Khaw tin 10h30 saong 14h30 harei 6/5/2015
# Anak bruk yaom xang menyem di dunya tagok samar, ngak tui tacei pato di Thủ tướng rajaei ka bruk điều hành yaom pablei lẻ xang, menhek, Mintri Công Thương saong Mintri jien padai brei adat ka dom doanh nghiệp đầu mối hu ramik veik yaom xăng RON 92 saong xăng E5 tagok jaik 2.000 đồng/sa lít. Daok menyek diesel: khik tamo yaom pablei meng bruk pandar kadung jien khik kajap yaom xang, menyek piah daong yaom menyek diesel saong yaom buh brei nan lac 322 đồng/sa lít. Menyek mazut jeng hu buh brei 303 đồng/sa lit meng kadung jien khik kajap yaom kaom piah khik tamo yaom pablei. Daok menyek truac gom trun yaom jaik 260 đồng/sa lít.
/ Labaih 200 uranaih di
pasak bảo trợ uranaih gaok biak rilo kan kandah tỉnh Quảng Ninh saong dom adei
uranaih gaok kan kandah di ban sit Hạ Long barau hu dom bác sĩ, urang halan
hatian mai meng Australia iek ruak tagei, hàm, mặt, iek ruak sàng lọc saong iek
ruak tapak dom janih ruak gah tagei.
# Daok dalam danakdak “ pamaong tal tasik pulao palei negar”, sang iek ruak phổi TW pambuak bruk saong sang iek ruak Lao saong ruak phổi tỉnh Quảng Ngãi barau peih bruk iek ruak saoh ka bhapbini angaok pulao Lý Sơn. Tapa nan,, sang iek ruak Phổi Trung ương alin pasak y te Lý Sơn, tỉnh Quảng Ngãi 5 janih jru kháng sinh iek dom ruak gah phổi; pasram ilamu iek ruak lao phổi ka urang jakar bác sĩ di pasak, daong dom y bác sĩ pak ini paglaong bruk iek ruak saong pasang iek pren yava ka bhapbini angaok pulao. Bác sĩ Vũ Khắc Đại, Phó Trưởng Khoa nội soi chẩn đoán can thiệp sang iek ruak phổi Trung ương brei thau :“Kol dahlak mboh dom ruak bair gaok di urang praong thun rilo meng lac thoái hóa khớp, tagok darah, hen phế quản saong kháng phổi. Langiu iek ruak, kol dahlak jeng hu tư vấn ka dom ruak gah hô hấp ye hen phế quản. Kol dahlak tư vấn dom jalan plaih saong iek ruak ka urang ruak”.
/ Pandiak dui atah dom bilan tapa ngak thu
lagu di bhum ceik tỉnh Phú Yên. Bruk kurang ia pandar saong ia pala drak rah
tabiak di ralo labik ngak kan kandah tal rai diuk di bhap bini. Dom harei ini,
ralo taneh padai di mblang hamu Tân sơn, xã xã Ealy, huyện Sông Hinh daok thu
lagu, haluk caai. Tui lịch thời vụ, padai đông xuân jaik tal harei yuak min
urak ini barau sraoh, labaih 10 ha padai di labik ini mbuan khat lahik abih.
# Tui Uỷ ban bhapbini tỉnh Đắc Lắc, dalam tỉnh urak ini hu labaih 110 hec-ta phun mắc ca, pataom tame di 3 huyện M’Đrắc, Krông Năng saong Lăk. Dalam nan hu yaok pluh hec-ta hu dom doanh nghiep saong dom urang nong pala meng labaih 10 thun dahlau, tamuh siam, tabiak bingu rilo min ndam baoh biak takik. Uỷ ban bhapbini tỉnh Đắc Lắc hu tacei pato Sở ngak nong saong patagok palei pala, urang dang akaok dom huyen, thi xa, ban sit di tinh njauk tacei pato saong ba tabiak jalan cambaih laih ka bruk patagok phun mắc ca di tỉnh , piah plaih khat lahik ka urang nong. .
/ Tỉnh Kon Tum
barau alin hadiah 2 drei limo pajaih (yaom 30 triệu đồng) ka baoh sang ong A
Đàn (umo 41thun), daok di palei Vai Trang, xã Đăk Long, huyện Đăk Glei. Ong
A Đàn dahlau daih lac urang jakar bộ đội biên phòng padeih bruk bloh, lac baoh
sang hu buh pren yava ka cách mạng, urak ini gaok biak ralo kan kandah dalam
rai diuk. Yaom jien piah blei limo pajaih ini kayua urang jakar, urang dalam
duk chính trị (bộ đội biên phòng tỉnh Kon Tum) rik daong. Ini lac sa bruk ngak
piah daong dom baoh sang hu buh pren yava ka cách mạng patagok kinh tế, yam
tagok tabiak truh kan kathaot.
# Meng thun 2014 tal ini, Sở Lao động –
Thương binh saong Xã hội tỉnh Đồng Nai hu pasang iek bruk caong ramik pasaim
sang daok di urang buh preh yava ka cach mang, tapa nan mboh lac, hu jiak 760
sang urang hu kaong di 171 xã, phường dalam tinh njauk daong jien piah ramik
pasiam, saong padang ngak barau sang daok. Meng kham merat oh caik ka urang buh
pren yava ka cach mang njauk daok sang taik tahak, urak ini dom huyen, thi
dalam tinh daok ngak harak
Patui di ini dom khau tin dunya:
/ Tổng thống Yêmen Manxua Hađi brei thau,
nyaom ginum biai bangsa Yêmen hu peih tabiak di harei 17/5 tal di A rập Xê-út.
Hãng thông tấn Anađôn di Thổ Nhỹ Kỳ brei thau, Tổng thống Hađi hu panuac ieu
taong abih dom gah chính trị dalam taneh ia hu mbaok tame bruk ginum biai piah
duah jalan ka bruk srau kadau biak jhak urak ini di taneh ia.
# Anak bruk jit pandaik tabiak darah daok patuh khang dalam bilan hè ini, sa cty gah công nghệ sinh học di Anh daok peih sa mbang ngak iek di Bra-xin piah pacang cakak bruk njom mbak di jit ruak pandiak tabiak darah tapa bruk pandar jamaok biến đổi gen.
/ Thổ Nhĩ Kỳ
tabiak panuac brei thau ka mbang tamuh jit cúm menuk ada H5N1 di sa
trang trại menuk ada di tỉnh Kát-ta-mô-nu, gah brak taneh ia ini. Ini lac mbang
tamuh cúm H5N1 akaok meti di TNK dalam 7 thun tapa./.
Viết bình luận