Khaw tin 10h30 saong 14h30 harei 6/6/2015    

# Chủ nhiệm Văn phòng Quốc hội Nguyễn Hạnh Phúc brei thau, dalam mbang nyaom yaka  9, dom urang Quốc hội tangi sua tapak  4 urang dang akaok mintri : mintri ngak nong saong patagok palei pala; mintri Công thương; mintri Khoa học saong Công nghệ; mintri pato megru. Dalam tuk tangi sua dom akaok mintri, dom urang dang akaok mintri, akaok ngành karei hu pambuak tal meda pataom tame langyah veik dom bruk bo urang QH saong cử tri sangka. Hadei tuk dom akaok mintri jalei bloh, Thủ tướng rajaei atau phaok thủ tướng rajaei hu panuac ngak brei cambaih laih jang dom bruk hu pambuak tal saong calei tapak tangi sua di urang  Quốc hội. 

/ Thủ tướng rajaei barau hu công điện ka bruk pacang cakak jit ruak ngak jeng hội chứng laka jalan suak yava cấp bhum Trung Đông kayua virus Corona (ieu lac MERS). Công điện ndom cambaih laih, jit ruak ngak jeng hội chứng laka jalan suak yava cấp bhum Trung Đông kayua virus Corona daok tamuh tabiak di 9 taneh ia bhum Trung Đông saong nyu njom mbak tal 17 taneh ia karei, dalam nan hu dom taneh ia châu Á yau TQ, HQ, Philippines… Piah kuhria caga pacang cakak jit njom mbak tame VN, Thủ tướng rajaei pandar: mintri y tế pambuak bruk khang kajap saong gah y tế dunya, tui iek bruk rah tabiak jit MERS piah samar brei thau ka bruk nguy hiểm, makna njom mbak ka bhap bini thau piah bhap bini caga pacang cakak jit MERS.

# Tui Chi cục Hải quan pabah mbang negar pakat dunya Lào Cai, dalam dua adit tapa, jaik 500 tấn vải thiều hu pablei tabiak darak pasal Vân Nam (Trung Quốc). Piah ba mbuan lagaih ka bruk pajeng ba, Chi cục Hải quan pabah mbang negar pakat dunya Lào Cai  hu brei jalan nao karei ka dom ridaih pajeng vải that pablei tabiak taneh ia langiu; brei harak brei thau asal pandap di pabak pambang megar; ưu tiên thông quan pandap ini meng akaok tukvak ngak bruk var pagaiy, piah plaih lingik pandiak ngak trun chat luong baok vải.

/ Di var ngak bruk saong UB bhap bini tỉnh Khánh Hòa, barau ini, lambaok mintri ngak nông saong patagok palei pala ndom lac, pasak bruk ngak ikan bhum Nam Trung Bộ di pabah ikan Đá Bạc, ban Cam Ranh (Khánh Hòa) lac mô hình điểm piah padang ngak, patagok dom pasak bruk ngak ikan hu thủ tướng rajaei mbaoh tangin tame. Dự án padang  ngak pasak ini meng thun 2015 – 2018, praong 46 ha, saong yaom jien buh tame abih tih  1.564 tỷ đồng. Dalam nan, tui kuhria phun jien ODA di rajaei NB 184 tỷ đồng, Trung ương 732 tỷ đồng, tỉnh 120 tỷ đồng saong XH hóa 528 tỷ đồng.

# Viện alamu kỹ thuật nông, lâm nghiệp Tây Nguyên pok panuac tagok mintri ngak nong saong patagok palei pala brei samal roh duah dalam ka phun amraik kalu saong patabiak jalan pala drak, patagok khang kajap gah amraik kalu Việt Nam. Kayua amraik kalu hu jeng sa gah kinh te praong ngan saong yaom jien pablei tabiak taneh ia langiu thun 2014 hu labaih 1 tỷ USD  saong hu rilo pren khang meriak gauk di darak pasal dunya .

/ Kapul Famtrip Cộng hòa Prang barau hu mbang nao rivang saong duah thau darak DL di Đắc Lắc. Di var ngak bruk saong Ban tacei jalan Tây Nguyên saong sở ilamu TT saong DL tỉnh Đắc Lắc, kapul caong khin ngak jeng talei pambuak piah yaih khan bruk DL di Đắc Lắc tal dunya. Ông Laurent Chevassut, Giám đốc Công ty Du lịch Espriet Pionnier, Cộng hòa Prang – thành viên kapul Famtrip lac: Dom labik DL di dom ayut biak hu pren khang, bhap bini châu Âu biak takre bruk hoang sơ. Hadei di tuk mai palei kol dahlak brei peih dom tua ka tuai mai ini DL, dom ayut brei padang ngak dom labik puk aplei ka tuai daok pak di labik khik hu hacih sa-at, siam mekre, salamat. 

# Di tỉnh Bến Tre, mintri Ngoại giao saong uy mban bhapbini tỉnh Bến Tre pambuak bruk peih  nyaom biai ASEM ka khik halau ia piah padang tabiak danakdak nghị sự hadei thun 2015. Nyaom biai hu mbaok di 180 urang jakar dalam saong langiu taneh ia mai meng 53 thành viên ASEM saong dom tổ chức khu vực, dunya pambuak tal. Nyaom biai piah peih tabiak sáng kiến di Thủ tướng rajaei hu ba tabiak di nyaom biai pakat glaong ASEM 10 hu peih ngak thun 2014, rik daong paglaong talei pambuak bruk tầm liên khu vực daong cakak tavak tavaiy ka khik kajap halau ia krong Mê Kông, njauk saong lợi ích an ninh saong patagok di Việt Nam.

Patui di ini dom khau tin dunya:

/ Akaok mintri QP Mỹ Ashton Carter hu nao rivang Ấn Độ. Dalam mbang nao rivang, ong  Carter hu dom mbang taom gaok thủ tướng taneh ia Narendra Modi, akaok mintri QP Ấn Độ Manohar Parrika, akaok mintri ngoại giao Sushma Swara saong Cố vấn an ninht negar Doval. Mintri ngoại giao Mỹ brei thau, ong Cater hu mbaoh tangin tame harak brei dui atah jang tukvak thỏa thuận khung ka talei pambuak bruk QP di Ấn Độ saong Mỹ dalam 10 thun tal, hu dua gah njauk hatai dalam mbang nao rivang di tổng thống barack Obama tal Ấn Độ  bilan 1 meng bloh.

# Dom urang alamu Hà Lan brei thau, dom urang ini daok patagok sa hệ thống hu tính cách mạng piah sa harei halei nan meda daong dom palei atah bayah di dunya  eng drei ngak hu menyek pandar tani tanat meng dom janih phun pala ala ia, pagap ye padai ia. Meyah hu patagok njauk jalan, hệ thống ini meda brei điện năng ka dom bhum atah bayah, meda dak padang di dom ban jeng ye dom bhum palei pala piah ba menyek hacih.

 / Barau ini, bhap bini dom taneh ia Mỹ Latinh saong Caribe mboh duh hatai anak bruk yaok ribau urang di cư daok seik angaok tasik di Đông Nam Á saong Địa Trung Hải. Dalam harak pathau khan di Mintri ngoại giao saong jak ba ngak pahala di Ecuador – taneh ia daok ngak chủ tịch luân phiên dom taneh ia Mỹ Latinh saong Caribe – kapul hu 33 taneh ia Mỹ Latinh ini hu panuac ieu dunya brei hu trách nhiệm dalam bruk khủng hoảng nhân đạo nan./.