khaw tin 10h30 saong 14h30,  harei 4/6/2015

# Dự án Luật Trưng cầu ý bhapbini ba tabiak ginum biai, brei panuac di tổ dalam mbang nyaom ka 9, Quốc hội mbang 13, bair harei (3/6) taduan mek hu bruk pachreih tui di rilo cử tri tỉnh Gia Lai. Tui cử tri, bruk patabiak Luật Trưng cầu ý bhapbini meda peih tabiak jalan ka bhapbini hu mbaok tame tapak dom bruk di karja, brei thau hatai caong saong peih ngak quyen ngak po, taphia nan patagok bruk sang tao di bhapbini dalam dom bruk praong di taneh ia. Cử tri Lê Viết Nhượng daok di phường Hoa Lư, ban sit Pleiku, tỉnh Gia Lai, ndom lac :“Bruk Quốc hội ba tabiak Luật Trưng cầu ý bhapbini lac bruk njauk ngak di tukvak ini. Hu yau nan kol drei meng patgaok hu dan chu dalam bhapbini. Ini lac bruk biak praong, njauk ngak piah kol drei patagok hu bruk sang tao di bhapbini, biak dan chu saong bhapbini. Taphia nan jeng patagok hu trach nhiem di bhapbini ngan saong taneh ia di tukvak urak ini piah drei dak padang saong khik caga negar”

/ Di xã Sơn Hóa, huyện Tuyên Hóa, tỉnh Quảng Bình barau rah tabiak 2 mbang khuah glai ngak khat lahik jaik sa ha glai. Yau nan, meng akaok thun tal ini, dalam huyện Tuyên Hóa, tỉnh Quảng Bình rah tabiak 4 mbang khuah glai, khuah abih jaik 5 ha glai. Makna dom mbang khuah kayua bhap bini kurang saneng kuhria, oh caik hatai dalam tuk nao glai.

# Tỉnh Quảng Ngãi urak ini hu labaih 290 rabau héc ta taneh hu glai, dalam nan jaik 183 rabau hecta glai pala. Anak bruk lingik pandiak bhang khang urak ini, uy mban bhapbini tinh Quảng Ngãi hu tacei pato gah kiểm lâm, dom puk palei saong dom labik khik ramik glai paglaong bruk pacang khuah padam khuah glai. Tinh ini jeng parabha labaih 1 tỷ đồng ka gah kiểm lâm blei jamraik, pandap padam ghuah…brei ka dom po glai di cơ sở.

/ Mesup harei 3/6, di ban Đà Nẵng, báo nhi đồng pambuak bruk saong palei uranaih SOS VN peih giải caoh mbanh uranaih dom palei uranaih SOS dalam negar. Giải ini rah tabiak meng harei 3 tal harei 8/6, di cung thể thao Tiên Sơn, ban Đà Nẵng, hu mbaok di 14 kapul ngan saong 140 cầu thủ mai meng dom palei uranaih SOS dalam negar. Dom kapul rabha jeng 4 bảng, pakacah tui hukum caok mbanh 5 urang dalam sang.

# Ủy ban bhapbini xã Ba, huyện Đông Giang, tỉnh Quảng Nam brei thau, di puk palei daok mboh jit laka cambuai saluah kakau. Urak ini, 56 drei limo di bhapbini gaok jit ruak ini. Tui nan, jit ruak laka cambuai saluah kakau hu mboh meng harei 28/5 tal urak ini. Hadei di tuk duah mboh sruh jit, dom gah chưc nang di huyện Đông Giang saong tỉnh Quảng Nam dral samal tacei pato mikva iek ruak ka tapol limo, pataom tame klauk caga labik jit oh caik ka jit pambak praong.

/ Harei pataom ilamu uranaih dom bangsa gah meraong mbang ka 5 hu rah tabiak di tỉnh Ninh Thuận dalam 3 harei meng harei 17 tal harei 19/6. Tui kuhria hu mbaok tame harei ilamu mbang ini hu jaik 2000 uranaih dom bangsa mai meng 25 tỉnh, ban meng Quảng Trị tame. Ini lac bruk ngak peih tabiak 2 thun sa mbang di dom sang uranaih, pasak bruk ngak dam dara uranaih gah meraong; lac tuk piah uranaih dom bangsa dalam khu vực taom gaok ndom meyai nao mai, sinh hoạt me-in sambai. Saai Vũ Thị Thùy Trang – Phaok Bí thư Tỉnh Đoàn Ninh Thuận – urang dalam mban tacei pato harei pataom ilamu brei thau: “Kol dahlak hu peih họp dom urang dalam mban tacei pato saong hu rabha bruk ka dom sở, ban, ngành ka dom bruk piah peih harei ilamu. Mban tacei pato jeng hu padang 3 tiểu ban nan lac: tiểu mban asal saong hậu cần,, tiểu mban pathau khan saong tiểu mban khik caga. Tui nan, 3 tiểu mban ini lac nồng cốt piah peih bruk kuhria caga dom kadha piah peih ngak hu jak jeng harei pataom ilamu” 

#Kapul thể thao Việt Nam mek hu huy chương ameh akaok meti di SEA Games 28. Yam tapa tangin kiếm taneh ia po sang Singapore Lim Wei Wen di trận chung kết taong kiếm 3 cạnh di likei ngan saong tỉ số 15-8, Nguyễn Tiến Nhật ba mai baok Huy chương ameh akaok meti ka kapul thể thao Việt Nam di SEA Games 28, taphia nan ba Việt Nam yam tagok dang ka 2 dalam bảng tổng sắp huy chương.

Patui di ini dom khau tin dunya:

/ Harei 3/6, HQ  brei kreik pabah mbang 209 sang bac kayua huac njom mbak hội chứng hô hấp bhum Trung Đông (ieu lacMERS). Dom sang bac njauk kreik pabah mbang jeng daok di tỉnh Giêng-gi, labik hu urang metai akaok meti kayua Mớt, jaik ban ine Xơ-un. Akaok mintri pato megru Hàn Quốc Hoang U Ya brei thau, yaom lac urak ini oh hu thei dalam anek saih, sinh viên njauk njom Mớt min dom anek saih saong gru pato hu cách ly piah pacang cakak virut njom mbak.

# Jabat patabha dom bruk nhân đạo di Liên hợp quốc brei thau, 2 triệu 800 rabau urang  Nê-pan jeng daok caong  nhân đạo hadei di mbang megaiy taneh khang  7,8 độ rích-te atah di ini labaih 1 bilan. Tui ông Đu-gia-ríc (Stephane Dujarric), urang brei panuac di Liên hợp quốc brei thau, tal urak ini jabat parabha dom bruk nhan dao di Liên hợp quốc barau taduan mek hu 120 triệu đô la Mỹ duk saong tanut bo gah ini ieu 423 triệu đô la Mỹ piah daong ka dom urang njauk bala di mbang megaiy taneh di Nê-pan.

/ Takik di abih 25 tuai Irac metai saong 16 urang karei njauk rambuac tuk radaih buýt laik trun labang di bhum ceik gah brak Iran. Tui dom urang ngak praong puk palei, sruh radaih ini lahik phanh laik trun sa baoh kraong meng angaok glaong 200 mét di ceik An-bon, tại Iran. Dom tuai damuai Irac ini daok angaok jalan nao tal sa labik padeih padei angaok tasik Ca-xpi. Gah daong duah urang njauk bala brei thau, urak ini jeng daok sa urang lahik hadei di  bala ini./.