# Pak Hà Nội, Menti Khoa học saong Công nghệ gam haong Viện padai Bhum taneran kraong Cửu Long bahrau mboh tangin tame harak sanya pambuak bruk daong ngak dự án sit “Ngak po công nghệ palih ruah ngak tabiak saong patagok pren ngak tabiak pajaih padai siam saong hu yaom kinh tế glaong”. Yaom pambuak bruk nan lac 66 tỷ đồng, samu haong 3 triệu đô la Mỹ. Viện padai bhum taneran kraong Cửu Long meda ngak po công nghệ palih ruah ngak tabiak pajaih padai piah patabiak dom janih padai bahrau hu yaom kinh tế glaong.

# Mintri ilamu TT saong DL barau brei thau 10 bruk ngak ilamu TT saong DL hadah krah thun 2015. Ini lac dom bruk ngak hu makna, hu yaom glaong pakat negar, pambak khang tal bruk patagok di taneh ia, di gah ilamu, TT saong DL jeng yau rai diuk XH. 10 bruk ngak ilamu TT saong DL hadah krah thun 2015 nan lac: danak dak diễu hành nghệ thuật pahadar 70 thun harei dunya ngan saong kadha VN – khát vọng hòa bình pok meyaom bruk đa dạng ilamu saong khát vọng hòa bình di dom bangsa VN; parang iek 70 thun jak jeng kinh tế - XH; bein negar Phong Nha – Kẻ Bàng (Quảng Bình) mbang ka dua hu UNESCO brei angan lac inem krung thiên nhiên dunya; Nghi lễ saong me-in dui brak.

#  Mentri pato megru pambuak haong Công ty Hon da Việt Nam peih bruk alin gilang tapuk brei ka Sang bac Trung học cơ sở  Lý Tự Trọng, huyện Ea H’Leo, tỉnh Đắc Lắc. Gilang tapuk “Honda Hatai saneng uranaih” hu pabak bị ginup abih dom thiết bị samu gauk saong hu chất lượng, dalam nan hu tivi, akaok paren DVD, mac vi tính, ghe caik tapuk, bàn, khik, tu saong 2.300 akaok tapuk ngan haong asal kadha biak ralo janih, pachreih hu uranaih mai puac. Sambai takre hoang gilang tapuk bahrau, adei Trần Thị Hồng Lê tal bac 5A, sang bac Trung học cơ sở  Lý Tự Trọng, bal sit Ea Drăng, huyện Ea H’leo lac: “Hãng Hon da saong Mentri pato megru alin  gilang tapuk brei ka sang bac khaol dahlak mboh biak bui sambai. Hu gilang tapuk blaoh khaol dahlak meda nyim tapuk mai bac, piah ka hu ralo ilamo jang”.

# Melam kabroi 29/12, di ban Đà Lạt hu peih Festival bingu Đà Lạt mbang ka 6 ngan saong kadha “Đà Lạt, ralo sambo mau bingu”. Festival bingu Đà Lạt lac labik mai văn hóa DL ka bhap bini, tuai damuai dalam saong langiu taneh ia, lac bruk pambuak gauk yaih khan dom yaom glaong ka bingu di Đà Lạt. Bingu hu jeng biểu tượng siam di ban Đà Lạt, gah bingu labik ini daok dak harei dak patagok, rik daong tame bruk patagok kinh tế - XH di puk palei. Urak ini, yaom sản xuất nông nghiệp di Đà Lạt mek hu 140 triệu đồng sa ha sa thun, eng gah sản xuất bingu chất lượng glaong mek hu 800 triệu đồng tal 1 tỷ đồng sa ha sa thun, karei nan hu sa bruk ngak mek hu 3 tỷ đồng sa ha sa thun.

# Muyim Tổng hợp tỉnh Quảng Ngãi pambuak haong Kapul  Inem mek Ilamo bahrau peih bruk parang iek angan “Kaya yao klak Việt Nam tapa dom Saman”. Labaih 450 kaya yao klak lan am Viet Nam tapa dom SamaN dakrai sajarah hu parang iek di mbang parang ini. Jeng tui bruk nan, Muyim Tổng hợp tỉnh Quảng Ngãi hu taduan mek phiên bản Mộc bản Triều Nguyễn pambuak pagam tal pulao Lý Sơn saong chủ quyền di Karja Việt Nam ngan haong pulao Hoàng Sa kayua Pasak khik piah negar IV pak Đà Lạt alin brei.

# Salam uan thun barau 2016, melam kabroi 29/12, di ban sit Mỹ Tho, tỉnh Tiền Giang hu peih nyaom darak pandap Việt Nam chất lượng glaong Tiền Giang thun 2015. Nyaom drak pachreih hu 250 gian hàng di 100 doanh nghiệp mek hu angan “ pandap Việt Nam chất lượng glaong” kayua urang blei pandar dalam taneh ia palih ruah saong 10 doanh nghiệp hadah krah di tỉnh Tiền Giang hu mbaok tame parang iek pandap. Di nyaom drak, dom doanh nghiệp parang iek yaih khan dom pandap yau: pandap pandar, thực phẩm, jhik menyim, pandap gia dụng, pandap kayau cao cấp, thủ công mỹ nghệ…

#  Sở Ilamo padhih saong rivang ma-in tỉnh Kiên Giang bahrau ba tabiak dom danak dak peih ngak Thun Rivang ma-in pakat negar 2016 - Phú Quốc – Bhum taneran kraong Cửu Long ka labaih 70 doanh nghiệp du lịch dalam tỉnh. Lac labik dang tabiak peih ngak,  Kiên Giang meda peih ngak 13 bruk praong, dalam nan hu dom bruk  yau:  brei thau ka Thun Rivang ma-in pakat negar 2016 - Phú Quốc – Bhum taneran kraong Cửu Long; Lễ taduan mek Bằng công nhậnkhu Ramsar, bein negar U Minh Thượng; giải bán Marathon dunya, lễ hội meng kan Anh hùng bangsa Nguyễn Trung Trực...Langiu di nan, dom tỉnh, bal karei dalam negar jeng hu peih ngak ralo bruk pamaong tal Thun Rivang ma-in negar.

 Patui di ini dom khau tin dunya:

# Karja ban Milan saong Rô – ma di Italia barau patabiak jalan ngak oh brei dom radaih xe hơi nao mai dalam ban piah langyah bruk  sauk kapal dui atah. Tui nan, dom radaih di Milan oh brei nao mai dalam ban meng 10 tuk mesup tal 4 tuk biar harei yaok harei, meng harei 28/12 tal abih harei 30/12. Taphia di nan, bhap bini hu brei nao mai meng radaih công cộng dalam luac harei ngan saong yaom harak radaih ưu đãi nan lac 1,5 ơ rô (samu 1,6 đô la). Jalan ngak khẩn cấp nan lac sa bruk kham merat piah cakak trun tanut ô nhiễm môi trường kayua sauk kapal rah tabiak. Ralo bhap bini dalam ban pachreih tui khang saong caong khin karja peih dom jalan ngak karei piah patakik bruk ô nhiễm dalam tukvak anak tal.

# Dom mblang kapal haok di bal Chi-ca-gô, dalam tiểu bang I-li-noi (Illinois) -Mỹ brei padeih labaih 500 mbang par dalam harei kabroi kayua hu hajan tuyết saong angin prong. Bruk ini rah tabiak njauk tame vaktu nao mai ralo dalam thun. Hajan tuyết saong angin prong jeng ngak suai chuyến par meng 15 tal 45 minit di mblang kapal haok dunya Ô He (O’Hare) ngan haong dom mbang par nao - mai. Gah thời tiết negar hu tabiak cảnh báo ribuk bilan brak saong angin prong di bhum Chi-ca-gô tal puac harei kabroi . Urang jakar Chi-ca-gô ba panuac jabat khí tượng brei thau, langik hajan tuyết saong angin prong daok rah tabiak dalam dom harei anak tal. Oh lac ta-eng bang I-li-noi, ralo bang karei di bhum Đông Nam negar Mỹ yau Mít-xi-xi-pi (Mississippi), Ten-nét-xi (Tennessee) saong A-can-xát (Arkansas) jeng daok mboh lingik oh siam, hu hajan ribuk saong ngin khang.

# Hadei di tuk gah an ninh Irac mek hu quyền pasang iek ban Ramadi, tỉnh An ba, meng tangin kol IS , harei kabroi thủ tướng Irac Hai đơ An ba đi hu nao rivang ban  ini saong tuan dok di rajaei di labik ini. Brei panuac anak bhap bini, lin saong karja ban, ong brei thau meda peih paha taneh ia tabiak truh kol IS dalam thun 2016. Thủ tướng A ba ndom lac, thun 2016 nan lac thun di dom jayah praong tuk koll IS hu palahik di Irac, saong brei thau, bruk ngak patui nan lac giải phóng Mô xun, ban praong abih njauk kol IS meblah mek di gah Brak taneh ia ini. Urak ini kol IS jeng daok pasang iek labik praong di Irac, dalam nan hu dua ban Pha lu gia saong Mô xun./.