# Page harei 28-5, pak Jabat Trung ương Đảng, Bộ Chính trị hu peih  nyaom biai urang jakar dalam negar ka bruk nhân sự Ban Chấp hành Trung ương Đảng khóa XII. Brei panuac pak nyaom biai, Tổng Bí thư Nguyễn Phú Trong lac, bruk kuhria caga menuac dahlau ka Nyaom roya Đảng dom pakat, pamaong tal Nyaom roya Đảng pakat negar mbang ka XII hu yaom biak prong. Tổng Bí thư Nguyễn Phú Trọng lac, njuak hu tinh thần trách nhiệm biak glaong, biak abih hatai, ba bruk di Đảng, di bangsa tagok angaok abih, kham merat pacang cakak chủ nghĩa cá nhân, cơ hội, cục bộ, bè phái saong lợi ích nhóm.

# Mesup harei 28/5, di Phủ Chủ tịch, Phó akaok negar Nguyễn Thị Doan hu  taom gaok, pachreih ba dom adei hu rai duik kan kandah, uranaih kan kathaot pachreih bac, bac da-a naih joi dalam negar salam uan harei Dunya uranaih 1/6. Phaok akaok negar cong khin, dom adei brei thau dar phol di ong muk amaik ame, bruk dong ba di dom jabat kapul nyaom, urang ngak pahla piah meng nan kham merat yam tagok, kham merat pasram phẩm chất di urang VN anit ranam taneh ia, hu hatai siam, hu bản lĩnh, khí phách piah jeng dom urang ngak pô taneh ia harei hadei.

# Page harei 28-5, pak Hà Nội, Mentri Y tế peih ngak Nyaom biai pataom iek veik 10 thun peih ngak Công ước khung ka bruk pasang iek pakao hala di Gah Y tế Dunya. Hadei di 10 thun peih ngak Công ước khung ka bruk pasang iek pakao hala, tal urak ini, Việt Nam ngak hu blaoh dom adat hukum ka bruk pacang caga dom kanjah jhak di pakao hala, dalam nan, hu adat pakuac oh brei meyaih khan pakao hala saong pakuac pablei pakao hala ka urang ala 18 thun.

# Mesup harei 28/5 di ban sit Tam Kỳ, Mban tacei jalan padang geing jameing jalan tapen negar tỉnh Sê Kông-Lào song tỉnh Quảng Nam-Việt Nam hu ginum biai mbang ka 10 taong yaom bruk padang ngak saong pasiam veik geing jameing tapen negar Vn – Lào labik nao tapa 2 tỉnh Quảng Nam  song Sê Kông tuk vak 2008- 2014. Urak ni 2 tỉnh Sê Kông song Quảng Nam hu padang 60 geing jameing song 7 cọc dấu, jao ka gah khik caga jalan tapen negar di 2 tỉnh khik iek.

# Kayua tua riya pandiak bhang, ralo anek saih pak Ninh Thuận njauk daok di sang daong amaik ame patrun naong trak ka jien padai. Kuhria tal puac thun bac ini, dalam tỉnh hu 215 anek saih klaak bac. Dom huyện hu ralo anek saih klaak bac nan lac: Bác Ái, Ninh Hải, Ninh Sơn, Thuận Nam saong Thuận Bắc. Ini lac tukvak jaik si tamat thun bac 2014-2015, nan ye Sở Pato megru Ninh Thuận hu tacei gah pato megru  patagok bruk pathau khan paglaong talei pambuak bruk di baoh sang saong sang bac, jao bruk ka hiệu trưởng dom sang bac taom gaok haong amaik ame di anek saih piah pachreih anek saih mai bac veik.

# Mesup harei 28/5 di ban raya HCM, Mintri Thông tin song Truyền thông peih nyaom biai brei panuac ka dự thảo hukum báo chí. Dự thảo hukum báo chí mbang ni hu 6 chương, 58 paka, dalam nan hu 35 paka bahrau song 25 paka klak hu pasiam pabak. Dự thảo ni hu pok tagok QH piah likau panuac dalam nyaom biai puac thun ni

Khaw tin dunya:

# Ủy ban châu Âu (EC) hu ba tabiak sa jalan ngak bahrau piah pacang bruk khủng hoảng nhập cư, dalam nan, bruk daong chip Italia saong Hy Lạp  lac sa dalam dom asal kadha prong. 2 negar Nam Âu ini dalam dom thun jaik di ini njauk naong trak tuk taduan raok yaok ribau urang di cư suan adat hukum. Dalam jalan ngakl bahrau ini. hu “Đề án panduan ba” urang di cư, tui nan, jaik 40 ribau urang nhập cư tame Italia saong Hy Lạp meda hu ba tal dom negar thành viên karei dalam Liên minh châu Âu tui bruk parabha dalam 2 thun tal.

# Akaok mintri jien padai song Thống đốc gliang pariak TƯ dom negar công nghiệp pataogk G7 peih ginum biai  dalam 3 harei di ban Đrét-den (Dresden), gah tamur negar  Đức. Nyaom biai hu pataom tame ginum biai ka bruk tỷ giá ngoại tệ tuk vak jiak di ni, dom siam lagaih saong dom cuang kandah bo nền kinh tế dunya dok dang anak. Bruk ginum biai praong, dang akaok nan lac khik hu bruk patagok suai lavik KT dunya anak bruk khủng hoảng jien ndo Hy Lạp, yaom menyek tagok song bruk srau kadau di darak pasa chứng khoáng ngak ka dom urang đầu tư dut hatai./.

# Mblang tasik gheih mekre di bal Bacxêlôna (Barcelona), Tây Ban Nha, hu truac hadah meng dom baoh gom jalan siam kag môi trường. Ini lac sa bruk dalam dom kham merat di bal ini piah jhul pakhang bruk pandar năng lượng hacih. 6 baoh gom jalan, yaok baoh hu pagam 2 blah pin aia harei, sa tuabin angin saong sa pin. Nan ye, dom baoh gom siam ka môi trường ini hu ginup năng lượng piah truac hadah luac melam. Dom baoh gom truac hadah ini tabiak khí thải takik jang dut haong dom gom truac hadah karei 2 tấn CO2 yaok thun. Dom baoh gom nduac meng năng lượng hacih hu yaom lap jang 20% dut haong dom baoh gom bhian mboh kayua nyu hu ngakt tui công nghệ truac hadah bahrau saong nyu oh gam hagait tal lưới điện./.