Khaw tin 10h30 saong 14h30 harei 5/11/2015 

# Taduan panuac daa di akaok taneh ia Trương Tấn Sang, Tổng thống taneh ia Cộng hòa Ai-xơ-len Ô-la-phua Rác-na Grim-xơn saong diuk di ong hu mai tal Hà Nội ravang pakat karja taneh ia Việt Nam meng harei 3 tal 6/11. Harei kabroi 4/11, bruk raok praong prang hu peih tabiak di jabat Chủ tịch. Akaok taneh ia Trương Tấn Sang saong Tổng thống jeng hu ginum biai dauh dom jalan jhul pakhang talei pambuak bruk dua taneh ia di taong abih gah.  

/ Patui danak dak ngak bruk mbang nyaom ka 10, QH mbang 13, harei ini 5/11, QH pang harak pathau khan pasang iek taong yaom caong khin QH mboh tangin brei tapa nghị định thư pasiam veik hiệp định padang tổ chức pablei salih dunya; pang harak pathau khan langyah, taduan panuac, pasiam veik dự thảo hukum khí tượng thủy văn saong ginum meyai di hội trường ka dom asal daok hu panuac karei di gauk di dự thảo ini. Biar harei, QH ginum meyai di tổ ka dự án hukum ký kết, mbeik drei tame saong ngak tui điều ước dunya (pasiam veik) saong bruk mbaoh tangin tame nghị định thư pasiam veik hiệp định padang tổ chức pablei salih dunya.

# Harei kabroi (4/11), di Hà Nội, Viện raoh duah Kinh tế saong sarak hu peih Diễn đàn sarak ngak nong yaok thun 2015 ngan saong kadha “ ngak saong saong urang nong Việt Nam anak dom kan kandah mbek drei tame”. Tui Phó Giáo sư - Tiến Sĩ Vũ Trọng Khải, Meyah oh pasiam hu dom yếu kém urak ni, gah nghak nong VN oh lac oh mek hu dom siam lagaih meng mbeik drei tame dunya ba mai, bo daok gaok dom cuang kandah di bruk mbeik drei tame dunya kateik karam. Tuk nan, ngak nong VN oh lac lah di dunya bo daok lah gam di taneh ia drei.  

/ Kayua bruk “sa rituh thun pala menuac”, dom cei gru anai gru hu sahneng duah kadha bahrau dalam pato megru rik daong ka bruk pato megru di huyện Long Phú jeng labik hadah di tỉnh Sóc Trăng saong bhum taneran kraong Cửu Long. Huyện long pHú hu ralo bhap bini bangsa Khmer diuk rai gam saong bangsa Kinh, Hoa. Tukvak tapa, bruk pato megru hu pakat ủy, karja huyện Long Phú saong gah pato megru tỉnh Sóc Trăng sangka. Kayua yau nan ye, anek saih lac anek kamuan urang Khmer dalam umo nao bac dak harei dak ralo, anek saih klak bac patrun yaok thun.

# Meng kham merat paglaong raidiuk bhapbini Khmer, jeng ye peih bruk padang ngak palei pala barau, dom thun tapa xã Vị Thủy, huyện Vị Thủy, tỉnh Hậu Giang hu jak ba daong sang kathaot Khmer dom bruk raong glang, pala drak lagaih saong raidiuk bhapbini. Thun 2014, xã hu Jabat ngak nong huyện daong mo hinh raong pabui patruh kathaot ka 20 sang bhapbini Khmer kan kandah daok di ấp 6 saong ấp 8, dalam nan yaok sang hu daong 6 triệu đồng piah ngak var raong hacih saong raong takik abih meng 2 drei pabui tagok. Urak ini, 20 sang hu daong nan hu padang var raong khang kajap, hu màng lưới caga jamaok, rilo sang patagok tapol pabui  tal 10 drei.

/ Dalam mbang ia ndik glaong pambuak saong riyak khang barau ini, ngak jaleih ralo taneh tapen tasik di pulao Nhàn di xã Bảo thuận, huyện Ba Tri, tỉnh bến Tre. Ini lac labik jaleih taneh khang puk palei oh pasiam hu. Ia ndik glaong ngak jaleih taneh labaih 200 m saong dalam labaih 10 m. Langiu di nan, meneng glai phi lao pacang ngin tapen tasik atah labaih 600 m jeng njauk riyak tasik paoh jaleih. Tui kuhria taneh jaleih jaik 1 ha. 

# Tui kuhria mboh di Chi cục An toàn pandap panda ban raya, hadei di 2 thun peih ngak, ban raya Hồ Chí Minh hu labaih 37.000 tấn pandap panda hacih pabak ka bhapbini ban raya. Bruk ini hu ba tabiak di nyaom biai pataom iek veik Đề án ngak tui Chuỗi pandap panda siam kayua Sở Y tế ban raya peih tabiak pagaiy harei 4/11.  Brei panuac di nyaom biai, ông Huỳnh Lê Thái Hòa – akaok Chi cục An toàn hacih saat pandap panda ban raya Hồ Chí Minh brei thau :  “Tuk hu bruk rah tabiak, ban raya Hồ Chí Minh meda nao dut iek  doanh nghiệp di dom tỉnh piah langyah tui panuac sanya di doanh nghiệp saong mban khik ramik chuỗi pandap panda an toàn”.

Patui di ini dom khau tin dunya:

/ Harei ini 5/11, di Luxembourg, rah tabiak nyaom meyai akaok mintri diễn đàn pambuak bruk Á – Âu (ieu lac ASEM) mbang ka 12, hu mbaok di akaok mintri ngoại giao 30 taneh ia châu Âu saong 21 taneh ia châu Á gam saong tổng thư ký ASEAN. Thứ trưởng akaok mintri ngoại giao Bùi Thanh Sơn ba akaok kapul VN hu mbaok tame nyaom meyai. Nyaom meyai akaok mintri ASEM mbang ka 12 nan lac tuk piah akaok mintri dom taneh ia châu Á saong châu Âu brei thau bruk pambuak gauk saong ndom biai nao mai di dua khu vực.

# Harei 4/11, di palei Straritskogo, Odessa (Ucraina), Kapul urang Việt Nam tỉnh Odessa hu nao brei pandap daong ka kambaok Kapul chữ thập đỏ Ucraina piah ba dom urang  meng labik mesruh metak daok plaih bala di Odessa. Dom pandap ini lac bruk pataom mek hu dalam sa bilan peih bruk ieu pataom kayua mban từ thiện kapul urang Việt dang akaok. 

/ Ngoại trưởng Đức Xtên-mây-ơ harei kabroi 4/11 brei thau: Đức brei pabak jang 75 triệu ơ rô (samu labaih 81 triệu đô la) piah daong urang di cư. Panuac ini hu ong Xtên-mây-ơ ba tabiak di mbang nyaom rah tabiak dalam harei nan di rajaei Đức saong lambaok dom kapul nyaom dunya LHQ, kapul chữ thập đỏ dunya, gah di trú dunya./.