#  Harei kabroi 29/6, Akaok negar Trương Tấn Sang haong dom urang Quốc hội đơn vị bầu cử ka 1, Kapul urang Quốc hội bal raya Hồ Chí Minh hu taom gaok cử tri quận 1 saong quận 3 bal raya Hồ Chí Minh. Kapul hu khan brei ka cử tri thau bruk di mbang nyaom ka 9 ngan haong ralo asal kadha prong ka bruk padang ngak hukum, pasang iek pakat glaong. Abih di nyu nan lac, Quốc hội hu peih pasang iek pakat glaong "bruk oan, sai dalam pandar adat hukum gah hình sự, tố tụng hình sự saong bruk bayar thiệt hại ka urang njauk oan dalam bruk tố tụng hình sự tui adat hukum di Karja". Ini lac kadha hu menuac sia saong cử tri dalam negar caik hatai sangka.

          # Thủ tướng rajaei hu tacei mintri jien padai dong brei (oh mek jien) 350 tấn brah meng gilang khik piah di negar brei ka tỉnh Lào Kai piah dong ka bhap bini dalam tuk cang juak padai song bhum palei njauk pandiak bhang. Meyah daong bloh mboh dok kan kandah, tỉnh pathau khan tagok Mintri Lao động - Thương binh song Xã hội, mintri jien padai piah patahu tagok thủ tướng rajaei pasang iek, dong brei.

# Harei ini 30/6, dom anek saih hu mbaok tame mbang pakacah trung học phổ thông pakat negar 2015 hu nao tal dom labik pakacah dalam negar piah ngak harak hu mbaok tame pakacah. Mbang pakacah thun ini dalam negar hu labaih 1 triệu anek saih mbaoh tangin tame pakacah, hu 38 cụm pakacah negar kayua dom sang bac đại học dang tabiak ngak saong 61 cụm pakacah tỉnh kayua dom Sở Pato megru tỉnh nan  dang tabiak ngak. 

          # Beir harei 29/6 di pasak papar sap pakat negar 58 jalan Quán Sứ, HN, ong Nguyễn Đăng Tiến - Tổng Giám đốc rayo sap ndom VN hu taduan raok kapul dom akaok jabat lambaok vakil VN dok di negar langiu (tukvak 2015 -2018) hu mai rivang song ngak bruk. Kapul dom akaok jabat lambaok VN di negar langiu ndom lac: Dalam tuk công nghệ thông tin patagok yau urak ni,  mbao ndom jeng daok hu pren khang di nyu saong oh meda salih hu. Kapul hu tong yaom glong dom urang vak di rayo sap ndom VN song cong khin tuk vak anak tal, 2 gah njauk patagok jang piah ngak siam bruk ngak bo Đảng song bhap bini jao brei. 

# Tui bruk ba tabiak tal thun 2020, Khu Kinh tế Dung Quất, tỉnh Quảng Ngãi meda pala gilac jaik 1.000 héc ta glai, patagok mblang taneh glai dalam khu kinh tế jeng 5.000 héc ta.  Dalam 3 thun tapa, Ban Khik iek glai pacang caga saong cảnh quan môi trường Dung Quất hu pala pabak, pala bahrau hu 900 héc ta glai labik sang mac, vành đai khu kinh tế, mek hu 90% bruk ba tabiak. Ong Nông Viết Chung, Akaok Ban khik iek glai pacang caga saong cảnh quan môi trường Khu kinh tế Dung Quất, tỉnh Quảng Ngãi brei thau:  Khaol dahlak jao bruk pala glai meng thun 2012 tal ini, mblang taneh khaol dahlak peih ngak, khik hu bruk jeng glai labaih 90%. Urak ini, bruk pabak hijao dalam Khu KT Dung Quất nan lac 40% tal 41%, njauk haong bruk batabiak.

# Harei patom ilamu guitar dunya lagu fingerstyle di Việt Nam thun  2015 hu rah tabiak di Nhà hát Tuổi trẻ, Hà Nội  harei 17/7. Hu mbaok 6 nghệ sỹ hu angan je mai meng rilo negar song bhum palei yau Andy Ngew (Malaysia); Masa Sumide (Nhật Bản); Paddy Sun (Trung Quốc)… Hu thau Fingerstyle guitar lac sa janih guitar bahrau abih di VN, patagok khang dalam dom thun jiak di ni. Ni lac sa janih guitar bahrau, lagu di nyu lac dom lagu biak bingi pan.

# Harei kabroi 29/6, Ủy ban bhap bani tỉnh Khánh Hòa peih họp báo brei thau ka Festival Tasik 2015 ngan haong kadha “Hòa bình saong sáng tạo”. Festival Tasik 2015 rah tabiak meng harei 11/7 tal harei 14/7, ngan haong labaih 50  bruk ngak ilamo, padhih, rivang ma-in saong sinh hoạt bhap bnai. Dalam nan, njauk caik hatai hu dom bruk parang iek, nyaom biai brei thau ka chủ quyền pulao tasik di Việt Nam. Dalam tukvak ini, Công ty Yến sào Khánh Hòa peih bruk padang ngak hang yến nhân tạo pak huyện pulao Trường Sa.

          # Akaok mintri Môi trường Trung Quốc Trần Cát Ninh (Chen Jining) harei kabroi 29/6 brei thau, cảnh sát negar ni bahrau chap hu 8 ribau 500 urang dalam nan hu labaih 4 ribau 500 urang pagam tal vụ án hình sự dalam thun 2014. Bruk ni hu rah tabiak dalam tuk TQ dok jhul pakhang bruk pacang cakak ô nhiễm di negar ni. Akaok mintri Trần Cát Ninh brei thau, bruk peih ngak catang dom paka gah môi trường lac bruk ngak praong piah patrun bruk ô nhiễm không khí urak ni.

       # Page harei kabroi 29/6,  Mentri Y tế saong Phúc lợi Hàn Quốc brei thau meng 2 harei tapa negar ini oh hu urang halei metai atau njaom mbak bahrau Hội chứng hô hấp bhum Trung Đông - Mớt (MERS. Manuac urang njauk ruak Mớt daok hu mong iek ruak trun daok 57 urang. Labaih 13 ribau urang hu ba tabiak truh bruk cách ly hadei di tuk 14 harei tui iek oh mboh hagait.

# Urang dang akaok Phi-líp-pin harei kabroi 29/6 hu dong ka labaih 4 ribau drei kara dok dalam nguy hiểm di sa boh sang khik piah di palao Pa-la-oan (Palawan) di negar ni. Dom drei kara nan hu mong lac dok kuhria ba tal darak pasa Trung Quốc. Urak ni quỹ Ka-ta-la, sa kapul khik caga anek athur glai di Phi-líp-pin dok pambuak bruk song dom urang pan akaok di labik ni piah palao dom drei kara nan. Tui kuhria hu labaih 1 ribau drei kara dok hu iek glang di mblang bein khik ramik tự nhiên di Phi-líp-pin./.