# Harei kabroi 29/5, pak tỉnh Nghệ An, Trung ương Đoàn Dam dara cộng sản Hồ Chí Minh hu peih bruk tabiak quân Chiến dịch Dam dara halar hatian Hè 2016 ngan haong bruk hu mbaok di labaih 5.000 dam dara, anek saih, sinh viên. Chiến dịch peih tabiak meng harei 29/5 tal harei  31/8, dalam nan bilan 7 hu palih ruah lac bilan tadung glaong, saong hu ralo bruk ngak yau: danak dak daong pren bilan pakacah, dom bruk halan hatian: bilan hè hijao, Hoa phượng bhong, Kỳ nghỉ hồng saong Hành quân xanh...

     # Harei kabroi 29/5, di pabah lamnge Nhật Lệ, tỉnh Quảng Bình, Doanh nghiệp ngak kapal tư nhân Nguyễn Văn Tuấn di tỉnh Thái Bình hu jao kaapl ikan kanduh thép lưới rê barau ngak ka urang ngak ikan Nguyễn Hữu Sáu daok di xã Bảo Ninh, ban sit Đồng Hới, tỉnh Quảng Bình. Ini lac kapal hu ngak tui Nghị định 67 di rajaei. Kapal ini hu công suất máy labaih 800CV, ngak abih labaih  16 tỷ đồng. Kapal hu  dom thiết bị taong cap kaya ikan barau, meda nao taong cap suai harei di tasik

      # Akaok Uỷ ban bhap bani tỉnh Khánh Hòa hu tabiak quyết định taong phạt 1 labik ngak pandap di bal Cam Ranh  85 triệu đồng kayua “pandar jru pakuac dalam bruk ngak pandap mbang menyum”. Labik ini hu pandar asal pakuac Auramine O- atau daok iew lac chất vàng ô piah ngak mỳ Quảng. Labik ini ngak jaik 30 thun ini, yaok harei ngak meng  100 – 150 kg har mì Quảng. Dalam nan, har hu pandar màu jaik 10%, ba nao pablei ralo pak dalam bal Cam Ranh saong Bal raya Hồ Chí Minh.

     # Dalam bilan ngak bruk kayua uranaih, di sang iek ruak Đa khoa tỉnh Đắc Lắc barau rah tabiak danadak “ baoh hatai ka adei “. Danakdak peih bruk iek ruak sàng lọc brei saoh ka abih uranaih ala 16 thun piah duah thau samal ruak tim bẩm sinh. Danakdak kayua rayo papar binguk Việt Nam, Đại học Y – Dược ban raya Hồ Chí Minh saong tập đoàn viễn thông quân đội Viettel pambuak bruk peih ngak. Dalam harei hu 1200 mbang adei ala 16 thun hu siêu âm tim di sang iek ruak Đa khoa tỉnh Đắc Lắc piah duah thau dom dị tật tim bẩm sinh.

      # “Brei ka rai diuk siam mekre, pacang cakak bala rambuis di uranaih” nan lac angan iew bahrau hu Thành Đoàn Cần Thơ, Sở Lao động – Thương binh saong xã hội gam haong Ban An toàn giao thông bal Cần Thơ pambuak bruk peih ngak, tukvak Bilan ngak brei ka uranaih saong Harei Nyaom uranaih Việt Nam” dalam hè thun ini.  Kadha njauk caik hatai di danak dak nan lac bruk pambuak pagam dom asal kadha yau: Kỹ năng thoát hiểm tuk rah tabiak apui khuah; kỹ năng caluai aia saong jalan pacang cakak mblung aia ka uranaih.

     # Ủy ban bhapbini tỉnh Tiền Giang barau phê duyệt Dự án salih ngak nong kajap (VnSAT) ngan saong jien dau tu abih tih labaih 15,3 triệu USD, sumu 329 tỷ đồng. Dự án ini peih ngak di 20 xã dalam 3 huyện lac Cái Bè, Cai Lậy saong ban sit Cai Lậy saong taneh ngak labaih 27.000 ha; Tapa nan, daong labaih 41 rabau sang pala padai pandar dom alamu barau, salih janih phun pala, kaya raong diuk saim saong biến đổi khí hậu. 

     # Pak Trà Vinh, dua adit ini,  uranaih ruak hu ba tame Sang iek ruak Sản Nhi khám saong điều trị nội, ngoại trú tagok biak rilo mboh labaih 9.000 ca. Langiu di dom janih ruak pambuak pagam tal vaktu langik tasik salih mùa, ruak pandiak tabiak darah daok mboh tagok khang. Meng kaok thun tal ini, hu 317 urang njauk ruak pandiak tabiak darah hu ba tame sang iek ruah, tagok labaih 270 urang dut haong tuk vak ini thun dahlau. Bác sĩ Lê Minh Dũng, Phaok Akaok Sang iek ruak Sản Nhi Trà Vinh cho brei thau: “Ngan haong ruak uranaih tukvak jaik di ini mboh tagok biak khang. Cambaih laih bilan 3, bilan 4 sang iek ruak Sản Nhi Trà Vinh taduan mek jaik 15 ribau ca, ta-eng 2 dit jaik di ini hu tagok tal 9 ribau ca, dalam nan mboh ralo janih ruak di jalan suak yava saong jalan tung pruac”.

     Khaw tin dunya

     # U-crai-na mbuan si thuyết phục Liên minh châu Âu (EU) brei dui atah tukvak dom lệnh trừng phạt Nga meyah brei mboh hu dom siam mekre dalam bruk pacang caga tham nhũng. Nan lac panuac  di urang dahlau daih ngak Tổng thư ký Tổ chức Hiệp ước Bắc Đại Tây Dương (NATO) An-đơ Phót Rát-mu-xen (Anders Fogh Rasmussen), urak ini lac cố vấn barau di Tổng thống U-crai-na Pô-rô-sen-cô (Petro Poroshenko) meng harei 27 bilan 5 barau blaoh. Panuac nan hu ba tabiak dalam tuk EU daok kuhria ba tabiak quyết định ka bruk brei  dui atah tukvak dom lệnh trừng phạt kinh tế  Nga pambuak tal bruk khủng hoảng di U-crai-na hai oh.

     # Raja-ei Nê-pan bahrau brei thau kadung jien karja glaong abih jaik 10 tỷ đôla ka thun tài chính 2016-2017. Kadung jien ini pataom tame ka bruk pasiam veik hadei di mbang megei baoh taneh, padang ngak hạ tầng cơ sở, an sinh xã hội, patagok talei rohim pambua bruk di Trung Quốc saong Ấn Độ. Yaom kadung jien ini tagok 28% dut haong thun 2015.

      # Anak dom huac kanda ka bruk mbuan njaom mbak di siêu vi khuẩn kháng jru kháng sinh, akaok adit bloh, labaih 80 công ty ngak jru tavao praong di dunya hu tut angan tame sa tuyên bố ieu rajaei dom taneh ia dau tu, daong jien padai piah pachreih gah y học roh duah patagok dom jru kháng sinh barau. Giáo sư Đa-vít Pây-nơ ( Payne), urang dang akaok kapul patagok jru kháng sinh di hãng Gla-xô Smits Klin (Glaxo Smith Kline) ndom lac, bruk patagok saong ngak tabiak jru kháng sinh barau meda oh peih ngak hu, meyah oh hu bruk daong brei  jien padai meng gah rajaei ./.