# Harei 30/12, pak jabat Quốc hội, Akaok Quốc hội Nguyễn Sinh Hùng taduan raok Đại sứ Đan Mạch John Nielsen (Giôn Ni-en-sen) dahlau tuk tamat vaktu ngak bruk pak Việt Nam. Akaok Quốc hội caong khin, Đại sứ John Nielsen patui jalan patagok talei pambuak bruk nao mai di bhap bani dua negar Việt Nam – Đan Mạch. 

#  Di Hà Nội, Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân hu taduan mek 1,8 tỷ đồng meng Ủy ban Mặt trận negar Việt Nam tỉnh Thái Nguyên daong dom urang lin tasik daok ngak bruk khik caga tasik pulao di 2 quần đảo Hoàng Sa, Trường Sa. Ông Nguyễn Thiện Nhân ndua dhar phuan Đảng bộ, karja saong bhapbini dom bangsa tỉnh Thái Nguyên jeng ye bhapbini dalam taneh ia hu dom bruk ngak siam lagaih pamaong tal kapul khik caga chủ quyền tasik pulao di negar.

# Dalam tukvak 2009 - 2014, Hội Liên hiệp thanh niên Việt Nam jak ba saong peih bruk padang ngak hu 9.381 baoh sang anit ranam, dalam tuk chỉ tiêu ba tabiak tok 5.000 baoh sang, jakba padang ngak hu 1.170 bến đò ngang siam mekre, mek hu 117% bruk ba tabiak. Langiu di nan, Hội Liên hiệp thanh niên Việt Nam jeng jak ba, padang ngak hu 576 duk bac pak dom sang bac biên giới, pulao kaoh , labik atah bayah, mek hu 40% bruk ba tabiak.  

# Chi cục khik ramik darak pasal tỉnh Quảng Bình barau cuh klak 22 janih pandap lac pandap pakauk, pandap ja, pandap tapa hạn pandar, pandap takik chat luong, pandap oh cambaih asal di nyu…hu duah mboh, mek khik di thun 2014 ngan saong yaom pandap panda tagok tal 727 triệu đồng. Di tukvak tal, abih di nyu nan lac di tuk Tết Nguyên đán 2015, Chi cục khik ramik darak pasal Quảng Bình daok patagok dut iek saong xu ly samal meyah hu bruk ngak suan piah caga pandap pakauk, pandap blei tame lậu ba tame darak pasal, rik daong khik caga chat luong pandap panda dalam tinh.

# Pak Bình Phước, Kapul pasang iek di Ủy ban Thường vụ Quốc hội ka dom oan, sai dalam bruk pandar adat hukum gah hình sự, tố tụng hình sự saong bruk bayar thiệt hại ka urang njauk oan dalam bruk tố tụng hình sự tui adat hukum kayua Ủy viên Trung ương Đảng, Phaok akaok Quốc hội Uông Chu Lưu dang akaok kapul hu mai ngak bruk haong dom jabat hu pambuak pagam tal di tỉnh Bình Phước. Kapul pasang iek ghi nhận dom kết quả di dom jabat pambuak pagam tal di Bình Phước dalam bruk pandar adat hukum gah hình sự, tố tụng hình sự saong bruk bayar khat lahik ka urang njauk oan dalam bruk tố tụng hình tui adat hukum.

# Tui Sở Công thương tỉnh Trà Vinh, di tuk tet Dương lịch 2015 nini, dalam tinh hu gilac 584 sang urang nong kan kathaot hu menhek pandar. Ini lac danakdak di tukvak 2 di danakdak brei menhek ka 20 rabau sang urang nong di palei pala, rilo jang lac sang khơme oh ka hu menhek pandar. Yaom jien abih tih buh tame ngak lac 112 tỷ đồng, saong jaik 6.100 sang di bhum atah bayah, bhum bhapbini bangsa  Khmer hu mbang tui. Ông Thạch Đặng, daok di xã An Quảng Hữu, huyện Trà Cú sa dalam dom sang hu dui menhek dom harei ini chreih chrai ndom lac: Thun ini mbang tet biak bui sambai, kayua yaok thun oh hu menhek, daok thun ini hu menhek, harei ini lac 4 harei paje, yau nan mbang tet thun ini bui sambai. Meng dahlau thiah mai, pak ini bhum atah bayah oh hu menhek, min urak ini hu menhek anek taco bui sambai abih.

# Dalam tỉnh Tiền Giang urak ini hu 5 doanh nghiệp, hợp tác xã mboh tangin tame bruk khik piah pandap panda pablei Tết Nguyên đán cổ truyền thun 2015, tui yaom jien abih tih jaik 340 tỷ đồng. Dalam nan, phun jien khik piah dom janih pandap thiết yếu jaik 60 tỷ đồng, hu 705 tấn brah, 7 tấn rilo anek athur, 4 tấn rilo menuk ada, 311 tấn saradang, 441.200 lít menyek mbang, 813 tấn bột ngọt... Dom doanh nghiệp sanya pabak ginup pandap panda siam, haci hacih saong pablei  yaom biar jang 5% dut haong darak pasar.

Khaw tin dunya

# Kuhria tal ini hu takik abih 21 urang metai saong 10 urang karei daok lahik hadei di mbang ribuk nhiệt đới Giang-mi (Jangmi), angan puk palei ieu lac Xê-ni-ang (Seniang) nao tapa dom tinh gah meraong taneh ia ini. Ribuk Giang-mi, hu pren angin yaok tuk nao hu 65 km saong pren ha-ndoh tagok tal 80km/sa tuk tuh tame Phi-líp-pin harei 29 bilan 12 barau blaoh ngak jaleih haluk saong ia xua di rilo puk palei. Gaok khat lahik trak abih lac tỉnh Lây-tê (Leyte), puk palei thun thiah jeng gaok ribuk Hai-yan .         

# Hàn Quốc meda pabak brei 5 triệu đôla Mỹ piah daong ka Xiêra Lêôn, labik dom bác sĩ saong y tá di Hàn Quốc daok hu mbaok daong pacang Êbôla. Mentri Ngoại giao Hàn Quốc bahrau brei thau, 3 triệu đôla dalam yaom jien ini meda pandar piah peih ngak sa sang iek ruak ka dom urang ruak Êbôla kayua Anh padang ngak jaik bal ine Fri-thao (Freetown) di Xiêra Lê-ôn. Yaom jien daok veik nan meda ba tal Xiêra Lêôn tapa Gah Y tế Dunya (WHO). Meng yaom jien daong pabak mbang ini, Hàn Quốc hu rik daong 12,6 triệu đôla ka bruk pacang caga  Êbôla.

# Hội đồng An ninh negar Ma-lai-xia (NSC) barau khan brei thau mbang ia xua trak abih kuhria meng labaih sa ratuh thun tapa di bhum gah Đông Bắc taneh ia ini, ngak takik abih 21 urang metai saong yaok ratuh rabau urang njauk nao plaih di labik karei. Truyền thông Malaixia daok ba tagok dom thaot binguk brei mboh bhapbini daok glaih glan saong ia xua. Hu biak rilo baok sang daok dauk dalam ia glaong tal labaih 2m. Dalam tuk nan kapul cứu hộ daok javar nao tal dom labik ia dauk piah daong yaok rabau urang daok njauk mia dauk pacang cakak./.