# Dalam 2 harei 30 saong 31/5, Ủy viên Bộ Chính trị, Bí thư Trung ương Đảng, Akaok ban Dân vận Trung ương Trương Thị Mai saong kapul ngak bruk hu mai ngak bruk pak tỉnh biên giới Lai Châu. Pak van ngak bruk haong urang pal akaok tỉnh, amuk Trương Thị Mai lac tukvak anak tal, tỉnh Lai Châu njauk samar patagok pakhang pakajap hệ thống chính trị pambuak pagam haong bruk dân vận, pamong tal bruk paglaong rai diuk ka bhap bani, abih di nyu lac bhap bani bhum atah bayah, bhum glaong tapen negar, bhum urang bangsa takik.

     # Ủy ban pilih ruah tỉnh Long An barau brei thau kết quả pilih ruah urang ka Quốc hội mbang 14 saong urang ka Hội đồng bhapbini tỉnh mbang  9 (tukvak 2016-2021). Ủy viên mintri Chính trị, Phó Thủ tướng Trương Hòa Bình hu phiếu pilih ruah glaong abih, labaih 81%. Tỉnh Long An pilih ruah hu ginup 8 urang  ka Quốc hội mbang 14. Dalam nan, hu sa urang kumei saong 2 urang tái cử, 1 urang ala 40 thun. Cử tri nao buh phiếu di mbang pilih ruah barau blaoh lac jaik 100 %. Hội đồng bhapbini pakat  tỉnh hu 60 urang trúng cử.

     # Ủy ban bhap bani tỉnh Bình Định brei parabha 13 tỉ đồng ka dom huyện, bal sit piah pasiam veik dom khut khat kayua tua riya pandiak bhang, nyaom mbak bilan Đông Xuân 2015-2016. Tui nan, dom puk palei, jabat pandar phun jien ini piah padang ngak, paglaong, pasiam veik 12 công trình thủy lợi saong công trình ba aia hacih ka bhap bani. Tal urak ini, pandiak bhang ngak ka labaih 4.000 héc ta padai saong njam patam bilan Hè Thu pak tỉnh Bình Định oh pala drak hu saong labaih 8 ribau baoh sang meda kurang aia.

      # Pa-uan harei dunya uranaih 1/6, melam 30/5, di Hà Nội, Kadung jien daong uranaih Việt Nam hu peih danakdak “ taom gaok urnaiah sang kan kandah pakat negar mbang yaka IX", hu mbaok di 55 uranaih hadah trah ka bruk yam tapa kan kandah dalam bac da-a, mai meng 11 tỉnh, ban ye : Điện Biên, Cao Bằng, Kon Tum, Bình Thuận, Long An, Trà Vinh, Sơn La. Tapa nan, lambaok akaok mintri Lao động -Thương binh saong Xã hội, Kadung jien daong uranaih Việt Nam gam lambaok dom urang trợ hu alin pandap saong daong jien ka 55 uranaih hadah trah hu mbaok dalam danakdak .

     # Pamong tal Bilan brei ka uranaih ngan haong kadha "brei ka rai diuk siam mekre, pacang caga bala, rambuis ka uranaih", dom gah, dom kapul nyaom di tỉnh Phú Yên peih ngak ralo bruk ilamo bui sambai, nao rivang iek saim mekre khang kadang ka uranaih, dak padang baoh sang siam mekre, sang bac salamar, bhap bini jap karo. Phú Yên urak ini hu labaih 250 ribau uranaih umo ala 16 thun. Yaok thun, dalam tỉnh hu meng 15 tal 20 adei njauk bala, rambuis, mboh ralo nan lac bala mblung aia.

      # MBan tacei pato hè tỉnh Bà Rịa - Vũng Tàu  barau peih pakak hè saong bilan ngak kayua uranaih thun 2016. Di tuk peih pakak, Kadung jien daong uranaih tỉnh hu alin 390 paok pandap ka uranaih sang kan kandah dalam tỉnh. Tỉnh đoàn Bà Rịa Vũng Tàu jeng brei bể bơi di động yaom 80 triệu đồng ka lambaok  huyện đoàn Long Điền. Sang iek ruak meta tỉnh Bà Rịa –Vũng Tàu  pambuak bruk saong tỉnh đoàn peih harei pataom “meta hadah sang bac” ngan saong dom bruk ngak hu makna ye: iek ruak sàng lọc tật khúc xạ, duk meta, tapa nan daong ngak camin brei saoh ka dom adei sang kan kandah. 

      # Tỉnh Tiền Giang hu labaih 36.300 ranaih hu rai diuk kan kandah, meblah 8% bhap bani dalam umo uranaih. Meng bruk sangka di dom gah, dom kapul nyaom dom tổ chức xã hội, tal urak ini, tỉnh ini hu peih prong 36 mô hình daong ka uranaih hu rai diuk biak kan kandah pambak tame bhap bani. Tapa nan, hu labaih 90% uranaih rai diuk kan kandah taduan mek hu bruk daong ba, iek glang piah pasiam veik, ba drei tame cộng đồng saong hu jalan piah patagok; labaih 80% uranaih mbuan si laik tame rai diuk kan kandah hu daong ba, iek glang.

       Khaw tin dunya

     # Nhật Bản harei 30-5 hu brei bol bala tanneh ia ini daok dalam báo động anak bruk Triều Tiên meda cuh tên lửa đạn đạo, taphia nan, ba kapal tàu khu trục saong hệ thống phòng thủ tên lửa Pa-tri-ớt caga cuh dom vật thể pal halei nao gah taneh ia Nhật Bản. Sa urang ngak praong dalam rajaei Nhật Bản hu brei thau bruk ini, min plaih brei thau cambaih .

      # Mentri Ngoại giao Trung Quốc bahrau brei thau, dom urang jakar di negar ini saong Mỹ meda hu peih dom mbang nyaom bhian thun pak bal ine Bắc Kinh. Tui Urang tabiak panuac di Mentri Ngoại giao Trung Quốc Lục Khảng, mbang ndom biai ka Chiến lược saong Kinh tế Trung-Mỹ (S&ED) mbang ka 8 saong bruk Tham vấn pakat glaong Trung-Mỹ ka taom gaok bhap bani (CPE) mbang ka 7 meda hu peih ngak dalam dua harei 6,7/6.

       # Takik di abih 24 urang metai di rilo labik dalam mbang gah Brak di Ấn Độ Uta Pra-đét (Uttar Pradesh) saong Ut-ta-ra-khan (Uttarakhand) kayua hajan praong saong hu tanyaik, tala. Urang jakar puk palei brei thau, di bang Uta-Pra-đét duah mboh 18 urang metai kayua mblung ia, tala tak. Daok di bang Ut-ta-ra-khan hu 6 urang metai. Tui kuhria mboh dahlau, hajan praong gam tui angin ribuk daok rah tabiak di dom bhum gah Brak Ấn Độ dalam dua harei tal. Adit blaoh, dom mbang hajan praong hu tala di bhum gah Tây saong gah kreh negar U-ta Pra-đét ngak takik di abih 23 urang metai, yaok pluh urang karei bị thương./.