Khaw tin 10h30 saong 14h30 harei 4/8/2015     

# Harei kabroi (3/8), di jabat rajaei , Thủ tướng Nguyễn Tấn Dũng hu taduan raok Đại sứ Cộng hòa liên ban Đức Jutta Frasch mai likau drei tuk salah tukvak ngak bruk di  Việt Nam. Thủ tướng Nguyễn Tấn Dũng taong yaom glaong dom rik daong di Đại sứ Jutta Frasch dalam bruk jhul pakhang talei pambuak bruk Việt Nam saong Đức dalam tukvak ngak bruk pak VN, abih di nyu nan lac dom kham merat daong dom doanh nghiep Đức duah jalan pambuak bruk ngak mbang, pablei salih di Việt Nam.

/ Meng harei 5 tal harei 8/8/2015, di HN hu rah tabiak Diễn đàn uranaih dunya mbang ka 4/2015 ngan saong kadha “caik hatai pang uranaih ndom”. Diễn đàn kayua mintri lao động – thương binh saong XH saong UB ilamu pato megru, dam dara, thiếu niên saong nhi đồng di QH dang akaok, pambuak saong dom mintri, ngành pambuak tal peih tabiak. Ini lac bruk ngak piah ka lambaok uranaih hu ndom, brei thau caong khin ka dom bruk hu pambuak tal uranaih saong piah ka dom jabat padang hukum, sarak mek panuac di uranaih.

# Ban Thường vụ Tỉnh đoàn Quảng Bình saong Uỷ ban bhapbini huyen  Bố Trạch barau peih pakak công trình dam dara pabak ia hacih ka bhapbini bangsa Vân Kiều di bản Khe Ngát, huyện Bố Trạch.  Công trình hu yaom abih tih 81 triệu đồng. Ini lac paok jien ieu pataom meng urang doan, dam dara saong dom doanh nghiep dalam huyện Bố Trạch. Công trình ba tame pandar rik daong langyah bruk caong hu ia hacih di bhapbini dalam palei.

/ Pambuak tal bruk rilo bè ikan di kraong Tiền labik cồn Thới Sơn, ban sit Mỹ Tho, tỉnh Tiền Giang metai ralo, harei kabroi 3/8, dom gah chức năng tỉnh Tiền Giang saong karja palei xã Thới Sơn hu nao tal labik duah thau yaom khat lahik, mek mẫu ikan metai piah ngak ka nyu cambaih laih makna jeng yau hu jalan tacei pato urang raong ikan pacang cakak ruak ka ikan bè.

 # Urak ini, bhapbini nao mai kraong Tiền meng bến phà Ngũ Hiệp,  huyện Cai Lậy, tỉnh Tiền Giang  tapa  xã Sơn Định,  huyện Chợ Lách, tỉnh Bến Tre  biak pandik hatai anak bruk bến phà ini mek jien biak glaong. Tui quy dinh di bến phà: urang nao takai abih 2.000 đồng/sa mbang ; ridiah juak 2.000 đồng/sa sruh; ridaih patuh  4.000 đồng/1 sruh; ridaih ô tô meng 4 tal 7 libik lac  38.000 đồng.  yaom ini glaong jang 2 mbang duk saong bến phà khách di puk palei; taphia di nan, tuk menuac urang saong radaih nao mai di bến phà Sơn Định- Ngũ Hiệp dalam tukvak  meng 4 tuk tal 4 tuk meteh pagaiy saong 19 tuk tal 20 tuk melam njauk bayar jien rilo jang dua mbang. Ngan saong urang jakar, viên chức, anek saih, urang taha tapa phà jeng oh brei saoh. 

/ Meng bilan 5 tal harei 19/7, hu 4 mbang bhap bini Campuchia njauk urang pacuh pajarak, ba gauk mai bhum tapen negar VN- KPC labik xã Bình Hòa Tây, huyện Mộc Hóa, tỉnh Long An, ngak srau kadau ngan saong ralo makna. Anak bruk ini, dom gah chức năng di tỉnh Long An, rilo di abih nan lac bộ đội, biên phòng saong công an hu pambuak bruk khang kajap hong gauk, langyah bruk njauk sarak di Đảng saong karja drei, oh lui rah tabiak bruk srau kadau, khik kajap talei pambuak bruk jum pataom di dua gah labik taphia negar.

# Di ban raya Hồ Chí Minh, mintri Y tế barau peih nyaom biai patabiak bruk “ salih barau jalan ndom puac, daok dang di urang jakar y tế pamaong tal bruk njauk hatai urang ruak” bhum gah meraong. Pathau khan di nyaom biai, akaok mintri Y tế Nguyễn Thị Kim Tiến ndom lac : meyah kol drei oh anit ranam, oh iek praong urang ruak, ye urang ruak peik mbaok kol drei. Kol drei njauk salih barau abih, meng labik lac urang ruak likau mai iek ruak ye urak ini salih tapa kol drei njauk duh ka urang ruak. 

Patui di ini dom khau tin dunya:

/ Harei kabroi, di ban Ta Khơ-mau, dalam tỉnh Còn Đan, rajaei Campuchia hu peih pakak tatua Ta Khơ-mau nao tapa kraong Ba-sắc. Kraong ini tuk nduac tapa VN ieu lac kraong Hậu. Brei panuac di mbang peih pakak, thủ tướng Campuchia Hun sen brei thau, ini lac sa dalam dom mbiak tatua praong abih di Campuchia barau hu peih pakak saong ba tame pandar, rik daong biak praong dalam bruk jhul patagok kinh tế - xã hội di Campuchia.  

# Harei ini ( 4/8), labaih 20 akaok mintri ngoai giao meng dom taneh ia ASEAN, dom taneh ia pambuak bruk saong dom taneh  đối thoại di ASEAN mai pataom mbaok dalam dom nyaom biai, camereip meng nyaom biai akaok mintri Ngoại giao thường niên ASEAN mbang yaka 48 di pasak nyaom biai pakat dunya di ban ine Kuala Lăm-pơ, Malaysia. Nyaom biai mbang ini ginum biai ka bruk ngak hu dalam bruk peih ngak dom harak di dom urang dang akaok ASEAN, dalam nan hu jalan dak padang cộngđồng ASEAN di puac thun ini, peih tabiak jalan ka ASEAN dalam dom thun tal hadei di tuk ngak jeng cộng đồng chung saong peih praong talei pambuak bruk saong dom doi tac./.

/ Di ban ine Viêng Chăn – Lào, kapul urang UB dom bruk XH – QH VN kayua amuk Trương Thị Mai-Chủ nhiệm Ủy ban ba akaok hu mbang ngak bruk saong kapul urang UB ilamu XH – QH Lào kayua giáo sư tiến sĩ Phon Thếp Phôn Xể Na, Chủ nhiệm Ủy ban dang akaok. Di mbang taom gaok, dua gah hu ginum meyai bruk kinh tế xã hội di dua taneh ia. Dua gah njauk gauk ndom lac, pambuak bruk di dua UB dalam tukvak tapa nan lac biak hu kein lagaih min brei patagok chất lượng di talei pambuak bruk ini. Dalam bruk pato megru paglaong ilamu urang jakar chuyên môn brei nao tame dalam dom gah./.