# Harei kabroi (30/12),  Ủy ban Trung ương Mặt trận Negar Việt Nam peih nyaom biai mbang ka mbang ka IV khóa VIII. Pak ini, Ban Thường trực Ủy ban Trung ương Mặt trận Negar Việt Nam hu dak padang Ban Tacei pato bruk palih ruah urang Quốc hội khóa XIV saong urang lambaok Hội đồng bhap bani dom pakat vaktu 2016-2021 kayua ong Nguyễn Thiện Nhân, Ủy viên Bộ Chính trị, akaok Ủy ban Trung ương Mặt trận Negar Việt Nam ngak Trưởng ban. Ban tacei pato hu trách nhiệm peih bruk tacei pato, peih ngak dom asal kadha dalam bruk palih ruah pambuak pagam tal quyền saong bruk ngak di Mặt trận Negar Việt Nam tui njauk adat hukum di Karja.

# Biar harei kabroi (30/12) di HN, mban tuyên giáo TƯ peih nyaom meyai pakat negar ba tabiak jalan ngak ka thun 2016. Tui bruk ngak hu gah thông tin đối ngoại; pathau khan ka tasik, pulao saong phân giới klauk pagol dalam thun tapa, ralo harak tham luận hu pataom tame langyah dom mbuan lagaih saong dom cuang kandah meng  bruk ngak di dom jabat, đơn vị, puk palei; pabak, langyah, kuhria mboh dahlau bloh meng nan ba tabiak ralo jalan ngak cambaih laih piah ngak siam bruk thông tin đối ngoại, pathau khan ka tasik, pulao saong phân giới klauk pagol dalam thun 2016.

#  Jeng dalam harei 30.12, pak Hà Nội, Ban Tuyên giáo Trung ương, Mentri Thông tin saong Truyền thông, Kapul Urang vak báo Việt Nam peih Nyaom biai báo chí pakat negar ba tabiak jalan ngak ka thun 2016. Nyaom biai hu taong yaom tapak bruk ngak báo chí thun 2015 saong dalam vaktu Nyaom roya XI; pataom tame langyah dom ilamu, dom bruk njauk sangka; ba tabiak bruk ngak, jalan ngak báo chí thun 2016 saong dalam dom thun tal.

# Harei kabroi (30/12), Sở Công thương gam saong Công ty Điện lực tỉnh Kon Tum hu peih bruk ba điện ka 334 baoh sang bhap bini di dua xã Ia Dom, Ia Dal, huyện Ia H’Drai. Ini lac bruk ngak hu biak ralo bhap bini di huyện barau caong khin kayua labaih 5 thun ini mai điện meng hu ba mai tal bhap bini labik ini. Dự án hu ba điện truac hadah ka 183 palei gam saong labaih 14.000 baoh sang bhap bini, kham merat tal thun 2020 tamat dự án hu taong abih puk palei, baoh sang hu pandar điện.  

# Chi cục raong glang - Thú y tỉnh Bình Phước hu patagok bruk kiểm dịch, pasang iek bruk vệ sinh thú y dalam tỉnh. Chi cục pambuak haong dom tỉnh Bình Dương, Đắk Nông, Tây Ninh, Đồng Nai, bal raya  Hồ Chí Minh… dalam bruk kiểm dịch, pasang iek bruk raih thik, pacang caga dom jit ruak. Tui nan, dom gah gam pambuak bruk pasang iek pacang caga jit ruak nguy hiểm meda rah tabiak, khik kajap vệ sinh an toàn pandap panda tal tangin urang blei pandar.

# Di HN, mintri thông tin saong truyền thông hu tabiak mbaok danak dak papar binguk pathau khan ka dom bangsa biak takik menuac di VN. Danak dak ini hu angan “Hành trình rẻo cao” hu 18 tập, hu papar binguk angaok kênh VTC di rayo papar binguk kỹ thuật số VTC yaok adit meng harei 2/1/2016. Danak dak rik daong ka bruk pathau khan sarak di Đảng, , hukum di karja ka bruk sangka, daong dom bangsa biak takik menuac saong ieu bruk daong ba di xã hội piah dom bangsa biak takik menuac mbeik drei tame, patagok dalam bhap bini dom bangsa VN.      

# Melam kabroi (30/12), Sở Ilamo saong Padhih bal raya Hồ Chí Minh peih ngak danak dak adaoh tamia salam uan harei dak padang Cộng đồng ASEAN. Danak dak hu ralo kadha daoh tamia gheih mekre kayua dom nghệ sĩ Việt Nam saong urang mai meng dom negar ASEAN parang me-in. Harei ini, 31/12, pak Bal raya Hồ Chí Minh meda rah tabiak bruk tuan hala dok ASEAN pak labik bến Nhà Rồng.

Patui di ini dom khaw tin dunya:

# Mesup kabroi (30/12), di ban ine Viêng-chăn (Lào), nyaom roya pakat negar mbang ka 7 kapul thanh tra bhap bini cách mạng Lào hu peih tabiak ngan saong 518 urang đoàn, dam dara naih gheih dalam taneh ia mai pataom mbaok. Nyaom roya mbang ini hu ginum meyai brei tapa kế hoạch patagok dam dara – thiếu niên; pakhang Điều lệ kapul dam dara, pasiam veik pabak barau điều lệ thiếu niên piah lagaih saong bruk ngak di kapul dam dara dalam tukvak barau.

# Yaom xăng menyek dunya harei jaik tame thun bahrau daok patrun khang, makna di nyu kayua Mỹ daok patagok bruk khik piah menyek tamo. Harei 30/12, yaom xăng menyek Tếch-dát pak darak pasar New York laik 1,27 đôla trun daok 36,6 đôla sa thùng. Dalam tuk nan, yaom menyek tamo Brent biển Bắc trun daok 36,46 đôla sa thùng angaok sàn giao dịch Luân Đôn (Anh). Jabat thông tin Năng lượng Mỹ brei thau, bruk menyek tamo daok laik yaom meneing meng kayua menyek tamo di Mỹ adit tapa pabak rilo jang 2,6 triệu thùng jeng 487 triệu 400 thùng.

# Kadung jien Nhi đồng LHQ hu sanya patagok yaom jien daong ka Indonesia 14%, jeng 146 triệu USD dalam 5 thun tal duk saong yaom 127 triệu USD hu parabha dalam mbang dahlau. Yaom jien ini hu pandar dalam 6 gah nan lac patagok di uranaih saong khả năng diuk rai; pato pakai mầm non; khik caga uranaih; sarak XH, pacang cakak chip saong patrun bala langik tasik; thông tin liên lạc saong jak ba bhap bini./.