Khaw tin 10h30 saong 14h30 harei 5/6/2015     

# Salah blaoh siam mekre mbang ravang Bồ Đào Nha, pagaiy harei ini,  Thủ tướng Nguyễn Tấn Dũng gam saong diuk saong kapul pakat glaong rajaei taneh ia drei hu nao tal ban Sofia, ravang Cộng hòa Bun-ga-ri tui panuac daa di  Thủ tướng Bôi-cô Bô-ri-xốp. Tui danakdak mbang ravang, Thủ tướng meda hu dom mbang taom gaok, ginum biai saong dom urang dang akaok Bun-ga-ri saong taom gaok dom  doanh nghiệp taneh ia ini piah jhul pakhang talei pambuak bruk kinh te, pablei salih saong dau tu di Việt Nam saong Bun-ga-ri, njauk saong talei pambuak bruk siam mekre meng kan, patagok glaong di abih pren khang di dua taneh ia piah gam patagok.

/ Patui danak dak mbang nyaom ka 9, QH mbang 13, harei ini 5/6, QH ngak bruk di hội trường ngan saong dom asal kadha yau: QH pang UVUBTVQH, chủ nhiệm UB Tư pháp di QH Nguyễn Văn Hiện brei thau harak pathau khan di UBTVQH ka bruk oan, sung dalam bruk pandar hukum  hình sự, tố tụng hình sự saong bruk bayar khat lahik saong ginum meyai ka bruk oan, sung dalam bruk pandar hukum hình sự, tố tụng hình sự saong bruk bayar khat lahik ka urang njauk oan dalam bruk tố tụng hình sự tui quy định di hukum. Biar harei, QH họp karei, pang harak pathau khan ka bruk Biển Đông. 

# Dalam harei alam moi truong dunya 5/6, melam kabroi di ban sit Vĩnh Yên, tỉnh Vĩnh Phúc, mintri Tài Nguyên saong  môi trường  hu peih bruk alin giải thưởng alam môi trường Việt Nam 2015. 15 thun tapa, mintri Tài nguyên saong  Môi trường  hu pilih alin ka yaok ratuh urang, akpul hu ngak bruk hadah trah. Giai thuong alam moi truong VN hu peih tabiak 2 thun sa mbang piah alin ka dom urang, kapul nyaom saong bhapbini ngak bruk khik caga alam moi truong hadah trah, paih pachreih pok je dom urang, kapul nyaom saong bhapbini hu rik daong praong ka bruk khik caga alam moi truong di Việt Nam.

/ Biar harei kabroi, kapul ngak bruk di mintri y tế kayua Thứ trưởng Nguyễn Thanh Long ba akaok kapul hu nao pasang iek bruk pacang cakak ruak laka jalan suak yava cấp MERS di dua 2 sang iek ruak praong di ban raya HCM nan lac sang iek ruak Chợ Rẫy saong sang iek ruak Nhiệt Đới. Tal tukvak ini, dua sang iek ruak hu ralo urang ruak di ban raya HCM nan lac sang iek ruak Chợ Rẫy saong sang iek ruak Nhiệt Đới hu kế hoạch kuhria ka bruk pacang cakak ruak MERS. Thứ trưởng Nguyễn Thanh Long taong yaom: sang iek ruak Chợ Rẫy saong sang iek ruak Nhiệt Đới hu kuhria caga siam bruk pacang cakak ruak laka jalan suak yava cấp MERS. Min, dom sang iek ruak brei caik hatai sàng lọc urang ruak pak di khoa iek ruak saong brei hu daong kỹ thuật ka dom urang ruak tuyến ala dalam bruk sàng lọc, chẩn đoán, cách ly ngan saong urang medil lac njom MERS.

# Tui Mintri jien padai saong Mintri Công thương, harei kabroi yaom menyek diesel 0.05S trun 19 đồng/ sa lít, yaom menyek truai trun 377 đồng/ sa lít. Daok xang saong menyek  mazut jeng khik yaom yau urak ini. Cambaih laih, yaom pablei xăng RON 92 oh glaong jang tanut 20.436 đồng/sa lít; xăng E5 oh glaong jang tanut  20.106 đồng/sa lít; menyek mazut 180CST 3.5S oh glaong jang tanut 13.153 đồng/sa kg.

/ Dalam tỉnh Bến Tre urak ini hu jaik 5000 kapal taong cap anagaok tasik, dalam nan hu labaih 1700 kapal taong cap di tasik tah, ba bruk ngak gam gam ka 14.000 urang ngak. Kayua patagok dom kapul ngak ikan, dom tổ taong cap saong dom dịch v ụhậu cần bruk ngak ikan, hu daong ka urang taong ikan tỉnh B.Tre gam taong chap hu rilo ikan, gam patrun hu phun jien mai tame gah mek nhiên liệu, ong Nguyễn Hồng Hải, akaok Uỷ ban bhap bini xã Bình Thắng, huyện Bình Đại, tỉnh Bến Tre brei thau: Thun ini hu  kapal dịch vụ 1 adit atau 10 harei nao mek sa mbang. Kayua yau nan ye jien urang taong cap ikan xoay sở samar jang. Dom thun dahlau 2 -3 bilan meng nao sa mbang, kayua yau nan ye yaom jien biak ralo, jien mực thu yaok tỷ đồng.

Khaw tin dunya  

# Bair harei 4/6, di huyện Viêng Xay, tỉnh Hủa Phăn, Bắc Lào rah tabiak bruk jao brei pasak pato sap Việt, pandap alin di Thủ tướng Nguyễn Tấn Dũng caik ka bhapbini tỉnh Hủa Phăn. Bruk padang ngak blaoh saong ba tame pandar pasak ini hu jia lac daong patagok menuac urang di tỉnh Hủa Phăn jeng ye dom tỉnh Bắc Lào rik daong tame bruk patagok talei pambuak bruk di dua taneh ia Việt Nam-Lào.  

/ Jabat Nông Lương Liên hợp quốc (ieu lac FAO) harei kabroi brei thau, yaom lương thực dunya patrun khang dalam bilan 5 meng bloh saong daok di tanut biar di abih dalam jaik 6 thun tapa, dalam tuk bruk pabak ngũ cóc saong ralo, tui kuhria hu patagok. Tui jabat nông lương liên hiệp quốc, chỉ số ini patrun meng bilan 4 thun bloh kayua gaok kan kandah di dom yếu tố yau sản xuất dunya tagok, jien đô la khang saong yaom menyek trun./. 

# Harei kabroi, jaik 34 rabau urang  bag auk nao takai tapa dom jalan di ban Muyních di Đức piah phản đối nyaom biai thượng đỉnh  kapul dom taneh ia công nghiệp dang akaok dunya G-7 tui kuhria rah tabiak puac adit ini di Bavaria. Ban Muyních njauk brei 17 rabau cảnh sát piah caga rah tabiak srau kadau, min bruk tabiak jalan hu rah tabiak dalam siam mekrei ./.