa roh duah vắcxin ka Hội chứng hô hấp vùng Trung Đông (Mers) brei thau, KQ meda tui iek di angaok anek athur song pamong tal bruk ngak tabiak vắcxin ka urang. Viện roh duah pakat negar Mỹ bahrau hu panuac khan ka sa roh duah brei thau, vắcxin di takuk sx hu dom kháng thể trung hòa hu chủng virút Mớt. Vắcxin ni ngak phản ứng miễn dịch prong di takuk. Dok kara, vắcxin ni jeng khik hu phổi oh njauk nhiễm trùng trak kayua virút Mớt rah tabiak. Dom sang ilamu Mỹ dok patagok sa phiên bản karei di vắcxin ni piah meda pasang iek  lâm sàng di angaok menuac./.