# Tamat bruk javap chlơi tangi sua di akaok mintri Tai nguyen - moi truong Nguyen Minh Quang saong Thong doc gilang pariak karja Nguyen Van Binh di mbang nyaom ka 31 di uy mban thuong vu QH, harei kabroi 29/9, akaok QH Nguyen Sinh Hung ndom lac : tukvak tal, bruk khik ramik khoang san, taneh riya njauk peih ngak hu kein laba jang; njauk drak samal blaoh blai bruk brei harak chứng nhận quyen pandar taneh di thun 2015. “ Brei khik ramik meng tai co cau saong sarak kinh te saong sarak tín dung, sarak jien padai njauk pagam saong gauk. Urak ini, sraiy jhak di kol drei bo daok caik ka nyu tamuh tabiak glaong jang, taphia nan, oh ka langyah hu sraiy klak lac biak glaih glar, yau nan ye, njauk kham merat langyah sraiy ini dahlau di abih. Yau nan ye, chat luong di he thong tin dung lac biak praong, nyu ba tal bruk hu tagok sraiy jhak halei oh, nyu  langyah hu sraiy jhak halei oh lac di labik nan”.

# Dalam dua harei 29 saong 30/9, Rajaei nyaom mbang thuong ky bilan 9/2014. Thu tuong rajaei Nguyen Tan Dung taong yaom : dalam 15 chi tieu hu Quoc hoi jao hu 13 chi tieu meda ngak hu saong ngak hu rilo jang, 1 chi tieu ngak jaik hu nan lac ba bruk ngak ka 1,6 trieu urang ngak. Thu tuong pandar dom urang dalam rajaei pataom tame ginum biai, ba tabiak dom jalan ngak cambaih laih piah talaih kan kandah, jhul pakhang san xuat, pablei salih.

# melam 29/9 di Ha Noi, kapul urang praong thun pakat negar pambuak saong kapul chu thap do pakat negar Biet Nam peih ngak danakdak taom gaok nghe thuat “ meta hadah ka urang praong thun “. Tal urak ini, dalam taneh ia hu labaih 2,2 trieu urang praong thun hu iek ruak meta, dalam nan, blac raih thuy tinh the ka jaik 300 rabau urang. Taong abih yaom jien jak ba hu brei ka bruk iek ruak meta brei saoh ka urang praong thun labaih 339 ty dong.

# pa-uan harei tim mach dunya 29/9, harei kabroi 29/9, gah y te dunya hu panuac ieu Biet Nam njauk hu dom jalan ngak ka bruk pandar rilo sara mbang kayua tui pasang iek di tuk camereip, urak ini, bhapbini taneh ia drei daok pandar sara rilo jang meng 2 tal mbang luong sara njauk pandar. Dalam tuk nan, gah y te dunya hu panuac kakaei yaok urang njauk pandar takik abih 5g sara sa harei piah trun takik urang gaok saong metai kayua ruak tim saong dot quy.

# Mban an toan jalan mbak tinh Dong Nai barau peih nyaom biai tabiak bruk ngak praong dalam quý 4 thun 2014. Meng akaok thun tal ini, dalam tinh Dong nai rah tabiak jaik 400 mbang njauk bala angaok jalan mbak, ngak kai labaih 300 urang metai saong 250 urang bị thuơng. Duk saong dom bilan ini thun 2013 trun 91 mbang, min urang metai rilo jang 31 urang. Makna lac kayua bruk pathau khan pato pakai adat hukum ka an toan jalan mbak oh hu peih ngak gam gam ka yaok urang.

# piah daong urang ngak iakan patak pataom nhien lieu, patrun patakik jien taong cap kaya iakan dalam ia, dom gah chuc nang saong karja dom puk palei tapen tasik tinh Ben Tre daok jak ba urang ngak iakan padang 118 to pambuak bruk taoang cap di tasik, ngan saong jaik 7000 urang ngak iakan saong labaih 960 kapal gilai. Urak ini, tinh ben Tre hu buh tabiak jaik 2 tỉ dong piah blei bao hiem thuyen vien di dom to pambuak bruk taong cap di tasik.

# Di tinh Tien Giang harei kabroi 29/9 rah tabiak nyaom darak cong nghiep – palei pala saong pablei salih thun 2014. Nyaom darak pachreih hu jaik 900 gian hang di 154 kapul, doanh nghiep tame parang iek dom pandap ngak nong, cong nghiep , lam thuy san saong thu cong my nghe, bingu kieng di bhum gah mraong, gah kreh negar saong Tay Nguyen. Dom pandap hu parang iek lac pandap Biet Nam chat luong glaong, dac san di yaok puk palei.

Khaw tin dunya:  

# Tổng thống bahrau di Afghanistan,  Ashraf Ghani hu tuyên thệ nhậm chức di harei kabroi 29.9). Bruk ong Ghani tagok ngak Tổng thống hu maong lac bruk yam tagok tal mbaoh tangin hu thoa thuan an ninh dua gah haong My saong Nato, quyet dinh harei hadei di kapul dunya daok di Afghanistan.

# Mintri y te Nhat Ban harei kabroi 29/9 brei thau, taneh ia ini barau duah mboh sa urang njaom virut pandiak tabiak darak chủng barau. Ini lac sa urang likei mai meng tinh  Shi-zua-ô-ka (Shizuoka) barau tame sang iek ruak harei 10/9 hadei tuk hu dom trieu chung di ruak pandiak tabiak darah. Tapa dut iek, chủng virut ngak tabiak pandiak biak darah di menuac ini hu dom gen di truyen karei duk saong dom urang gaok pandiak tabiak darah di taneh ia ini kuhria meng bilan 8.

# Bộ Thống nhất Hàn Quốc brei thau, barau ba tbiak bruk daong vpandap ngak nong yaom 200 triệu won (sumu 190,152 triệu USD) ka Cộng hòa dân chủ bhapbini Triều Tiên. Pnadap daong ini hu ba tal Trieu Tien di puac adit ini. Talei pambuak bruk Tieu Tien tukvak jaik ini mboh trun cang thang./.