Khaw tin 10h30 saong 14h30 harei  5/8/2015  

# Anak bruk hajan ribuk daok ngak khat lahik rilo ka dom tinh gah Brak, harei kabroi (4/8), akaok taneh ia Trương Tấn Sang hu ba akaok kapul Trung ương nao ravang bhapbini saong pasang iek, tacei pato samal pasiam dom khut khat, tani tanat raidiuk  saong bruk pala drak  di Quảng Ninh, labik gaok kan kandah trak abih  ka menuac urang saong drap ar di mbang ribuk sajarah ini. Neh rabha dom khat lahik ka menuac urang saong drap ar di tinh Quảng Ninh, akaok  taneh ia pandar karja puk palei pataom tame ngak samal dom bruk doing bhapbini; samal tani tanat raidiuk.

/ Mintri công thương barau hu harak ka bruk ramik veik yaom xăng menyek dalam taneh ia. Tui nan, yaom xăng RON 92 trun 816 đồng sa lít, xăng E5 trun 816 đồng sa lít; menyek truac trun 638 đồng sa lít, menyek mazut trun 562 đồng sa kg. Yau nan, hadei di tuk trun, yaom pablei dom janih xăng menyek di darak pasar daok di tanut: xăng RON 92 yaom 19 ribau 304 đồng sa lít, xăng E5 lac 18 ribau 809 đồn sa lít, menyek diezel  13 ribau 862 đồng sa lít, menyek truac 13 ribau 112 đồng sa lít saong menyek mazuts 10 riabau 872 đồng sa kg.

# Harei kabroi (4/8), kapul ngak bruk di Ban Dân vận Trung ương kayua ông Thào Xuân Sùng, Phó Ban Dân vận Trung uơng par akaok hu var ngak bruk saong akaok tỉnh Quảng Ngãi ka bruk dân vận bhum bangsa takik. Ông Thào Xuân Sùng - Phó Ban Dân vận Trung ương kakei lac, taneh riya, lingik tasik di dom huyen bhum ceik tỉnh Quảng Ngãi biak siam biak lagaih ka bruk patagok nong – lam – nghiep pambuak pagam saong raong glang. Meyah thau ngak mbang ye dom puk paei bhum ceik meda hu dom bhum chuyên canh, patagok khang gah kinh tế.

/ Glai đầu nguồn Ninh Thuận di labik jaik taphia huyện Đức Trọng, tỉnh Lâm Đồng lac labik daok hu kayau biak praong. Barau ini, labik glai ini njauk urang jah tak biak khang. Kapul khik caga glai daok gaok kan kandah dalam bruk duah mboh saong pacang cakak bruk ini.   

# Ban sit Cần Thơ barau peih bruk pataom mbaok pahadar harei “kayua urang njauk jru mek kalik kruac VN” 10/8. Dom thun tapa, bruk iek glang, daong urang njauk jru mek kalik kruac hu dom pakat karja peih ngak siam. Urak ini, hu labaih 2.700  urang hu taduan mek chế độ trợ cấp saong sarak bảo trợ xã hội, jaik 300 sang urang njauk jru mek hu padang sang anit ranam, labaih 1.000  uranaih njom jru mek klik kruac hu taduan mek jien bac nao bac saong 100 mbang urang ruak hu daong jien ngak mbang…saong yaom jien abih tih labaih 20 tỷ đồng meng kadung jien iek glang urang njauk jru mek kalik kruac ban sit CầnThơ kayua dom kapul nyom, menuac urang rik daong. 

/ Sabuh mesup harei ini 5/8, hadei di jaik 10 mong kham merat kuac rok, kapul cứu hộ tỉnh Bình Dương daong mek hu sa uranaih kamei laik trun lubang sit tapen jalan nding ia, dalam yaok pluh mét di ban sit Tân Uyên. Hu thau, 17h biar harei kabroi 4/8, adei Tú Anh daok me-in saong dom ayut di mblang taneh klak tasaoh di xã Tân Vĩnh Hiệp, huyện Tân Uyên, tỉnh Bình Dương ye laik trun labang dalam tapen jalan nding bingun khoan meng katak. Thau hu bruk ini, labaih 100 urang jakar, urang lin, cảnh sát pacang khuah padam khuah tỉnh Bình Dương hu mbaok pak di labik nan gam saong ralo pandap kuac rok taneh, daong hu ka uranaih kumei nan.   

# Tỉnh Bình Phước barau peih bruk brei thau sarak 931 harei 15/5/2015 di Ủy ban Thường vụ Quốc hội brei ramik veik địa giới hành chính huyện Bù Gia Mập piah padang huyen barau Phú Riềng. Huyện barau Phú Riềng hu padang tagok meng bruk ramik veik taneh tự nhiên saong menuac sia meng huyện Bù Gia Mập, hu 10 đơn vị hành chính, hu taneh tự nhiên labaih 67.000 ha, saong hu labaih 92 rabau menuac. Hadei di tuk ramik veik địa giới hành chính piah  padang huyện Phú Riềng, huyện Bù Gia Mập daok veik taneh labaih 100.000 ha, labaih 72.900 menuac hu 8 labik hành chính. Hadei tuk hu huyện barau  Phú Riềng, labik hành chính di tỉnh Bình Phước  patagok  11 labik, dalam nan hu 8 huyen saong 3 thị xã. 

Patui di ini dom khau tin dunya:

/ Harei kabroi 4/8, gah langiu nyaom meyai akaok mintri ngoại giao ASEAN mbang ka 48 di Maylaysia, phaok thủ tướng, akaok mentri ngoại giao Phạm Bình Minh hu dom mbang taom gaok akaok mintri ngoại giao CPC. Di mbang taom gaok saong phaok thủ tướng, akaok mintri ngoại giao saong pambuak bruk dunya CPC Hô Nam Hông, phaok thủ tướng, akaok mintri ngoại giao Phạm Bình Minh ndom lac, VN tuk halei jeng iek praong talei pambuak bruk siam mekre meng kan saong CPC. Anak tal, dua gah daok patui jalan jhul pakhang talei pambuak bruk dalam dom gah, dalam nan hu bruk samar peih mbang nyaom ka 14 UB hỗn hợp VN – CPC dalam thun 2015. 

# Raidiuk rambah rambep saong caong khin sit sot nan lac hu taom gaok amaik ame adi sa-ai nan lac asal kadha praong di sa parang iek đặc biệt hu peih pakak di sang ga hàng không ka  2, mblang par kapal ahaok  Xô-phi-a di Bun-ga-ri harei 4/8. Meng tiêu đề “Dahlak hu sa caong khin” parang iek hu parang tabiak 40 blah rup cih sambo màu brei mboh ka raiduik oh hu harei ahdei di dom adei sit nao ban glai ban klo gam saong urang  tị nạn nduac klak bruk mesruh metak daok rah tabiak pak taneh ia di drei.

/ Tok dalam adit tapa, Ghi-nê saong Xi-ê-ra Lê-ôn, dua dalam dom taneh ia hu sruh jit Ebola di Tây Phi tok di hu dua urang njom jit di yaok taneh ia. Bruk ini peih tabiak jalan lac abih jit metai menuac ini dalam tangin. Ini lac panuac hu trợ lý giám đốc gah y tế dunya Brút Ây-loát brei thau di mbang họp báo rah tabiak di Giơ-ne-vơ, Thụy Sỹ harei kabroi 4/8./.