# Tuk hu mbaok dalam Nyaom biai mbang ka 21 Công ước khung di Liên hợp quốc ka biến đổi khí hậu (nyaom biai COP 21) pak Paris, Pháp, melam kabroi (29/11) tui tukvak Việt Nam, Thủ tướng Nguyễn Tấn Dũng hu taduan raok ong Jean Pierre Archambault ( Giăng –Pie – Ác Song Bô), Tổng thư ký kapul  hữu nghị Pháp - Việt.  Thủ tướng brei thau hatai gul pataom di Raja-ei saong bhap bani Việt Nam ngan haong bhap bani Pháp anak dom khat lahik kayua dom mbang tấn công khủng bố di Paris; jia lac meng dom jalan bo Phap daok ngak, kol khủng bố njauk trừng trị thích đáng.

# Thanh tra rajaei bahrau peih nyaom biai ka bruk taduan raok bhap bini song langyah ka bruk yak bak 10 tỉnh, ban di bhum taneran krong sông Cửu Long.Meng akaok thun tal ni, dom tỉnh ban di gah merong hu taduan jiak 90.000 urang, labaih 700 mbang kapul rilo menuac dalam nan An Giang, Kiên Giang song Hậu Giang lac dom tỉnh hu urang yak bak rilo di abih dalam bhum. Lingiu di nan, dom jeng hu taduan labaih 38.000 đơn thư dom janih. Urak ni langyah hu labaih 8.500 mbang bruk yak bak tui thẩm quyền di drei.

# Piah pasiam veik bruk tua riya pandiak bhang dalam thun ini saong kuhria caga ka bruk pala drak dalam thun 2016, Ủy ban bhap bani tỉnh Khánh Hòa bahrau likau Trung ương daong 70 tỷ đồng piah blei pajaih, kuac kuah ribaong, pasiam veik dom công trình. Anak meta, pacang tua riya pandiak bhang meda rah tabiak, tỉnh Khánh Hòa ba tabiak ralo jalan ngak yau: parabha aia ka nyu lagaih, patak pataom dalam bruk ngak mbang pala drak, salih tapa pala phun  diuk hu dalam pandiak piah khik hu an ninh lương thực.

# Meng akaok thun tal ni, gah Cảnh sát kinh tế Công an tỉnh Đắc Lắc hu duah mboh song langyah jiak 200 mbang  buôn lậu, pablei salih  pandap lậu, pandap jia, pandap kém chất lượng. Dut song tuk vak ni thun dahlau, bruk buôn lậu tagok labaih 20%, dom pandap lậu rilo meng lac kayau, ala, palao song dom janih pháo.  

# Kayua pambak di không khí la-ar, dalam 3 harei tapa, aia ndik glaong ngak kanjah jhak tal labik daok pasiam veik, pataom pataok ghe gilai phường Phú Đông, bal Tuy Hòa, tỉnh Phú Yên ngak kan kandah ka ghe gilai saong ralo labik daok hu nguy cơ njauk neh cakak kayua riyak prong, meda ngak tayah pabah lange,  ba tal glut jaleih trak. Mikva urang taong ikan daok pataom tame drap ar, samar panduan ba ghe gilai nao labik karei, panduan ba pandap panda, máy móc pak labik pasiam veik ghe gilai nao tal labik an toàn piah patrun khat lahik.

# Peih ngak sarak sarak 67 di rajaei  talurak ni, UB bhap bini tỉnh Tiền Giang hu mbaoh tangin phê duyệt brei ngak bharau 41 kapan tong ikan di tasik atah, ginup tanut parabha di mintri ngak nong song patagok palei pala. Urak ni, dalam tỉnh Tiền Giang hu 10 kapan hu ngak bahrau tui sarak 67 di rajaei hu tabiak tasik. Tui kuhria tal quý 3 thun anak tal, Tỉnh Tiền Giang meda ngak bloh danak dak dong ka urang taong ikan tui sarak 67 di rajaei.

# Harei kabori (29/11), pak bal raya Hồ Chí Minh, Chi hội Bangsa Cam dalam Kapul nyaom Bangsa bac bal raya Hồ Chí Minh peih ngak lễ hội Katê Ramưwan ngan haong kadha “sambo màu lễ hội mbang ka 11”. Labaih 800 sinh viên, nghệ nhân saong bhap bani Cam daok ngak mbang saong bac megru pak bal raya hu mbaok dalam lễ hội. Dom sinh viên, nghệ nhân bangsa Cam hu daoh dom kadha daoh Cam, tamia dom ragu ragam Cam, angui cuk khan ao meng kan, pakacah gauk ngak kaya mbang urang Cam … Jeng dalam harei ini, Kapul nyaom Bangsa bac bal raya Hồ Chí Minh hu pok brei sinh viên yam tapa kan kandah bac megru naih jioy 28 pok jien bac, yaok pok hu yaom 1.000.000 đồng, piah pachreih dom kham merat bac megru.

Khaw tin dunya:

# Tuk 17tuk beir harei kabroi 29/11 ( njauk tame sa tuk harei 30/11 tuk vak VN) nyaom biai mbang ka 21 Công ước khung di Liên hợp quốc ka bruk biến đổi khí hậu (COP-21) hu peih tabiak di ban ine Pari negar Prang. Nyaom biai hu caik sa tuk vak piah pahadar dom urang metai dalam mbang tấn công khủng bố di Pari harei 13/11 meng bloh. Bruk ginum biai hu peih tabiak meng kadha ndom puac di akaok mintri Môi trường Peru Ma-nu-en Pun-ga Vi-đan (Manuel Pulgar-Vidal), dalam nan hu ndom lac, sa thỏa thuận ka khí hậu lac jalan siam di abih piah yam tapa pandik harao hadei di dom mbang tấn công khủng bố meng bloh.

# Biar harei kabroi (29/11), pak Đại học Ki-ung-hi (Kyunghee), bal ine Xê-un (Seoul), Hàn Quốc hu peih tabiak parang iek thaik binguk ka bruk padang ngak pulao   nhân tạo suan adat hukum di Trung Quốc pak tasik Đông. Bruk ngak ini kayua Kapul nyaom Hậu duệ but pajaih Lý Hoa Sơn pak Hàn Quốc saong kapul nyaom sinh viên Việt Nam pak Hàn Quốc pambuak gauk peih ngak. Pok panuac peih pakak mbang parang iek, ong Lý Thừa Vĩnh, akaok kapul Hậu duệ but pajaih Lý Hoa Sơn pak Hàn Quốc khang panuac lac: bruk patui khik sron mbon salamat, pambuak bruk saong patagok di tasik Đông nan lac bruk ngak di taong abih dom taneh aia.

 # Beir harei 29/11 di ban ine Viêng chăn (Vientiane)-Lào, hu rah tabiak bruk peih mbaok “Giải chraoh blong Việt Nam di Lào tranh cúp Viêng Chăn mbang ka 2”.   Giải chraoh blong Việt Nam di Lào mbang ka 2- Viêng Chăn Cúp thun 2015 hu peih ngak yaok thun hu bruk dong di rilo DNVN ngak mbang di Lào. Giải pakacah brei mboh bruk praong tagok di bruk thể dục thể thao dalam bhap bini urang Việt daok di Lào./.