# Taduan panuac daa di akaok Chủ tịch Quốc hội Nguyễn Sinh Hùng, Kapul urang lambaok pakat glaong Quốc hội Lào  kayua amuk Pany Yathotou (Pa-ny Ya-thô-tu) – Akaok Quốc hội ba kaoak hu mai tal Hà Nội peih akaok mbang rivang Việt Nam. Pak sang Quốc hội, hadei di tuk taduan raok, Akaok Quốc hội Nguyễn Sinh Hùng saong Akaok Quốc hội Lào Pa-ny Ya-thô-tu hu mbang ginum biai. Dua akaok Quốc hội mboh njauk hatai ka dom bruk ngak hu siam mekre dalam talei pambuak bruk di dua negar, dua Quốc hội di taong abih gah.

2# Harei kabroi 30/3, ông Nguyễn Thiện Nhân, Ủy viên mintri Chính trị, akaok Ủy ban Trung ương Mặt trận negar (MTTQ) Việt Nam taduan raok ông Choe Jin Su, akaok Ủy ban Trung ương Mặt trận Dân chủ thống nhất negar  Triều Tiên.  Ong Choe Jin Su taong yaom glaong dom kham merat di Việt Nam dalam bruk dang tabiak peih IPU-132 saong dom jak jeng patagok triển kinh tế - xã hội bo Việt Nam ngak hu dalam tukvak tapa.

# Yam tapa harei ngak bruk ka klau, IPU 132 hu 5 mbang nyaom praong, dalam nan hu 2 mbang nyaom taong abih di Đại hội đồng Liên minh Nghị viện dunya. Asal kadha hu ba tabiak ginum biai nan lac ilamu di Quốc hội saong Nghị viện dom negar dalam bruk ba dom mục tiêu patagok khang kajap jeng biak biai". Pak mbang ginum biai harei kabroi (30/3), dom urang lambaok jeng caong khin, dom jalan ngak di Quốc hội saong Nghị viện meda ngak brei “panuac ndom jeng bruk ngak” dalam bruk peih ngak dom mục tiêu patagok khang kajap dalam 15 thun tal. 

4# Labaih 73% anek saih trung học cơ sở oh thau 10 kadha daoh bhap bini. Nan lac bruk duah mboh tapa pasang iek hu ba tabaiak dalam nyaom biai ka pato magru inem krung phi vật thể dalam sang bac kayua mintri pato megru, mitri ilimo padhih saong du lich pambuak bruk saong UNESCO  peih ngak barau ini. Tui akaok khoa Sư phạm âm nhạc sang bac Đại học Sư phạm nghệ thuật trung ương- Thạc sĩ Nguyễn Thị Tố Mai,  bruk ini oh njauk lac kayua anek saih oh sangka tal inem krung phi vật thể jeng ye kadha daoh bhap bini Việt Nam bo bruk praong abih lac danakdak pato pakai oh ka pachreih dom adei.

# Hãng kapal haok Jetstar Pacific bahrau peih mbaok jalan par tapak Hà Nội - Bankok (Thái Lan) meng kapal haok Airbus A320 - 180 ghế yaom phổ thông yau gauk. Mbang par akaok mereip pajeng jaik 180 tuai damuai, tauk số hiệu BL667 hu par trun mblang kapal haok dunya Suvarnabhumi harei 29/3, brei mboh bruk hu mbaok di dịch vụ hàng không yaom lap mbang akaok mereip hu Jetstar Pacific peih tabiak di bal ine di dua negar  mở Việt Nam saong Thái Lan.

6# Di ban sit Tuy Hòa, tỉnh Phú Yên, mintri Nội vụ peih tan pasram kỹ năng saong ilamu ngak bruk ka dom urang bac da a ranaih umo di 8 tỉnh bhum Tây Nguyên saong Duyên hải Nam Trung bộ di Đề án 500 tukvak 2013 – 2020.  Dalam tukvak 3 bilan, labaih 100 doi vien mai meng 8 tinh, ban bhum Tây Nguyên saong Duyên hải Nam Trung bộ hu pasram dom alamu gah : Văn phòng - Thống kê; Địa chính – ngak nong – dak padang saong alam moi truong; jien padai – ke toan; Tư pháp - Hộ tịch; ilimo - Xã  hoi saong khik ramik hành chính karja …

# Harei kabroi 30/3, 130 po gilai taong mek ikan pak bal Nha Trang saong ban sit Ninh Hòa di tỉnh Khánh Hòa hu mbaok tame bruk palao 1,3 triệu drei pajaih dalam nan hu: hadang sú, ikan chẽm, ikan ngựa, ốc hương, ikan cim trun danao  Nha Phu, ban sit Ninh Hòa piah pabak veik kaya ikan dalam aia. Ini lac dom janih kaya ikan hu yaom glaong, njauk khik caga. Taong abih phun jien ka mbang palao anek pajaih ini jaik 200 triệu đồng, meng phun jien jak ba, rik daong meng dom doanh nghiệp. Ong Nguyễn Văn Đẩu, Akaok Chi cục Khai thác saong khik caga kaya ikan tỉnh Khánh Hòa brei thau:  Khaol dahlak jeng caong khin lac 10% atau 20% pajaih kaya ikan dalam aia harei ini meda jeng pajaih amaik ame, piah pasiam gilac kaya ikan dalam aia piah ngak hu bruk ini ye urang taong mek ikan jeng paglaong trách nhiệm di drei. Anak tal puk palei saong karja patui veik pato pakai, pathau khan. Daok suai lavik ye peih ngak gilac sản xuất, Karja, dom doanh nghiệp hu điều kiện daong ka dom urang taong ikan, daong meng bruk taong mek ikan sit tapa bruk karei dalam tukvak anak tal.

Khaw tin dunya

# Rajaei Ôxtrâylia barau khan lac brei ngak samal quy định dom  Hãng kapal haok tuk halei jeng hu 2 urang phi hành đoàn di buồng lái yau sa bruk piah caga hadei sa mbang laik kapal ahaok di hãng kapal haok yaom lap  Giơ-mừn-uynh (Germanwings) di Đức, ngak ka 150 urang metai di adit blaoh.  Phó Thủ tướng Ôxtrâylia Oa-rừn Trớt (Warren Truss) ndom lac, quy tắc “2 urang” yaom lac njauk hu sa urang phi hành đoàn hu mbaok dalam buồng lái, caga tuk cơ trưởng atau cơ phó tabiak lingiu buồng lái.

#Thủ tướng Anh Đa-vít Ca-mơ-rôn (David Cameron) bahrau hu panuac caong Nữ hoàng Anh Ê-li-da-bét 2 (Elizabeth II) giải tán Quốc hội, peih tabiak bruk tranh cử chính thức, hu mong lac kan thau dahlau abih dalam rilo thập kỷ tapa di taneh aia pulao kaoh aia kakuan ini. Brukh jak ba bầu cử di Đảng bảo pal quyền di Thủ tướng Anh saong Công đảng daok yam tame tukvak puac abih, piah kuhria caga ka mbang bầu cử praong dalam harei 7/5 anak tal.

# Diễn đàn urang dang akaok ranaih umo châu Phi – Trung Quốc mbang yaka 3 barau peih pakak di pasak ban Arusha, gah Brak Tanzania. Diễn đàn pachreih hu labaih 400 urang jakar mai meng 40 taneh ia châu Phi saong  Trung Quốc. Diễn đàn piah jhul pakhang bruk pataom gaok, pambuak bruk di dom dam dara dalam  khu vực châu Phi saong Trung Quốc. Tui kuhria, labaih 1.000 chính trị gia ranaih umo di châu Phi meda hu daa tal Trung Quốc saong hu mbaok tame dom tan pato pakai dalam 3 thun tal./.