Khaw tin 10h30 saong 14h30 harei 3/11/2015  

# Pagaiy harei ini 3/11, dom urang Quốc hội ngak bruk di hội trường, ginum biai ka bruk ngak hu tui jalan patagok kinh tế- xã hội thun 2015 saong jalan patagok kinh tế- xã hội thun 2016. Var bair harei, Quốc hội ginum biai di hội trường ka bruk peih ngak kadung jien karja thun 2015; dự toán kadung jien karja saong jalan parabha kadung jien trung ương thun 2016; bruk brei adat parilo tukvak patabiak trái phiếu Rajaei; bruk patabiak trái phiếu Rajaei tabiak darak pasal phun jien dunya saong jalan pandar jien trái phiếu Rajaei daok labaih di dom dự án ramik pasiam jalan roya 1A saong jalan Hồ Chí Minh labik tapa Tây Nguyên.   

/ Harei 2/11, tui pang urang QH ginum meyai di hội trường ka bruk ngak hu tui jalan patagok kinh tế XH thun 2015, cử tri A Linh, Bí thư Đảng ủy xã Đắc Hà, huyện Tu Mơ Rông, tỉnh Kon Tum caong khin: bruk kinh tế di taneh ia patagok biak siam. Min jeng daok dom bhum atah bayah dalam huyện Tu Mơ Rông ini rai diuk di mikva biak kan kandah, co sở hạ tầng oh ka patagok. Yaom kaom kaya nông oh ka tani tanat. Caong khin rajaei hu sa sarak padang ngak sang mac blei kaya nông, blei pandap ka mikva. 

# Haraei kabroi (2/11), Uỷ ban bhapbini ban sit Đà Nẵng peih bruk taom gaok saong brei quyết định taduan raok dom học viên di Đề án patagok menuac urang chất lượng glaong khu vực công tal thun 2020 di Thành ủy Đà Nẵng mai ngak bruk di cơ quan hành chính karja. 21 urang hu brei Quyết định taduan raok saong brei bruk ngak di dom labik ye : Sở Giao thông - Vận tải; Sở Lao động Thương binh saong Xã hội; Uỷ ban bhapbini dom quận, huyện dalam ban sit Đà Nẵng... Ini lac dom sinh viên bac tamat đại học loại joi tagok di dom sang bac  đại học dalam taneh ia hu ban sit Đà Nẵng tuyển dụng saong brei nao pasram megru. Hadei di tuk hu brei bruk ngak, dom urang ini njauk tui bruk parabha di labik pandar urang ngak 5 thun gam saong njauk ngak siam bruk hu jao. 

/ Harei 2/11, cục Quân y – mintri QP pambuak saong bộ chỉ huy bộ đội biên phòng tỉnh Gia Lai alin hadiah dom trang thiết bị pasiam duk iek ruak quân y pambuak bruk iek ruak, brei jru ka mikva di xã taphia negar Ia Puch, huyện Chư Prông. Dom trang thiết bị hu alin hadiah ka duk iek ruak quân y xã Ia Puch mbang ini hu jamriah sinh hóa, jamriah ly tâm saong jamriah duk iek ia me-ik – dom pandap y tế duh ka bruk iek ruak ka mikva.

# Dahlau thiah, 28 sang Khmer di tổ 2, ấp Sóc Lớn, xã Lộc Khánh, huyện Lộc Ninh, tỉnh Bình Phước  caong tabiak jalan menyk liên xã njauk nao tapa gluh baok di bilan hajan. Tui caong khin di mban ấp, uy mban bhapbini xã brei padang jalan bê tông ka mikva tổ 2 tui Đề án 03 di huyện ngan saong bruk “ bhapbini ngak công trình – karja daong vật tư”. Mikva biak chreih chrai brei taneh ngak jalan bê tông  atah 338m. Dalam nan, sang ông Lâm Unh, umo 85 thun, brei labaih 100m taneh. Tui kuhria, bilan hajan tamat, jalan bê tông di tổ 2 hu peih tabiak ngak piah mikva hu jalan gheih raok thun barau 2016. 

/ Di huyện Tân Phước, tỉnh Tiền Giang barau rah tabiak mbang hajan ribuk gam saong ngin khang ngak khut rilo sang bhap bini. Melam  1/11, sa mbang hajan praong gam tui ngin khang tapa dom xã Mỹ Phước, Hưng Thạnh saong ban sit Mỹ Phước, huyện Tân Phước ngak ka 83 baoh sang di bhap bini par tabung, khut trak. Dahlau nan hu 12 baoh sang jaleih abih, 64 baoh sang par tabung. Tui kuhria khat lahik tal yaok rituh triệu đồng. 

# Bair harei kabroi 2/11, sang iek ruak Chợ Rẫy brei thau barau ngak jak jeng ca plac raih sa urang u hốc hadung biak kan kandah. Urang ruak Trần Thị Đông, 52 thun di Bến Tre tame sang iek ruak Chợ Rẫy kayua hu triệu chứng nghẹt thở, nduac darah hadung saong angaok meta njauk duah mboh sa khối u dak harei dak praong jang. Dom bác sĩ khoa Tai mũi họng saong Ngoại thần kinh, sang iek ruak Chợ Rẫy hu quyết định pambuak bruk saong gauk piah ngak sa ca plac raih hi hữu: barau mek khối u di hốc mũi barau tái tạo sàn sọ meng tấm titanium. Hadei ca plac raih kan kandah dui atah 6 tuk, urang ruak meda tự thở saong nao mai, mbang huak ye bình thường.

Patui di ini dom khau tin dunya:

/ Thủ tướng CPC Hun Sen barau tacei pato dom ngành, com pakat oh peih bruk pakacah gaiy ngo pakat negar dalam bilan Óc Om Bốc  thun ini di ban ine Phnômpênh piah mek jien iek glang ka urang nông. Rija Óc Om Bốc bhian hu bhap bini CPC peih ngak di harei ia bulan bak baoh bilan 10 yaok thun (nan lac harei 25/11). Yaok thun rija ini bhian hu rajaei peih ngak pakat negar di ban ine Phnompenh, angaok kraong Mê Kong anak vang patau dom kadha me-in yau pakacah gaiy ngo, palao gum gió, gum ia saong dom kadha me-in bhap bini karei. Min thun ini kayua hajan takik, urang nông gaok khat lihik nan ye thủ tướng CPC Hun Sen tacei pato dom ngành, dom pakat padeih dom bruk salam uan rija Óc Om Bốc  pakat negar piah pataom tame iek glang ka urang nông. 

# Trung Quốc saong Pháp brei thau, dua taneh ia njauk gauk lac sa bruk salih dalam Hiệp ước khí hậu toàn cầu caik dom taneh ia njauk patagok bruk kakak trun takik lượng khí thải ngak tabiak hiệu ứng nhà kính di 5 thun tal. Brei panuac di mbang  họp báo di ban Bắc Kinh hadei mbang ginum biai saong Chủ tịch Trung Quốc Tập Cận Bình, Tổng thống  Pháp Frăng-xoa Ô-lăng brei mboh hatai bui sambai ka bruk jak jeng di nyaom biai ka khí hậu di Paris rah tabiak di bilan tal kayua Pháp hu maong mboh rilo kadha siam mekre.

/ LHQ brei thau ka bruk mbuan eik lipa di yê – men. Tui urang brei panuac di LHQ Xtê-phen Đu-ja-ric, jaik meteh dalam 22 tỉnh di Yê-men njauk pasang mbaok saong bruk srau kadau an ninh lương thực khẩn cấp. Dom tỉnh ini hu menuac sia jaik 1 triệu 800 ribau urang, dalam nan 1 triệu 400 ribau urang daok caong daong./.